San Juan 12:31 - DIOSPA QHELQACHISQAN DEUTEROCANONICAL

³¹ Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

Qheshwa Biblia DC

³¹ Kunan mundopaj juicio chayamun. Kunanmá mundota kamachejqa jawaman qharqosqa kanqa.

DIOSPA QHELQACHISQ

³¹ Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

Quechua South Bolivia: Dios Parlapawanchej

³¹ Cunanri Dios juchachashan cay pacha runasta juchancuraycu. Cunantaj cay pachata sajra camachej supay Satanasta Dios kharkonka.

San Juan 12:31 Referans Kwoze

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

Colosenses 2:15

Ajinata ruwaspa, supaykunaj kamachiyninkuta, atiyninkuta ima qhechorqa. Ajinamantataj paykunata Cristonejta cruzpi atipaspa, tukuypa rikunanta p'enqaypi rikhuricherqa.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

San Mateo 12:28

Sichus noqaqa Diospa Espiritunpa atiyninwan supaykunata qharqoni chayqa, sut'itapuni niykichej: Diosqa qankuna ukhupi kamachiyta qallarishanña, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Isaías 49:24

Pitaj soldadokunamanta imatachus maqanakupi qhechusqanta qhechuyta atinmanri? Uj runa presochasqa kasqanmanta ayqekuyta atinmanchu?

San Juan 3:19

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

San Juan 9:39

Jesustaj nerqa: Noqaqa kay pachaman juzganaypaj jamorqani: Ñawsakunata qhawarichinaypaj, rikushasqankuta yuyajkunatataj ñawsa kashasqankuta sut'inchanaypaj, nispa.

1 Corintios 1:20

Ajinaqa, maytaj chay yachayniyojri? Maytaj chay yachachejri? Maypitaj kay pachapi kaj imakunamanta churanakoj kashanri? Diosqa payta mana qhatejkunaj yachayninkuta p'enqaypi rikhuricherqa.

1 Corintios 1:21

Dios mana saqerqachu runakuna tukuy yachayninkuwan payta rejsinankuta. Manachayqa Jesusmanta sumaj willayta willasqaykuta jap'ikojkunata qhespichinanta nerqa, chay willasqayku wampoj yuyasqanman rijch'akushajtinpis.