San Juan 11:55 - DIOSPA QHELQACHISQAN DEUTEROCANONICAL

⁵⁵ Chaypacha judiokunaj Pascua rayminkuman qayllallaña kasharqa. Chayrayku ashkha runakuna tukuynejmanta Jerusalenman chayamorqanku Diospa ñawpaqenpi llimphuchakunankupaj, manaraj Pascua raymi kashajtin.

Qheshwa Biblia DC

⁵⁵ Judiospa Pascuan qayllaña karqa; ashkha runataj llajtamanta Jerusalenman wicharerqanku Pascua ñaupajta llimphuchakunankupaj.

DIOSPA QHELQACHISQ

⁵⁵ Chaypacha judiokunaj Pascua rayminkuman qayllallaña kasharqa. Chayrayku ashkha runakuna tukuynejmanta Jerusalenman chayamorqanku Diospa ñawpaqenpi llimphuchakunankupaj, manaraj Pascua raymi kashajtin.

Quechua South Bolivia: Dios Parlapawanchej

⁵⁵ Israelcunaj pascuancu p'unchaycuna kayllaña casharka. Ashqha runastaj tucuy camposmanta Jerusalenman rerkancu. Paycuna pascua ñaupajta sonkoncuta llimphuchaj cancu Diosta yupaychanancupaj.

San Juan 11:55 Referans Kwoze

San Juan 12:1

Pascua raymipaj sojta p'unchayraj kashajtin, Jesús Betaniaman rerqa. Chaypi Lázaro tiyakorqa, pitachus Jesús wañusqamanta kawsarichisqa, chay.

San Juan 6:4

Chaypacha judiokunaj Pascua rayminkuman qayllallaña kasharqa.

San Juan 2:13

Judiokunaj Pascua rayminkuman qayllallaña kashajtin, Jesús Jerusalenman rerqa.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

1 Corintios 11:28

Chayrayku, manaraj t'antata mikhushaspa, nitaj copamanta ujyashaspa, sapa ujniykichej sonqoykichejta allinta qhawarikuychej, Jesuspa Cenanta mikhunapaj jinachus manachus kashasqaykichejta yachanaykichejpaj.

Hechos 24:18

Noqa Temploj pationpi kashaspa, llimphuchakusharqani Diospa ñawpaqenpi allinpaj qhawasqa kanaypaj. Chaypitaj wakin runakuna taripawarqanku. Chaywanpis mana ashkha runachu chaypi karqanku, nitaj ima ch'ajwapis karqachu.

San Juan 18:28

Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 5:1

Chay qhepata judiokunaj rayminku karqa, Jesustaj Jerusalenman rerqa.

San Juan 2:6

Chaypi rumimanta ruwasqa sojta jatuchaj p'uñukuna karqa yakuta churanapaj, judío usuman jina mayllakuspa llimphuchakunankupaj. Sapa p'uñumantaj qanchis chunka litro yaku yaykorqa.

Marcos 14:1

Iskay p'unchayllaña Pascua raymipaj karqa, jinallataj Mana Levadurayoj T'anta raymipaj ima. Chantá kuraj sacerdotekuna, Diospa kamachisqanmanta yachachejkuna ima mask'asharqanku imaynatachus Jesusta pakayllamanta jap'ichispa wañuchinankuta.

San Mateo 26:1

Jesús chay tukuy imata yachachiyta tukuytawan, yachachisqankunata nerqa:

Salmos 26:6

Tata Dios, makeyqa tukuy juchamanta llimphuchasqaña. Chayrayku altarniykiman qayllaykuyta munani.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

1 Samuel 16:5

Samueltaj kuticherqa: Arí. Tata Diosman uywa ñak'asqata q'olachispa jaywaj jamushani. Wakichikuychej Diospa ñawpaqenpi llimphupaj qhawasqa kanaykichejpaj. Chantá noqawan khuska jamuychej Tata Diosman q'olachinata jaywaj, nispa. Chaymanta Samuelqa Yeseta, churinkunatawan llimphupaj qhawasqa kanankupaj ruwaytawan, Tata Diospaj q'olachinaman paykunatapis wajyallarqataj.

Números 9:6

Chaywanpis wakin israelitakuna wañusqata llankhasqankurayku mana llimphupaj qhawasqa kasharqanku. Chayrayku paykunaqa chay p'unchaypi mana Pascuata ruwayta aterqankuchu. Jinaqa Moiseswan, chantá Aaronwan ima parlaj rerqanku.

Números 9:10

Israelitakunata ajinata ninki: Ichapis qankunamanta pillapis, chayrí mirayniykichejmanta mayqellanpis runaj ayanta llankhanman, chayrí karupi kashanman, chayrí ñan puriypi kashanman. Ajina kashaspapis, Pascua raymita noqaj sutiypi ruwayta atillanqanku.

San Mateo 26:2

Qankunaqa yachankichej iskay p'unchaymantawan Pascua raymi kananta. Chaypacha Runaj Churinta jap'enqanku cruzman chakataykunankupaj, nispa.

San Lucas 22:1

Mana Levadurayoj T'anta Mikhuna, Pascua sutiyoj raymiman qayllaña karqa.

Hechos 21:24

Qanpis paykunawan khuska Temploman rispa, kamachisqaman jina Diospa ñawpaqenpi llimphuchakuy. Chantá paykuna chujchankuta ruthuchikunankupaj qan qolqeta churapuy. Ajinata ruwajtiyki, tukuy yachanqanku mana jinachu kasqanta qanmanta uyarisqankoqa. Aswanpis rikonqanku qanpis Diospa kamachisqanta junt'asqaykita.

Hechos 21:26

Iglesiaj kurajninkunaj nisqankuta kasuspa, Pabloqa chay tawa runakunawan khuska q'ayantin llimphuchakorqa Diospa ñawpaqenpi allinpaj qhawasqa kananpaj. Chaypacha Temploj pationman yaykuspa, tukuypa uyarinanta willarqa mayk'ajchus llimphuchakunanku tukukunanta. Chay qhepatataj uywa ñak'asqata Diosman q'olachispa jaywananku karqa sapa ujninkumanta.