San Juan 10:15 - DIOSPA QHELQACHISQAN DEUTEROCANONICAL

¹⁵ Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

Qheshwa Biblia DC

¹⁵ Imaynatachus Dios Tata rejsiwan, ajinallatataj noqapis payta rejsini; kausayniytataj ovejasrayku churani.

DIOSPA QHELQACHISQ

¹⁵ Imaynatachus Tata Diosniy rejsiwan, ajinallatataj noqapis payta rejsini. Chantá ovejaykunata qhespichinayrayku noqa wañusaj.

Quechua South Bolivia: Dios Parlapawanchej

¹⁵ Imaynatachus nokata Tatay rejsiwan nokapis Tatayta rejsini, ajinallatataj ovejasniyta rejsini. Causayniytataj koni ovejasniy wiñay causayniyoj canancupaj.

San Juan 10:15 Referans Kwoze

San Juan 10:11

Noqa sumaj michej jina kani. Sumaj michejqa ovejankunarayku wañunatapis mana manchachikunchu.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

Isaías 53:10

Chay tukuywanpis, Tata Dios munanqapuni kamachin ñak'arichisqa, t'unasqataj kananta. Chay kamachitaj kikin kawsayninta jucharayku uywa ñak'asqa jaywanata jina jaywaykukonqa. Chayrayku payqa aswan qhepaman mirayninta rikonqa, wiñaypajtaj kawsanqa. Paynejtataj Tata Diospa munaynenqa junt'akonqapuni.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

San Juan 15:13

Pillapis kawsaqenkunarayku wañojqa imaynatapunichus paykunata munakusqanmanta yachayta qon.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 6:46

Mana pi runapis Tata Diosta rikorqachu, manachayqa Diosmanta jamojlla.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Lucas 10:21

Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Isaías 53:8

Payqa yanqhamanta presochasqa kanqa, paytataj juchachanqanku wañuchisqapuni kananpaj. Ni miraynillanpis kanqachu aswan qhepaman paymanta parlanankupaj. Ajinata payqa aylluypa juchanraykumin runa chawpimanta chinkachisqa kanqa.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.