Jeremías 48:10 - DIOSPA QHELQACHISQAN DEUTEROCANONICAL

¹⁰ Maldicisqa kachun pichus mana tukuy sonqowan Tata Diospa kamachisqanta ruwajqa. Maldicisqallataj kachun pichus maqanakuman mana yaykuyta munajqa.

Qheshwa Biblia DC

¹⁰ Maldicisqa kachun pichus mana tukuy sonqowan Señorpa nisqanta ruwajqa. Maldicisqa kachun pichus wañuchinakuman mana yaykuyta munajqa.

DIOSPA QHELQACHISQ

¹⁰ Maldicisqa kachun pichus mana tukuy sonqowan Tata Diospa kamachisqanta ruwajqa. Maldicisqallataj kachun pichus maqanakuman mana yaykuyta munajqa.

Jeremías 48:10 Referans Kwoze

1 Reyes 20:42

Chantá Diosmanta sut'inchajqa nerqa: Tata Dios ajinata nisunki: Wañuchinapaj juchachasqa runata qan kacharisqaykirayku paypa cuentanmanta wañunki, aylluykiwantaj paypa ayllunmanta paganki, nispa.

1 Samuel 15:3

Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

Jueces 5:23

Tata Diospa angelnintaj rimarerqa: Meroz llajtayojkuna maldicisqa kachunku, Tata Diospa soldadonkunata mana yanapasqankumanta. Sinch'i maldicisqa kachunku, imaraykuchus mana jamorqankuchu Tata Diosta yanaparej wapu soldadokunata atipananpaj.

2 Reyes 13:19

Chantá Diosmanta sut'inchaj Eliseo phiñakuspa kuraj kamachej Joasta nerqa: Sichus phishqata, sojtatapis pampata wajtawaj karqa chayqa, siriokunata tukuchinaykikama atipaykuwaj karqa. Kunanrí, kinsa kutillata siriokunata atipanki, nispa.

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.

Jeremías 50:25

Noqa Tata Dios arma jallch'anay wasita kicharispa, k'araj phiñakuyniypa armanta orqhomorqani, imaraykuchus noqa Tukuy Atiyniyoj, Tukuyta Kamachej Tata Dios Babilonia suyupi imatachus ruwanayta junt'asaj.

Jeremías 47:6

Ay, Tata Diospa espadan, mayk'ajllañataj samarikunkiri? Jallch'anaykiman kutiykapuspa, samarillayña.

1 Reyes 20:39

Kuraj kamachej ñanta pasashajtintaj, Diosmanta sut'inchajqa jatunmanta qhaparispa, nerqa: Wiraqochiy noqa maqanakupi kasharqani. Jinallapi uj soldado uj presota apamuwaspa, niwarqa: Kay presota allinta qhawanki. Sichus ayqenman chayqa, qanmin wañuchisqa kanki, manachayrí 3.000 qolqeta paganki, nispa.

1 Reyes 20:40

Chantá noqa waj imakunata ruwanaykama presochasqa soldadoqa chinkapusqa, nispa. Ajinata Diosmanta chay sut'inchajqa kuraj kamachej Ajabman willarqa. Chantá kuraj kamachejqa nerqa: Qan kikiyki imatachus ruwanata rimarinki, rimarisqaykiman jinataj juchachasqa kanki, nispa.

Jeremías 11:3

Noqa israelitakunaj Tata Diosnin nini: Kay trato ruwasqata mana junt'ajqa maldicisqa kachun.

Jeremías 47:7

Chaywanpis imaynatataj Diospa espadan mana kuyuspa kakunmanri? Tata Diospuni Ascalonpa contranta, mama qocha kantupi kajkunaj contrankutapis kacharqa paykunata chinkachinanpaj.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Josué 10:19

Qankunatajrí ama chayllapi kaychejchu. Awqaykichejta qhatiykuychej, qhepapi kaj soldadokunatataj wañurachiychej. Ama saqeychejchu llajtankuman kutejta, imaraykuchus Tata Diosniykichej makiykichejman paykunata jaywaykusunkichej, nispa.