Jeremías 26:13 - DIOSPA QHELQACHISQAN DEUTEROCANONICAL

¹³ Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Qheshwa Biblia DC

¹³ Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

DIOSPA QHELQACHISQ

¹³ Chayrayku imaynatachus kawsashasqaykichejta, purishasqaykichejtapis allinchaychej, Diosniykichej Tata Diostapis kasuychej. Ajinatachus ruwankichej chayqa, kachaykamunanta nerqa, chay ñak'ariykunata manaña kachaykamusonqachejchu.

Jeremías 26:13 Referans Kwoze

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Jonás 3:9

Ichapis Dios imatachus nisqanta manaña ruwanmanchu, k'araj phiñakuynintaj tiyaykunman, jinamanta mana wañunanchejpaj, nispa.

Isaías 1:19

Sichus qankuna kasuwankichej chayqa, jallp'aj aswan sumaj poqoyninta mikhunkichej.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Jeremías 36:3

Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 26:19

Miqueas imatachus nisqanmanta kuraj kamachej Ezequías chantá Judamanta runakunapis payta wañuchisqankuchuri? Manachu kuraj kamachejqa Tata Diosta manchachikuspa, mañakusqa paykunamanta khuyarikunanta? Chayrayku Tata Diosqa ñak'arichinan willachisqanta mana junt'asqachu. Sichus noqanchej Jeremiasta wañuchisun chayqa, Tata Dios jasut'iwasun, nispa.

Jeremías 26:3

Ichapis kasususpa, millay ruwasqankuta saqenkuman. Jinata ruwajtinku, noqapis manaña millay ruwasqankumanta paykunata jasut'iymanñachu, imaynatachus yuyashani, jinataqa.

Jeremías 18:8

Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.