Jeremías 23:6 - DIOSPA QHELQACHISQAN DEUTEROCANONICAL

⁶ Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Qheshwa Biblia DC

⁶ Chay p'unchaykunasnimpeqa Judá salvasqa kanqa, Israelpis sumaj waqaychasqa tiyarikonqa. Kay sutiwanmin chaypacha sutichanqanku: Señormin cheqan kajta ruwaysiwajninchejqa, nispa.

DIOSPA QHELQACHISQ

⁶ Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 23:6 Referans Kwoze

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Jeremías 33:16

Chay p'unchaypi Judapi tiyakojkuna kacharichisqa kanqanku, Jerusalentaj sumaj waqaychasqa kawsakonqa. Chaypacha kay jina sutiwan sutichasqa kanqa: Tata Diosmin Noqanchejpaj Justiciata Ruwaj, nispa.

Filipenses 3:9

Manaña Moisespa kamachisqankunata junt'aspachu cheqan runapaj qhawasqa kayta mask'ashani. Aswanpis Cristopi atinikusqayrayku cheqan runapaj qhawasqa kani, imaraykuchus Diosqa cheqan runapaj qhawawanchej Cristopi atinikusqanchejrayku.

Romanos 3:22

Diosqa runata cheqanpaj qhawawanchej Jesucristopi atinikusqanchejrayku. Paytaj chayta ruwan Jesuspi tukuy atinikojkunawan, imaraykuchus Diosqa runata mana qhawaranchu.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.

Sofonías 3:13

Chaypacha Israel ayllumanta puchojkuna manaña mana cheqan kajta ruwanqankuchu, nitaj llullata parlanqankuchu, nillataj ch'awkiyaspa parlanqankuchu. Aswanpis paykuna mikhurikonqanku, samarikonqankutaj ni imamanta manchachikuspa.

Abdías 1:21

Atipajkunaqa Sión orqoman wicharenqanku chaymantapacha Esaúj orqonkunata juchachanankupaj. Chaypachataj Tata Diosmin kuraj kamachej jina kamachenqa.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Isaías 35:9

Chaypeqa mana leonkuna kanqachu, nitaj phiña k'ita animalkunapis chaynejta purenqankuchu. Manachayqa chay ñannejta, pikunatachus Tata Dios preciota pagaspa kacharicherqa, chaykunalla kutimponqanku.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

1 Reyes 4:25

25 (5.5) Salomón kawsanankama Judapi, Israelpiwan runakunapis allin kawsayllapitaj tiyakorqanku, sapa ujninku uva sach'anku urapi, higo sach'anku urapipis, Danmantapacha Berseba chaynejkama.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 28:26

Chaypi paykuna ni imata manchachikuspa, tukuy sonqo tiyakonqanku. Wasikunata ruwakonqanku, uva sach'akunatapis churanqanku. Maypachachus Israel aylluypa qayllanpi tiyakojkunata jasut'isaj aylluyta pisipaj qhawasqankurayku chaypacha, Israel aylluy yachanqanku noqa Tata Diosninku kasqayta, nispa. Ajinata nin Tata Dios.

Ezequiel 38:14

Chayrayku runaj churin, Gogman sut'inchaspa, niy: Tukuyta Kamachej Tata Dios kay jinata nisunki: Jamoj p'unchaypi Israel aylluy mana imamanta manchachikuspa tiyakushajtin, qanqa contranpi puririnki.

Ezequiel 48:35

Llajtaj perqanqa tukuy muyuyninpi jisq'on kilómetro kanqa. Chay llajtaj sutenqa chay p'unchaymantapacha sutichasqa kanqa: Tata Diospa wasin, nispa.

Daniel (hebreo) 9:7

Tukuyta Kamachej Diosníy, qan cheqanta ruwaj kanki. Noqayku israelitakunarí tukuyniyku p'enqasqa kashayku: Jerusalenpi tiyakojkuna, jinallataj tukuynin israelitakuna, qayllapi, chayrí, karupi tiyakojkunapis, maymanchus wijch'uwarqayku qanpa contraykipi oqharikusqaykurayku, chaypi.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Éxodo 9:26

Chaywanpis Gosenman, maypichus israelitakuna tiyakusharqanku, chaynejmanqa mana chijchi para chayarqachu.

Salmos 45:5

5 (6) Kuraj kamachejníy, tukuy suyumanta runakuna k'umuykamusunku, flechaykikunataj awqaykikunaj sonqonkuman sat'iykukun.

Isaías 32:1

Qhawariychej, cheqanta ruwaj kuraj kamachej jamonqa, kamachiyninpi kaj kurajkunapis justiciawan kamachenqanku.

Isaías 32:18

Aylloyqa ni imamanta llakikuspa tiyakonqa, ni pej ima ninan tiyakunapi, chaypitaj samarikonqa.

Isaías 33:5

Tata Dios janaj pachapi tiyakushaspapis, pay allin kajwan, justiciawantaj Sionman junt'achin.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.