Jeremías 2:5 - DIOSPA QHELQACHISQAN DEUTEROCANONICAL

⁵ Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

DIOSPA QHELQACHISQ

⁵ Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jeremías 2:5 Referans Kwoze

2 Reyes 17:15

Tata Diospa nisqanta, ñawpa tatankukunawan trato ruwasqanta, tukuy k'amisqantawan ima qhesacharqanku. Qhasi manakaj lantikunata yupaychaspa, manakajman tukorqanku. Paykunaqa muyuyninkupi tiyakojkuna jina kikillantataj ruwarqanku, Tata Dios manapuni chayta ruwanankuta nejtinpis.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Jonás 2:8

8 (9) Lantikunata yupaychajkuna qanta wasanchasunku.

Salmos 115:8

Chay qhasi manakaj dioskunata ruwajkunaqa chay lantiman rijch'akunku, jinallataj lantiman tukuy k'umuykojkunapis.

Isaías 44:9

Lantikunata ruwajkuna qhasi manakaj kanku, may jina munasqa ruwasqankupis qhasi manakajlla. Chaykunata yupaychajkunaqa ñawsa kanku, nitaj imatapis yachankuchu. Chayrayku p'enqachisqa kanqanku.

1 Samuel 12:21

Ama qhasi manakaj dioskunata yupaychaychejchu. Chaykunaqa mana pitapis yanapayta atinkuchu, nitaj qhespichiytapis qhasi manakajlla kasqankurayku.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

San Mateo 15:8

Dios nin: Kay runakunaqa simillankuwan jatunchawanku, sonqonkupitajrí ni noqamanta yuyarikullankupischu.

Ezequiel 11:15

Runaj churin, Jerusalenpi qhepakoj runakuna qanmanta, aylluykimanta, apasqa kajkunamanta ima kay jinata ninku: Paykuna Tata Diosmanta karunchakunku. Chayrayku Tata Dios noqaykuman kay suyuta qowayku chaymanta dueño kanaykupaj, nispa.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 12:2

Qanqa paykunata mallkerqanki, paykunataj jap'ikuspa wiñanku, chantá poqonkutaj. Siminkuwan qanta yupaychasunku, sonqonkupirí qanmanta karupi kashanku.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 46:12

Uyariwaychej, rumi sonqo runakuna, cheqan kawsaymanta karunchakojkuna:

Jeremías 2:4

Jacobpa ayllunmanta kajkuna, Israelmanta tukuy ayllukuna, Tata Diospa nisqanta uyariychej.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Ezequiel 14:5

Noqa sonqonkuman parlapayasaj kutirimunankupaj, imaraykuchus tukuyninku noqata saqerpayaspa, lantikunaj qhepankuta riporqanku, nispa.