Jeremías 10:12 - DIOSPA QHELQACHISQAN DEUTEROCANONICAL

¹² Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

Qheshwa Biblia DC

¹² Señorqa atiyninwan kay pachata ruwarqa, yachayninwantaj mundota sayacherqa, yachayniyoj kasqanwantaj janaj pachatapis aysatatarqa.

DIOSPA QHELQACHISQ

¹² Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

Jeremías 10:12 Referans Kwoze

Job 9:8

Pay sapallan janajta toldota jina aysarqa, mama qochaj qhollchoqeyasqan patapitaj purin.

Génesis 1:1

Qallariypi Diosqa janajta, kay pachata ima ruwarqa.

Proverbios 3:19

Tata Diosqa kay pachata sumaj yachaywan ruwarqa, janajtapis sumaj yuyaywan sayacherqa.

Isaías 40:22

Tata Diosmin kay pachamanta aswan patapi tiyasqa kashan. Chaymantapacha qhawarimuspataj, runakunata phinki phinkikuna jinallata rikumun. Payqa janajtapis toldota jina aysan, imaynatachus runa tiyakunan toldota aysan, ajinata.

Colosenses 1:16

Paynejtamin Diosqa tukuy kaj chhikata ruwarqa: Janajpi kajkunata, kay pachapi kajkunatapis, mana rikukojkunata, rikukojkunatapis, kamachejkunata, kurajkunata, atiyniyojkunata ima. Tata Diosqa tukuy kaj chhikata Cristonejta ruwarqa, paypaj kananpaj.

San Juan 1:3

Diostaj tukuy imata paynejta ruwarqa, ruwasqa kajmantataj mana paywanqa mana imapis ruwasqachu karqa.

Salmos 24:2

Tata Dios kay pachata mama qocha patapi sayacherqa, jinallataj mama qochaj ukhunpipis.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Jeremías 10:13

Jatunmanta sinch'ita qhaparejtin, janajpi yakupis tantakunku. Phuyukunata kay pachaj k'uchumanta jatarichimun. Parachispa, lliuj lliujkunata k'ancharichimun. Wayratapis maypichus waqaycharqa, chaymanta orqhomun.

Isaías 49:8

Tata Dios nillantaj: Khuyakunay p'unchay chayamojtin, uyarerqayki, qhespichina p'unchaypitaj yanaparqayki. Noqa waqaychasqayki, qannejtataj uj tratota tukuy runawan ruwasaj. Chay suyuta watej mosojyachisaj, saqerpayasqa jallp'akunatataj watej rak'irasaj.

Isaías 48:13

Makiywan kay pachaj cimientonta churarqani, makillaywantaj janajtapis jatunman aysarqani. Chaykunata sutinkumanta wajyajtiy, rikhurerqankupacha.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Isaías 45:12

Noqa kay pachata ruwarqani, runata ruwaspataj, chayman churarqani. Janajtapis makiywan jatunman aysarqani, kamacherqanitaj chayman ch'askakuna rikhurimunankuta.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Salmos 104:24

Tata Dios, ruwasqaykeqa may chhikamin. Qanqa tukuy imata sumaj yachayniykiwan ruwarqanki. Kay pachaqa tukuy ima ruwasqaykiwan junt'a kashan.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Salmos 119:90

Nisqaykita junt'aj kasqaykeqa wiñaypaj kallanqapuni. Qan kay pachata sayachisqaykirayku, maypichus kananpi kashallanpuni.

Salmos 78:69

Diosqa yupaychana wasinta, janajta jina jatunta sayacherqa, kay pachata jinataj sinch'ita sayacherqa.

Job 26:7

Diosqa ch'usaj patapi janajta aysarqa, kay pachatapis ch'usajllapitaj warkhuykorqa.

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

Salmos 93:1

Tata Diosníy, qanmin Kuraj Kamachejniyku kanki. Qanqa jatun kayniykiwan p'achallikunki, atiyniykiwantaj chumpiykukunki. Tata Dios, qanmin kay pachata sinch'ita sayacherqanki, manataj jayk'ajpis kuyurenqachu.

Génesis 2:5

manaraj ima sach'apis kasqarajchu, nitaj ima qhorapis p'utumusqarajchu, Tata Dios jallp'aman manaraj parachimusqanrayku. Nillataj pipis jallp'ata llank'ananpaj kasqarajchu.

Job 37:18

Janajta aysayta Diosta yanapayta atiwajchu, cobremanta espejota jina sayachispa?

Isaías 37:16

Tukuy Atiyniyoj Tata Dios, Israelpa Diosnin, querubinkunaj chawpinkupi tiyakoj Dios, kay pachapi kaj chhika suyukunaj Diosninku. Qanmin ruwarqanki janajta, kay pachatawan.

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Jeremías 27:5

Jatun atiyniywan noqa kay pachata, runakunata, kay pachapi kashanku, chay animalkunatapis ruwarqani. Chantá chay tukuy imata pimanchus munarqani, chayman qorqani.

1 Crónicas 16:26

Runakunaj diosninkoqa lantikunalla kanku. Tata Diostajrí janaj pachakunata ruwarqa.

Salmos 65:7

7 (8) Qanqa mama qocha qhollchoqeyaspa wajtakusqanta thañichinki, runakunaj ch'ajwasqankutapis ch'inyachinki.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.