Génesis 49:8 - DIOSPA QHELQACHISQAN DEUTEROCANONICAL

⁸ Judá, wawqeykikuna mayta jatunchasonqanku. Qan awqaykikunata kunkankumanta jap'inki, wawqeykikunatajrí qanman k'umuykusonqanku.

Qheshwa Biblia DC

⁸ Judá, wauqesniykeqa mayta alabasonqanku. Enemigosniykita much'usninmanta jap'inki. Kikin wauqesniyki qanman k'umuykusonqanku.

DIOSPA QHELQACHISQ

⁸ Judá, wawqeykikuna mayta jatunchasonqanku. Qan awqaykikunata kunkankumanta jap'inki, wawqeykikunatajrí qanman k'umuykusonqanku.

Génesis 49:8 Referans Kwoze

Hebreos 7:14

Yachanchej jina, Tukuyta Kamachej Jesucristonchej Judá jatun ayllumanta karqa. Moisestajrí Judá jatun ayllumanta parlaspa, sacerdote kanankumanta mana imatapis nerqachu.

Génesis 27:29

Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

1 Crónicas 5:2

Judaqa tukuynin wawqenkunamanta aswan atiyniyojman tukorqa, jinallataj paypa mirayninmanta uj kamachej llojserqa. Chaywanpis kuraj kaj churi jina imachus jap'inaqa Josejpatapuni karqa.

Josué 10:24

Josueman pusamojtinkutaj, Josué israelitakunamanta tukuy qharikunata wajyarqa, jinataj soldadokunata kamachejkunaman nerqa: Qayllamuychej, chantá kay kuraj kamachejkunaj kunkankuman chakiykichejta churaychej, nispa. Paykunataj qayllaykuytawan, kuraj kamachejkunaj kunkankuman chakinkuta churarqanku.

Deuteronomio 33:7

Judá jatun ayllumantataj nerqa: Tata Dios, Judá aylloj qhaparikusqanta uyariy, llajta masinkunawantaj tantaykuy. Qanmin atiyniykiwan jark'ay, awqankunawan maqanakushajtintaj, yanapay, nispa.

Génesis 29:35

Aswan qhepamantaj Leaqa ujtawan onqoj rikhurispa, wawayoj kallarqataj. Chantá chay wawata “Judá” sutiwan sutichaspa, nerqa: Kunanqa Tata Diosta yupaychasaj, nispa. Chaymantataj Lea manaña wawayojchu karqa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 5:5

Kuraj runakunamanta ujninrí niwarqa: Ama waqaychu. Judá jatun ayllumanta León, pichus kuraj kamachej Davidpa kamachinan tiyanata chayaqeta jina jap'ej, chaymin atipasqanrayku qanchis sellokunata llik'ispa, kay p'anqata kichariyta atin, nispa.

Hebreos 10:13

Chaypitaj pay suyashan awqankuna chakin uraman churasqa kanankukama,

Ezequiel 21:29

29 (34) Paykunaj mosqoypi jina rikusqankoqa qhasilla, llullataj. Chay espadaqa urmanqa millayta ruwajkunata wañuchinanpaj, juchachasqa kajkunaj kunkankuta qholurananpajtaj. Paykunata jasut'inaypaj p'unchayqa chayamunña, millayta ruwananku tukukunanpaj.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Salmos 76:1

1 (2) Diosqa Judá suyupi sumaj rejsisqa, sutintaj Israelpi manchay uyarisqa.

2 Crónicas 30:11

Chaywanpis Aser jatun ayllumanta, Manasés jatun ayllumanta, Zabulón jatun ayllumanta ima wakinkunalla Diosman k'umuykuspa, Jerusalenman jamorqanku.

2 Crónicas 17:2

Jinallataj tukuynin Judá suyupi sumaj jark'achasqa llajtakunaman soldadokunata churarqa. Tukuynin Judá suyuman soldadokunata churallarqataj, chantá tatan Asa Efrainpi llajtakunata jap'isqanman ima.

2 Crónicas 15:9

Chantá Asaqa tukuy Judá jatun ayllumanta, Benjamín jatun ayllumanta kajkunata, jinallataj paykunawan tiyaj Efraín jatun ayllumanta, Manasés jatun ayllumanta, Simeón jatun ayllumanta runakunatapis tantacherqa. Ashkha runakuna Israel suyumanta Judá suyuman jampusqanku, imaraykuchus yacharqanku Tata Diosqa Judamanta kajkunawan kashasqanta.

2 Crónicas 14:8

8 (7) Asajta soldadonkunaqa Judá jatun ayllumanta 300.000 karqanku escudoyoj, lanzayoj ima. Benjamín jatun ayllumantapis 280.000 soldadokuna karqanku escudoyoj, flechana arcoyoj ima. Tukuy paykunaqa may wapu soldadokuna karqanku.

2 Samuel 24:9

Chantá Joabqa kuraj kamachejman willarqa yupasqankuman jina mashkhachus runa kasqanta. Yachakorqataj Israel suyupi tukuyninpi 800.000 qharikuna maqanakuman rinankupaj jina kasqankuta. Willallarqataj Judapi 500.000 qharikuna kasqankuta.

2 Samuel 22:41

Awqaykunata ñawpaqeymanta ayqecherqanki. Ajinamanta chejnikuwajkunata wañucherqani.

2 Samuel 5:3

Chaypacha Israelmanta tukuy kurajkuna rerqanku Hebronman kuraj kamachej Davidwan parlaj. Davidtaj Tata Diospa ñawpaqenpi chay kuraj runakunawan uj tratota ruwarqa. Paykunataj Israel suyupi kuraj kamachej kananpaj Davidta umanman aceitewan jawerqanku.

Jueces 20:18

Manaraj maqanakuman rishaspa, israelitakunaqa Betelman rispa, Diosta tapukorqanku mayqen jatun aylluchus Benjamín jatun aylluwan ñawpajta maqanakoj rinanta. Tata Diostaj kutichispa, nerqa: Judá jatun aylluraj ñawpajta richun, nispa.

Números 26:22

Yupasqa kasqankuman jina Judajpata mirayninpi 76.500 qharikuna karqanku.

Números 10:14

Ñawpajta Judá jatun ayllumanta kajkunaraj wiphalankuta oqharikuspa, soldadokuna jina purirerqanku. Paykunatataj Aminadabpa churin Nasón kamachejninku kaspa pusasharqa.

Génesis 46:12

Judáj churinkunataj karqanku: Er, Onán, Sela, Fares, Seraj ima. Erwan, Onanwanqa Canaanpi wañorqanku. Farespa churinkunatajrí karqanku: Jesrón, Jamul ima.

Génesis 42:6

Chaypacha José Egiptopi kamachishaspa, tukuynejmanta jamojkunaman trigota venderqa. Wawqenkunataj chayaytawan, Josejpa ñawpaqenpi pampakama k'umuykorqanku.

Números 26:20

Ajinaqa, Judá jatun ayllumanta mirajkuna karqanku: Selamanta mirajkuna, Faresmanta, chantá Zerajmantawan mirajkuna ima.

1 Crónicas 28:4

Chaywanpis israelitakunaj Tata Diosnin aylluy ukhumanta ajllakuwarqa Israel suyuta wiñaypaj kamachinaypaj. Pay Judá jatun aylluta ajllarqa kamachej ayllu kananpaj. Judá jatun ayllumantataj wasi aylluyta ajllakorqa, wawqeykuna ukhumantataj noqata ajllawarqa Israel suyuta kamachinaypaj.

Josué 15:20

Judá jatun ayllumanta mashkhachus kasqankuman jina jallp'a jap'isqanku kaykuna karqa: