Génesis 48:4 - DIOSPA QHELQACHISQAN DEUTEROCANONICAL

⁴ Chaypachataj ajinata niwarqa: Noqa qanta ashkhata mirachisqayki, mirayniykimantataj suyukuna rikhurenqanku. Chay jawa, kay jallp'atapis mirayniykiman qopusaj wiñaypaj chayaqenku kananpaj, nispa.

DIOSPA QHELQACHISQ

⁴ Chaypachataj ajinata niwarqa: Noqa qanta ashkhata mirachisqayki, mirayniykimantataj suyukuna rikhurenqanku. Chay jawa, kay jallp'atapis mirayniykiman qopusaj wiñaypaj chayaqenku kananpaj, nispa.

Génesis 48:4 Referans Kwoze

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Éxodo 1:7

Chay qhepata israelitakuna t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.

Génesis 47:27

Israelitakunaqa Egiptopi, Gosén nisqa cheqanejpi tiyakorqanku. Chaypi jallp'ata rantikorqanku, jinataj may chhika wawayoj karqanku.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 32:12

12 (13) Qanrí niwarqanki allin rinawanta, mirayniypis mama qochapi t'iyu jina mana yupay atina kananta, nispa.

Génesis 28:3

Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 22:17

Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Génesis 17:13

Wasiykichejpi paqarejkuna, rantisqaykichej wata runaj qhari wawanpis tukuypuni circuncidasqa kanqanku. Ajinata wiñaypaj trato ruwasqayqa ukhuykichejpi señalasqa kanqa.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Levítico 26:9

Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Génesis 17:6

Mirayniykeqa may chhikapuni kanqanku. Suyukuna, chantá kuraj kamachejkuna ima qanmanta rikhurenqanku.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.