Génesis 26:12 - DIOSPA QHELQACHISQAN DEUTEROCANONICAL

¹² Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Qheshwa Biblia DC

¹² Chay wata Isaacqa chay jallp'api tarporqa, sumajtataj poqocherqa, imaraykuchus Señora payta bendicerqa.

DIOSPA QHELQACHISQ

¹² Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Génesis 26:12 Referans Kwoze

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Marcos 4:8

Wakin mujutajrí sumaj jallp'aman urmaspa, p'utumusqa, jinataj poqonankama sumajta wiñasqa. Poqoynintaj kay jina karqa: Wakinpi uj mujullamanta kinsa chunkata poqosqa, wakinpi sojta chunkata, wakinpitaj pachajta, nispa.

Eclesiastés 11:6

Tutamanta tarpuy, ch'isiyaykuytapis tarpullaytaj, imaraykuchus mayqen tarpusqaykichus astawan allin kananta mana yachankichu, chayrí iskayninchus allin kananta.

Salmos 67:6

6 (7) Chajraqa sumajta poqon, Diosninchejtaj saminchawanchej.

Génesis 24:35

Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 24:1

Abraham allin machuña karqa, Tata Diostaj payta tukuy imapi yanaparqa.

1 Corintios 3:6

Noqa qankunaman Jesucristomanta sumaj willayta willarqaykichej, Apolostaj yachachisorqachej Jesuspi atinikuspalla imaynatachus purinaykichejta. Chaywanpis Dioslla astawan astawan Cristopi atinikuyta yachanaykichejpaj yanapasorqachej.

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

Job 42:12

Chantá Tata Diosqa Jobta ñawpajmanta nisqa astawanraj samincharqa. Qhepanejman Jobpata, 14.000 ovejakuna, 6.000 camellokuna, 1.000 yuntakuna, 1.000 china burrokuna ima tiyaporqa.

Génesis 30:30

Manaraj kayman chayamushajteyqa, uywayki pisilla karqa. Kunantajrí ashkhaña tiyapusunki. Chayamusqaymantapacha Tata Dios ashkhata qosunki. Kunantajrí aylluypajñataj llank'arikuyta munani ari, nispa.

San Mateo 13:8

Wakin mujutajrí sumaj jallp'aman urmaspa, poqosqa. Wakin muju pachajta, wakin sojta chunkata, wakintaj kinsa chunkata uj mujullamanta poqosqa.

Salmos 72:16

Llajtanpeqa ashkha trigo kachun, orqopipis trigo chajraqa wayrawan pujllachun. Líbano orqopi jina trigo manchay ashkha kachun, llajtapipis runaqa campopi qhora jina kachun.

San Mateo 13:23

Sumaj jallp'aman t'akakoj mujurí ninakun, pichus Diospa simi nisqanta uyarispa sumajta entienden, chaywan. Payqa sumaj poqoyniyoj planta jina, chay jina kajkunamantataj wakin kanku sapa mujumanta pachajta poqoj jina, wakintaj sojta chunkata, wakintaj kinsa chunkata poqoj jina, nispa.

Génesis 26:29

Qanqa ama ima sajratapis ruwawasqaykuchu, imaynatachus noqayku mana qanta imanarqaykuchu, ajinata. Aswanpis noqayku qanpaj allinta ruwarqayku, allillantataj kachamporqayku. Kunantaj qanta Tata Dios yanapashasunki, nispa.

Proverbios 10:22

Tata Diospa saminchaynenqa qhapajyachin. Chay saminchayqa mana llakichinchu.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.