Génesis 24:3 - DIOSPA QHELQACHISQAN DEUTEROCANONICAL

³ Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Qheshwa Biblia DC

³ Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

DIOSPA QHELQACHISQ

³ Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Génesis 24:3 Referans Kwoze

1 Corintios 7:39

Qosayoj warmeqa qosan kawsanankama paywan ujchasqa kashan. Qosan wañupun chayrí, piwanchus munasqanwan casarakuyta atin. Jinapis chay qhareqa Jesucristota qhatej kanan tiyan.

Nehemías 13:25

Jinapi paykunata k'amerqani, maldicerqanitaj. Paykunamanta wakintaqa maqarqani, chujchankutataj t'irarqani. Kamacherqanitaj Diosrayku tilunankuta: Manaña ujtawan ususiykukunata, nitaj churiykukunatapis waj llajtayojkunawan casarachisqaykuchu. Noqaykupis manallataj paykunamanta warmikunawan casarasqaykuchu, nispa.

Génesis 28:8

Chayta yachaspa, Esaú repararqa tatan Isaac Canaán llajtayoj warmikunata mana allin ñawiwanchu qhawasqanta.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

2 Reyes 19:15

Chantá payqa Tata Diosmanta ajinata mañakorqa: Israelpa Tata Diosnin, querubinkunaj chawpinkupi tiyakoj, qanllamin kay pachapi tukuy suyoj Diosnin kanki. Qanlla janaj pachata, kay pachatawan ruwarqanki.

Éxodo 34:16

Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

2 Crónicas 2:12

12 (11) Nillarqataj: Yupaychasqa kachun Israelpa Tata Diosnenqa. Paymin kay pachata, janaj pachatapis ruwarqa. Kuraj kamachej Davidman uj churita qorqa sumaj yachayniyoj, allin yuyayniyojtaj, Tata Diospaj uj Templota ruwachinanpaj, jinataj kamachinan wasita ruwachikunanpaj.

Josué 2:12

Chayrayku Tata Diospa sutinpi tilunawaykichejta mañakuykichej, aylluyta khuyanaykichejpaj, imaynatachus noqapis qankunata khuyaykichej, ajinata. Tiluwasqaykichejta junt'anaykichejta yachanaypaj, imallatapis prendata jina qowaychej ari.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

Números 5:21

Tata Diosmanta mañakuni kay yakuta ujyajtiyki ukhuykita onqochinanta, wijsayki punkinanta, chantá mana wawa rejsiyta atejtataj ruwasunanta.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Éxodo 20:7

Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Génesis 50:25

Chantá Joseqa Israelpa churinkunata tilucherqa: Diosqa cheqatapuni qankunata yanapaj jamonqa, chaypachataj qankuna tulluykunata kaymanta apankichej, nispa.

Génesis 27:46

Chaymanta Rebecaqa Isaacta nerqa: Esaú kay llajtayoj warmikunawan casarasqanrayku umayta nanachispa sayk'uchiwankuña. Sichus Jacobpis kay llajtayoj warmillawantaj casaranman chayqa, wañupuyllataña munayman. Imapajñataj kawsaymanri? nispa.

Génesis 21:23

Chayrayku qanqa Diospa sutinpi tiluway ni ima mana allin kajta ruwanaykita noqata, ni wawaykunata, ni wawaykunaj wawankunatapis. Tilullaytaj ari allinta ruwanawaykita, noqa qanta imaynatachus ruwarqayki, ajinata. Jinallataj suyuypi tukuy tiyakojkunata allinta ruwanaykita tilullaytaj, pikunaj llajtankupichus tiyakushanki, chaykunata, nispa.

Génesis 14:19

Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Génesis 6:4

Chantá Diospa churinkuna runakunaj ususinkukunawan casaraspa, wawayoj karqanku, wawankukunataj jatunkaray runakuna karqanku. Paykuna chaypacha, jinataj qhepanejman manchay kallpayoj, manchay uyarisqataj karqanku.

Génesis 6:2

Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku.

Hebreos 6:16

Runakunaqa paykunamanta aswan kuraj kajpa sutinrayku tilunku, icharí? Nisqankuta junt'anankupaj tilojtinkutaj, manaña imamantapis parlana kanñachu.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Salmos 115:15

Janajta, kay pachatawan ruwaj Tata Dios qankunata saminchachun.

1 Samuel 20:17

Chantá Jonatanwan, Davidwan ima ujtawan tilorqanku, imaraykuchus Jonatanqa Davidta pay kikinta jina munakorqa.

Levítico 19:12

Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Éxodo 22:11

11 (10) pichus qhawapunanpaj jap'ejqa Tata Diospa sutinrayku tilonqa, mana pay chay uywata pakasqanta. Uywayojtaj cheqanta nishasqanta creenan tiyan, manataj runa masinmanta pagachikaponqachu.

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Génesis 28:1

Chaymanta Isaacqa Jacobta wajyacherqa. Chantá saminchaykuspataj, payta kamacherqa: Qanqa amapuni Canaán llajtayoj warmiwan warmichakunkichu.

Génesis 47:31

Chantá Israel ujtawan nerqa: Tiluy, nispa. Josetaj tilorqa. Chaymanta Israel puñunanpi sawnanan chaynejman k'umuykuspa, Dioswan parlarikorqa.

Jueces 14:3

Tatan mamanrí Sansonta nerqanku: Imapajtaj mana israelita warmita warmiykipaj mask'ashanki, chay filisteo mana circuncidasqa llajtayojkunamantari? Llajta masinchej ukhupi, chayrí tukuy israelitakuna ukhupipis manachu kanman uj warmi paywan casarakunaykipaj? nispa. Sansontajrí kuticherqa: Chay warmitapuni munani. Chayrayku paytapuni mañaqampuwaychej, nispa.

Salmos 136:26

Janaj pachapi kaj Diosman pachis niychej, imaraykuchus munakuynenqa wiñay wiñaypajmin.

Génesis 34:9

Ajinata qankuna noqaykuwan aylluchakunkichej. Noqayku ususiykichejwan casarasqayku, qankunataj ususiykuwan casarankichej.

Génesis 38:2

Chaypi Judaqa Canaán llajtayoj Súa sutiyojpa ususinwan rejsinakorqa. Chantá chay sipaswan casarakuspa, paywan puñuykorqa.

1 Samuel 30:15

Davidtaj taporqa: Pusarqowankimanchu, chay suwakuna maypichus kashanku, chayman? nispa. Egipto llajtayojtaj kuticherqa: Sichus Diosniykej sutinrayku tiluwanki mana wañuchinawaykita, nitaj patronniymanpis jaywaykunawaykita chayqa, paykunakama pusasqayki, nispa.

Esdras 5:11

Paykunatajrí niwarqayku: Noqaykoqa janaj pachapi jinallataj kay pachapipis kashan, chay Diospa kamachinkuna kayku. Watejmanta kay Templota ruwashayku, mayqentachus Israelpa ujnin kuraj kamachejnin ruwachisqa tukuchinankama, chayta.

Jeremías 29:6

Casarakuychej, churikunayoj, ususiyojtaj kaychej. Paykunapis casarakuchunku, wawakunayojtaj kachunku. Astawan miraychej amataj pisiyaychejchu.