Génesis 20:7 - DIOSPA QHELQACHISQAN DEUTEROCANONICAL

⁷ Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Qheshwa Biblia DC

⁷ Kunanqa kutichipuy kay warmita qosanman, imarayuchus payqa profeta, Diosmanta mañapusonqa kausanaykipaj. Mana qopunki chayri, qan, tukuy qampata kajkunasnintin wañunkichejpuni.

DIOSPA QHELQACHISQ

⁷ Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 20:7 Referans Kwoze

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

1 Samuel 7:5

Chantá Samuel kamacherqa: Tukuy Israel ayllu, Mispá llajtapi tantakuychej, noqataj Tata Diosmanta qankunarayku mañapusqaykichej, nispa.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

2 Samuel 24:17

Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

1 Crónicas 16:22

Ajllakusqay runakunata ama ñak'arichinkichejchu, noqamanta sut'inchajkunatapis ama imanankichejchu, nispa.

2 Reyes 5:11

Chayta uyariytawanrí, Namanqa manchay phiñasqa riporqa: Noqa yuyarqani pay kikin llojsimuspa, Tata Diosmanta mañapunawanta, makinta ukhuyman churaspataj llejti onqoyniymanta qhaliyachinawanta.

1 Juan 5:16

Sichus pipis wawqe pananta mana wañuyman apaj juchata ruwajta rikunman chayqa, Diosmanta paypaj mañapuchun, Diostaj payman kawsayta qonqa. Chayta nini mana wañuyman apaj juchata ruwajkunamanta, imaraykuchus wañuyman apaj jucha tiyallantaj. Chay juchata ruwajpajrí mana ninichu Diosmanta pipis mañapunanta.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

1 Corintios 14:4

Chantá pichus mana rejsisqa parlaypi parlajqa pay wiñanallanpaj yanapakun. Pichus Diosmanta sut'inchajrí iglesiamanta tukuy kajkuna yuyayninkupiña kanaman chayanankupaj yanapan.

Ezequiel 33:8

Sichus noqa juchasapa runata nini: Mana allinta ruwaj runa, cheqapuni wañunki, nispa chayqa, qantaj mana allinta ruwasqanmanta karunchakunanpaj mana reparachinkichu chayqa, mana allinta ruwaj runaqa juchanrayku wañonqa. Noqatajrí chay runa wañusqanmanta cuentata qanmanta mañasqayki.

Ezequiel 3:18

Sichus millayta ruwaj runata nisaj: Qan wañunkipuni, nispa, qantaj mana k'aminkichu, nitaj parlankichu chay runaman millay kawsayninmanta reparachispa chayqa, payqa mana allin ruwasqanrayku wañonqa. Noqatajrí pay wañusqanmanta qanmanta cuentata mañasqayki.

Jeremías 27:18

Sichus cheqapuni sut'inchaj kanku chayqa, sitajchus cheqatapuni paykunaman parlani chayqa, noqa Tukuy Atiyniyoj Tata Diosmanta mañakuwachunku. Noqataj, imachus Templopi qhepakunraj, chay imakunata Babiloniaman apanankuta mana saqesajchu. Jinallataj Judá suyuta kuraj kamachejpa kamachinan wasipi, Jerusalenpipis qhepakunkuraj, chaykunata apajta manallataj saqesajchu, nispa.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Jeremías 14:11

Chantá Tata Dios nillawarqataj: Kay runakunata yanapanayta ama mañakuwaychu.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

1 Reyes 13:6

Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 7:8

Chantá Samuelta nerqanku: Tata Diosmanta noqaykupaj mañapullawaykupuni ari, filisteokunaj makinkumanta kacharichinawaykupaj, nispa.

Levítico 6:7

7 (5.26) Chantá sacerdoteqa chay runaj juchallisqan pampachasqa kananpaj, chay jaywanata Tata Diosman jaywanqa. Ajinata ruwasqanrayku, chay runaj mayqen juchallisqanpis pampachasqa kanqa, nispa.

Levítico 6:4

4 (5.23) Chaykunata ruwasqanmanta juchayoj kanqa. Jinaqa imatachus suwasqanta runa masinman kutichipunan tiyan, atiyniyoj kaspa imatachus qhechusqanta, prendata jap'ikapusqanta, chayrí tarikuspa pakaykusqanta.

Éxodo 18:17

Chantá Moisespa suegron nerqa: Imatachus ruwashasqaykeqa mana allinchu,

Éxodo 7:1

Chantá Tata Dios Moisesta nerqa: Faraón qanta qhawasonqa Diospis kawaj jinata, wawqeyki Aarontaj nisqaykita sut'inchaj kanqa.

Éxodo 4:16

Qanqa Aaronman parlanki noqapis parlashayman jina, paytaj runakunaman imatachus nisqaykita willanqa.

Génesis 20:18

Chayta Tata Dios ruwarqa, imajtinchus Abrahampa warmin Sararayku Dios nisqa Abimelecpa ayllunpi kaj warmikuna mana wawayoj kanankuta.

Génesis 12:17

Chaywanpis Abrampa warmin Saraita faraón wasinman pusachisqanrayku Tata Dios payta, chantá aylluntawan ima mayta ñak'aricherqa.

Génesis 12:15

Faraonta yanapajkunapis manchay k'achita warmi kasqanta rikullarqankutaj, chantá faraonman willamorqanku. Chaymantataj Saraitaqa faraonpa kamachinan wasiman pusarqanku.

Génesis 2:17

Allin kajta mana allin kajta yachana sach'aj poqoynillanta amapuni mikhunkichu. Chay sach'aj poqoynintachus mikhunki chayqa, wañunki, nispa.

Hechos 8:24

Simontaj nerqa: Ama jina kaspa, qankuna Diosmanta mañaripuwaychej ari, chay nisqaykichejmanta ama imapis chayamunawanpaj, nispa.

Génesis 20:3

Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

Génesis 20:8

Q'ayantin Abimelecqa tutamanta sayarispa, tukuy kamachinkunata wajyarqa. Chantá Dios mosqoypi imatachus nisqanta paykunaman willarqa. Chayta uyarispa, tukuyninku mayta mancharikorqanku.

Génesis 23:6

Wiraqochi, uyariwayku ari. Noqayku qanta Diospa ajllasqan kasqaykita qhawayku. Chayrayku sumajnin kaj aya p'ampanaykupi warmiykej ayanta p'ampakapuy. Mana pipis nisqaykuchu: Mana, mana nispaqa. Ajinata nispa, Abrahamman kuticherqanku.

2 Crónicas 30:18

May ashkha runataj Efrainmanta, Manasesmanta, Isacarmanta, Zabulonmanta ima Pascua mikhuyta mana llimphuchakuspalla mikhorqanku, kamachisqapi qhelqasqa kajta p'akispa. Chayrayku Ezequiasqa paykunarayku Diosmanta mañaporqa: Khuyakoj Tata Dios, tukuy pikunachus tukuy sonqowan qanta mask'asojkunata qhespichiy.