Génesis 20:6 - DIOSPA QHELQACHISQAN DEUTEROCANONICAL

⁶ Diostaj mosqoypi Abimelecman kuticherqa: Noqa yachani qan allin sonqowan chayta ruwasqaykita. Chayrayku paywan puñuykunaykita mana saqerqaykichu, ama contraypi juchallikunaykipaj.

Qheshwa Biblia DC

⁶ Diostaj nerqa chay mosqoynimpi: Noqaqa yachani qan allin sonqoykiwan kayta ruwasqaykita, chayrayku mana saqerqaykichu payman qayllanaykita ama juchallikunaykipaj contraypi.

DIOSPA QHELQACHISQ

⁶ Diostaj mosqoypi Abimelecman kuticherqa: Noqa yachani qan allin sonqowan chayta ruwasqaykita. Chayrayku paywan puñuykunaykita mana saqerqaykichu, ama contraypi juchallikunaykipaj.

Génesis 20:6 Referans Kwoze

1 Samuel 25:34

Israelitakunaj Tata Diosninrayku tiluyki, pichus mana munarqachu ni ima sajratapis ruwasunayta, chayrayku: Manachus qan noqata taripawaj usqhayta jamuwaj karqa chayqa, q'ayakama mana uj qharillapis Nabalpa runankunamanta kawsashaj kanmanchu karqa, nispa.

1 Samuel 25:26

Chaywanpis Tata Dios mana munarqachu qan makiykiwan justiciata ruwayta munaspa wañuchej jamunaykita. Tata Dios munachun tukuy qanpa awqaykikuna, mana allinta ruwayta munasojkunapis, Nabal jina ñak'arichisqa kanankuta.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Génesis 35:5

Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

Génesis 31:7

Payrí sapa kutilla q'otiyawaspa, chunka kutikama pagoyta cambiarqa. Chaywanpis Diosneyqa tataykichej sajra kajwan paganawanta mana munarqachu.

2 Tesalonicenses 2:7

Chay pakasqa millayta ruwananpaj wakichisqanqa ñapis puririshanña. Chaywanpis jark'asqallaraj kashan, imachus jark'ajta ñawpaqenmanta Dios orqhonankama.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Éxodo 34:24

Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Salmos 81:12

12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Génesis 39:9

Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Génesis 20:18

Chayta Tata Dios ruwarqa, imajtinchus Abrahampa warmin Sararayku Dios nisqa Abimelecpa ayllunpi kaj warmikuna mana wawayoj kanankuta.

2 Tesalonicenses 2:11

Chayrayku Dios paykunaman sinch'i pantachej atiyta kachamonqa, paykunatataj llulla kajta jap'ikonqanku.

1 Corintios 7:1

Kunantaj cartapi tapumuwasqaykichejman kutichisqaykichej. Arí, qharipaj allin kanman warmiwan mana puñuykuspalla kakunan.

Levítico 6:2

2 (5.21) Pillapis runa masinta q'otiyajqa, Tata Diospa contranpi juchallin. Ichapis kay jinata ruwaspa juchallinman: Payman runa masin saqekusqanta jap'ikapuspa, chayrí prenda qosqanta mana qopuspa, chayrí imantapis suwaspa, chayrí kallpanman atinikuspa imantapis qhechuspa.

Génesis 26:11

Chantá Abimelecqa tukuy chay llajtapi tiyakojkunata kamacherqa: Pillapis kay runata, chayrí warminta imananman chayqa, wañuchisqa kanqa, nispa.

Génesis 3:3

Huerta chawpipi kaj sach'aj poqoynillanmanta Dios niwarqayku: Ama mikhunkichejchu, ni llankharillankichejpischu. Chaymantachus mikhunkichej chayqa, wañunkichej, nispa.

San Mateo 27:19

Jinapi Pilato juzgananpaj kashajtin, warmin nichimorqa: Ama imatapis ruwaychu chay cheqan kaj runawanqa, imaraykuchus payrayku kunan ch'isi mancharikunata mosqokorqani, nispa.

Génesis 31:24

Chaywanpis chay ch'isi Diosqa mosqoypi jina Aram llajtayoj Labanman nerqa: Uyariway, Jacobta ama imatapis ninkichu, nispa.

Proverbios 6:29

Wajpa warminwan puñuykojpajpis ajinallataj kanqa. Mana juchachasqa kanamanta ayqenqachu.