Génesis 13:8 - DIOSPA QHELQACHISQAN DEUTEROCANONICAL

⁸ Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Qheshwa Biblia DC

⁸ Uj p'unchay Abramqa Lotman nerqa: Qanwan noqawanqa aylluntin kanchej, mana atisunmanchu phiñanakuyta noqanchejpura, nitaj michejkunasninchejpis phiñanakuyta atinkuchu.

DIOSPA QHELQACHISQ

⁸ Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Génesis 13:8 Referans Kwoze

Hechos 7:26

Q'ayantenqa Moisés iskay israelitakunañataj maqanakushajta rikorqa. Allinyachiyta munaspataj, paykunata nerqa: Wawqekuna kaspa imaraykutaj qankunapura maqanakushankichejri? nispa.

Salmos 133:1

(1b) May jina sumajpuni uj ayllupi wawqe panakuna uj sonqolla k'achata kawsakunankoqa.

2 Pedro 1:7

Chaymantaj yapaychej Diosta qhatejkunapura allinta kawsakuyta, chaymantaj tukuyta munakuspa kawsayta yapaychej.

1 Pedro 4:8

Tukuy imamanta astawanqa qankunapura tukuy sonqo munakuychej, imaraykuchus munakoyqa may chhika juchata qonqayman churan.

1 Pedro 3:8

Ajinaqa tukuyniykichej uj sonqolla kaychej. Ujkuna ujkuna khuyarinakuychej, Jesucristota qhatejkunapurataj q'ayachanakuspa kawsakuychej. Jinallataj allin sonqoyoj kaychej, chantá llamp'u sonqo ima.

Romanos 12:10

Wawqe panakuna jina tukuy sonqo purajmanta munakuychej, ujkuna ujkunataj respetanakuychejpuni.

Proverbios 20:3

Ch'ajwata mana munaj runaqa jatunchasqa kanqa. Wampu runarí ch'ajwapi pejtukun.

Proverbios 15:1

Misk'i simiwan kuticheyqa phiñasqa sonqota tiyaykuchin, k'araj simiwan kutichiyrí astawan phiñarichin.

Génesis 45:24

Chantá José wawqenkunata kacharpayashaspa, nerqa: Pajtataj ñanpi siminakuspa maqanakushawajchej, nispa. Paykunataj purirerqanku.

1 Juan 4:7

Munasqa wawqe panakuna, purajmanta munakunanchej tiyan, imaraykuchus munakunaqa Diosmantamin. Pichus runa masinta munakojqa Diospa wawanmin, Dioswantaj k'achata kawsakun.

1 Pedro 2:17

Tukuy runata respetowan qhawaychej. Jesucristota qhatej masiykichejtapis munakuychej. Diostapis may jatun respetowan qhawaychej, jinallataj kuraj kamachejtapis jatun respetowan qhawallaychejtaj.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Hebreos 13:1

Cristota qhatikojkunapura wawqe panakuna jina munakuspa kawsakuychej.

Hebreos 12:14

Qankuna atisqaykichejta ruwaychej tukuywan allinta kawsakunaykichejpaj, jinallataj Diospaj t'aqasqa jina llimphu kawsayniyoj kanaykichejpaj. Pichus mana llimphu kawsayniyoj kajqa Tukuyta Kamachej Diospa uyanta mana rikonqachu.

1 Tesalonicenses 4:9

Diosta qhatejkunapura munakunamanta manaña imatapis ninayku kanchu, imaraykuchus Dios kikinmin qankunapura munakunaykichejta yachachisunkichej.

Filipenses 2:14

Chantá tukuy imata ruwaychej ama thutuspa, nitaj churanakuspa,

San Mateo 5:9

Kusikuyniyojmin kanku pikunachus tukuypaj allinpi kawsakuyta mask'ajkunaqa, imaraykuchus paykunaqa Diospa churinkuna sutichasqa kanqanku.

Proverbios 15:18

Usqhayllata phiñakoj runaqa ch'ajwata jatarichin. Llamp'u sonqo runarí ch'ajwata ch'inyachin.

Éxodo 2:13

Q'ayantin ujtawan rispa, Moisés iskay israelitakunatañataj maqanakushajta rikorqa. Chantá llajta masinta maqashajta nerqa: Imaraykutaj llajta masillaykitataj chay jinata maqashankiri? nispa.

Génesis 13:9

Qhaway, jallp'aqa ajllakunaykipaj jina may chhikan kashan. Ama jina kaspa, noqamanta karunchakuy. Sichus qan lloq'eman rinki chayqa, noqa pañanejman ripusaj. Qantajchus pañanejman rinki chayqa, noqa lloq'enejman ripusaj, nispa.

Génesis 46:34

qankuna ninkichej: Noqaykoqa ñawpa tataykukuna jina uywata uywaspa kawsayku, nispa. Ajinamanta qankuna Gosenpi tiyakunkichej, imaraykuchus Egipto llajtayojkunaqa ovejata michejkunata chejnikunku.

Génesis 14:14

Abramrí sobrinon preso kasqanta yachaspa, wasinpi paqarej kamachinkunata tantarqa. Tukuyninpi 318 qharikuna karqanku. Chantá Abramwan, kamachinkunawan ima tawantin kuraj kamachejkunata Dan llajtakama qhatiykorqanku.

Jueces 9:26

Aswan qhepaman Ebedpa churin Gaalwan, wawqenkunawan ima Sichem llajtaman chayarqanku, jinataj chay llajtayojkunaj sonqonkuta suwarqanku.