Gálatas 1:8 - DIOSPA QHELQACHISQAN DEUTEROCANONICAL

⁸ Chaywanpis noqaykuchus, chayrí janaj pachamanta angelchus chay sumaj willayta willasqaykumantaña waj jinata willasunkichejman chayqa, maldicisqa kachun.

Qheshwa Biblia DC

⁸ Noqaykuchus, chayri janaj pachamanta jamoj angelchus, chay evangeliota willasqaykumantaña, waj jina evangeliotataj willasunkichejman chayqa, maldicisqa kachun.

DIOSPA QHELQACHISQ

⁸ Chaywanpis noqaykuchus, chayrí janaj pachamanta angelchus chay sumaj willayta willasqaykumantaña waj jinata willasunkichejman chayqa, maldicisqa kachun.

Quechua South Bolivia: Dios Parlapawanchej

⁸ Astawanrí nokaycupis chayrí janaj pachamanta uj willajpis willaskaycumanta waj willanasta willaranman chayka, paypa patanpeka Diospa c'ajaj phiñacuynin cachun.

Gálatas 1:8 Referans Kwoze

Gálatas 1:9

Ñawpajta nerqaniña, kunanpis ujtawan nillaykichejtaj: Sichus pillapis chay sumaj willayta jap'ikusqaykichejmanta waj jina sumaj willayta willasunkichejman chayqa, maldicisqapuni kachun, nispa.

1 Corintios 16:22

Pichus Tukuyta Kamachej Jesucristota mana munakojqa maldicisqa kachun. Jamuy ari, Tukuyta Kamachej Jesusniyku.

Romanos 9:3

Noqa kikiy munayman maldicisqa kayta, Cristomanta t'aqasqa kayta ima, aylluyta munakuspa paykunata yanapanayrayku, pikunachus ayllu masiy kanku, chaykunata.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

Hechos 23:14

Ajinaqa paykuna rerqanku kuraj sacerdotekunawan, kurajkunawan ima parlamoj, nerqankutaj: Noqayku tiluspa parlaykuña ni ima mikhunatapis llaminaykupaj Pablota wañuchinaykukama.

Tito 3:10

Iglesiapi t'aqanakuta sayarichejtaqa iskay kutikamapis k'amiy. Mana kasukojtintaj, iglesiamanta payta wijch'uy.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

1 Corintios 12:3

Chayrayku kayta yachanaykichejta munani: Mana pipis Diospa Espiritunnejta parlajqa ninmanchu: Jesús maldicisqa kachun, nispa. Nillataj pipis niyta atinchu: Jesusqa Tukuyta Kamachejmin, nispa, manachus Santo Espíritoj yanapasqan kanman chayqa.

Marcos 14:71

Jinapi Pedroqa tiluspa nerqa: Dios jasut'iwachun llullakushanichus chayqa. Pimantachus parlashankichej, chay runataqa manapuni rejsinichu, nispa.

Gálatas 3:10

Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Nehemías 13:25

Jinapi paykunata k'amerqani, maldicerqanitaj. Paykunamanta wakintaqa maqarqani, chujchankutataj t'irarqani. Kamacherqanitaj Diosrayku tilunankuta: Manaña ujtawan ususiykukunata, nitaj churiykukunatapis waj llajtayojkunawan casarachisqaykuchu. Noqaykupis manallataj paykunamanta warmikunawan casarasqaykuchu, nispa.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.

Josué 9:23

Chayrayku kunan qankunaqa wata runallapuni kanaykichejpaj maldicisqa kankichej. Llant'ata ch'ejtankichej, yakuta ima Diosniypa wasinpaj aysamunkichej, nispa.

Génesis 9:25

Chayrayku pay nerqa: Canaán maldicisqa kachun, jinataj wawqenkunaj wata runan kachun, nispa.

1 Reyes 13:18

Machu runatajrí nerqa: Noqapis qan jina Diosmanta sut'inchajllataj kani, Tata Diospa uj angelnintaj kamachiwan: Rispa, Diosmanta sut'inchajta wasiykiman pusamuy mikhunanpaj, ujyananpaj, nispa. Chaywanpis machu runaqa llullakushasqa.

Jeremías 23:16

Tukuy Atiyniyoj Tata Dios nillantaj: Israelitakuna, ama kasuychejchu sut'inchajkunaj nisqankuta. Paykunaqa llullakuspalla, yuyasqankuman jinalla thawtinku. Imatachus nisqankuta mana noqachu nerqani.

Jeremías 23:36

Jinapis qankunaqa ama kay jinata parlaychejchu: Tata Dios ajinata nin, nispa. Pillapis: Tata Dios ajinata nin, nispa ninman chayqa, chay kikin nisqallantataj may llasa q'epiman jina tukuchisaj. Qankuna noqa kawsashaj Diospa nisqayta q'ewispa, uj jinaman tukuchinkichej. Noqa Diosniykichej kani, Tukuy Atiyniyoj Tata Dios.

Romanos 16:17

Wawqe panakuna, tukuy sonqo niykichej allinta qhawakunaykichejta t'aqanachejkunamanta, pantachejkunamanta ima, imaraykuchus paykuna Jesusmanta imatachus qankuna yachakusqaykichejmanta waj jinata yachachinku. Qankunarí chaykunamanta karunchakuychej.