Gálatas 1:10 - DIOSPA QHELQACHISQAN DEUTEROCANONICAL

¹⁰ Noqaqa mana runaman allin rijch'aytachu mask'ashani, manachayqa Diosman allin rijch'ayta. Sichus noqa runaman allin rijch'ayta munayman chayqa, mana Cristoj kamachinchu kayman.

Qheshwa Biblia DC

¹⁰ Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

DIOSPA QHELQACHISQ

¹⁰ Noqaqa mana runaman allin rijch'aytachu mask'ashani, manachayqa Diosman allin rijch'ayta. Sichus noqa runaman allin rijch'ayta munayman chayqa, mana Cristoj kamachinchu kayman.

Quechua South Bolivia: Dios Parlapawanchej

¹⁰ Cayta nispaka tapucuni: ¿Maykenta cusichiytataj munaskayta yuyanquichejrí —runastachu chayrí Diostachu? Mana runasta cusichiytachu munashani. Sichus runasta cusichiyta munaymanraj chayka, manapuni Cristoj camachinchu cayman.

Gálatas 1:10 Referans Kwoze

1 Tesalonicenses 2:4

Aswanpis Diosqa noqaykuta allinpaj qhawaspa Jesusmanta sumaj willayta willanaykuta kamachiwarqayku, chayraykutaj chayta ruwayku. Mana runamanchu allin rijch'ayta munayku, manachayqa Diosman, pichus sonqoykuta rejsin, chayman.

Hechos 5:29

Chantá Pedrowan, Jesuspa chay waj kuraj kachankunawan ima kuticherqanku: Diostapuni astawanqa kasunayku tiyan, runakunata kasunaykumantaqa.

Efesios 6:6

Ama paykuna qhawashajtillankuchu ruwaj ruwaj tukuychej, imaynatachus wakin ruwanku, ajinataqa. Manachayqa Cristoj wata runan jina, Diospa munasqanta tukuy sonqo ruwaychej.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

San Mateo 22:16

Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

Colosenses 3:22

Wata runakuna, patronniykichejta tukuy imapi kasuychej. Amataj qhawashajtillankuchu kasuychej, paykunaman allin rijch'ayta munaspa. Aswanpis Diosta manchachikuspa, tukuy sonqo paykunata kasuychej.

Romanos 2:29

Cheqapuni judioqa sonqon ukhumantapacha judío. Cheqapuni circuncidasqa kajtaj Santo Espiritunejta sonqonpi circuncidasqa kaj, manataj qhelqasqa kamachisqanejtachu. Chay jina judiotaqa Diosmin allinpaj qhawan, amapis runa allinpaj qhawachunchu.

1 Juan 3:9

Diospa wawanña kajqa mana juchallispallapuni purinchu, imaraykuchus paypeqa Diospa kawsaynin kashan. Ajinaqa pichus Diosmanta paqarejqa manaña juchallispallapuni puriyta atinmanchu.

2 Corintios 12:19

Ichapis qankuna yuyashankichej noqayku ñawpaqeykichejpi allinpi rikhuriyta munaspa kutichikushasqaykuta. Chayqa mana jinachu. Aswanpis noqayku Diospa ñawpaqenpi parlashayku, Cristojta kajkuna jina. Munasqa wawqe panaykuna, tukuy imata ruwayku qankunata yanapasunaykichejpaj, ajinamanta Cristopi astawan atinikunaykichejpaj.

Romanos 2:8

Churanakojkunata, cheqan kajta mana kasojkunata, millay kajta ruwajkunata imarí, Diosqa k'araj phiñakuyninwan jasut'enqa.

Romanos 1:1

Noqa Pabloqa Jesucristoj wata runan kani, kachan kanaypaj wajyasqa, jinataj Diospa sumaj willayninmanta willanaypaj t'aqasqa.

1 Corintios 10:33

Noqapis tukuy imata ruwani tukuyta kusichiyta munaspa. Mana noqaj allinnillaytachu mask'ashani, aswanpis wajkunaj allinninkuta paykuna qhespichisqa kanankupaj.

San Mateo 28:14

Kamachej chayta yachajtinrí, noqayku paywan parlasqayku, ama imanasunaykichejpaj, nispa.

1 Samuel 21:7

7 (8) Chaywanpis Saulpa ujnin kaj kamachin, Doeg sutiyoj, Diosta yupaychana toldopi chaypachallataj kashasqa, chaypi qhepakunan kasqanrayku. Payqa Edom llajtayoj karqa, Saulpa michejninkunatataj kamachej karqa.

Hechos 12:20

Kuraj kamachej Herodesqa chaypacha manchay phiñasqa karqa Tiro llajtamanta kajkunapaj, Sidón llajtamanta kajkunapajwan. Chayrayku paykuna uj yuyaylla tantaykukuspa, kamachej Herodeswan parlaj rerqanku. Ñawpajtaqa Herodespa mayordomon Blastoman lluk'iykorqanku, paynejta Herodeswan allinyakunankupaj, imaraykuchus paykuna Herodespa suyunmanta mikhunata rantej kanku.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

Filipenses 1:1

Jesucristoj wata runankuna Pablowan, Timoteowan ima kay cartata qhelqaspa, apachimuyku Filipos llajtapi Diospa ajllakusqankunaman, pikunachus Cristo Jesuspata kanku, chaykunaman. Jinallataj napaykuyku chay iglesiamanta kurajkunata chantá diaconokunata ima.