Éxodo 8:8 - DIOSPA QHELQACHISQAN DEUTEROCANONICAL

⁸ 8 (4) Chantá faraón Moisesta, Aarontawan ima wajyachispa, nerqa: Tata Diosmanta mañaychej ari, noqamanta, runaykunamantawan k'aylankulakunata chinkachinanpaj. Noqataj israelitakuna rinankuta saqesaj, rispa uywa ñak'asqa q'olachikunata Tata Diosman jaywamunankupaj, nispa.

Qheshwa Biblia DC

⁸ Jina kajtintaj faraonqa Moisesta Aarontawan wajyachispa nerqa: Señormanta mañaychej ari, k'aylankulasta chinkachinampaj, noqamanta, runasniymantawan karunchachispa, noqataj saqesaj israelitas llojsinankuta Señorman rikuchikusta jaywamunankupaj.

DIOSPA QHELQACHISQ

⁸ 8 (4) Chantá faraón Moisesta, Aarontawan ima wajyachispa, nerqa: Tata Diosmanta mañaychej ari, noqamanta, runaykunamantawan k'aylankulakunata chinkachinanpaj. Noqataj israelitakuna rinankuta saqesaj, rispa uywa ñak'asqa q'olachikunata Tata Diosman jaywamunankupaj, nispa.

Éxodo 8:8 Referans Kwoze

Éxodo 10:17

Chayrayku nirikuykichej: Kunallantawanña juchayta qhespichispa, Tata Diosniykichejmanta mañapuwaychej, kay millay khuruta noqamanta karunchananpaj, nispa.

Éxodo 9:28

Tata Diosmanta mañaychej ari, illapakuna, chijchi para ima sayananpaj. Chantá noqa kacharipusqaykichej, manaña astawan jark'asqaykichejchu, nispa.

1 Reyes 13:6

Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

Números 21:7

Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

Hechos 8:24

Simontaj nerqa: Ama jina kaspa, qankuna Diosmanta mañaripuwaychej ari, chay nisqaykichejmanta ama imapis chayamunawanpaj, nispa.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

Éxodo 14:5

Chaykamatajrí, Egiptota kuraj kamachej faraonman willarqanku israelitakuna ayqeshasqankuta. Chaypacha faraón, jinataj yanapajninkuna ima israelitakunata kacharipusqankumanta sonqonkuta nanachikorqanku. Chayrayku nerqanku: Imatataj kayta ruwakunchejri? Pitaj kunan imatapis ruwapuwasunchejri? nispa.

Éxodo 5:2

Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Éxodo 8:9

9 (5) Moisestaj kuticherqa: Niway: Qanrayku, tukuy yanapajniykikunarayku, chantá tukuy runaykikunarayku ima, mayk'ajtaj Tata Diosmanta mañapusunayta munawajri? Ajinata k'aylankulakunaqa qanmanta, wasiykimantapis karunchasqa kanqanku, mayullapiñataj qhepakonqanku, nispa.

Éxodo 8:15

15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 8:29

29 (25) Moisestaj kuticherqa: Kaymanta llojsispa, noqaqa Tata Diosmanta mañapusqayki, kay ch'uspikunata qanmanta, yanapajniykikunamanta, jinallataj llajta masiykikunamanta ima q'ayapacha karunchananta. Qanrí, amaña q'otiyawaykuchu. Aswanpis israelitakunata kachariy Tata Diosman uywata ñak'aspa jaywamunaykupaj, nispa.

Éxodo 8:32

32 (28) Chaywanpis faraón uj kutitawan sonqonta rumiyachispa, israelitakunata mana kachariporqachu.

Éxodo 9:27

Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

Éxodo 10:16

Chantá faraonqa usqhay usqhayta Moisesta, Aarontawan ima wajyachispa, nerqa: Noqaqa Diosniykichej Tata Diospa contranta, qankunaj contraykichejtawan ima juchallini.

Éxodo 9:33

Moisesqa faraonpa qayllanmanta llojsispa, llajtamanta jawaman rerqa. Chantá makinta oqharispa, Tata Diosmanta mañakorqa. Jinataj chaypacha illapakuna, chijchi parawan ima thañiporqanku. Jinamanta illapakuna manaña karqachu.

Éxodo 10:18

Chayrayku Moisés faraonpata kamachinan wasimanta llojsiytawan, Tata Diosmanta mañarqa.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.