Éxodo 5:3 - DIOSPA QHELQACHISQAN DEUTEROCANONICAL

³ Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Qheshwa Biblia DC

³ Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.

DIOSPA QHELQACHISQ

³ Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Éxodo 5:3 Referans Kwoze

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Ezequiel 6:11

Tukuyta Kamachej Tata Dios kaytawan nin: Qhasqoykita takakuy, chakiykikunawantaj zapateyay. Israel ayllu millayta ruwasqanmanta llakiywan qhapariy, imaraykuchus maqanakupi, yarqhaywan, onqoywan ima wañonqanku.

Esdras 7:23

Janaj pachapi kaj Diospa mañasqanta Templonpaj, chay tukuy imata usqhayllata qonkichej, ama Dios phiñakunanpaj wawaykunaj contranpi, chantá kamachiyniypa contranpipis.

2 Crónicas 30:8

Chayrayku ama ñawpa tataykichejkuna jina rumi sonqo kaychejchu. Tata Diosta kasuychej, Diospa Templonmantaj yupaychaj jamuychej, mayqentachus Tata Dios wiñaypaj payllapaj t'aqakusqa, chayman. Ajinata Tata Diosniykichejta qhatikuychej, paytaj qankunapaj manaña chay jina phiñasqachu kanqa.

2 Reyes 17:25

Paykuna chaypi tiyakuyta qallarispa, Tata Diosta mana yupaychajchu kanku. Chayrayku Tata Diosqa paykunaj contrankupi leonkunata kachaykorqa. Chay leonkunataj paykunamanta wakinta wañuracherqanku.

Deuteronomio 28:21

Tata Diosqa, jap'inkichej, chay jallp'api tukuy wañunaykichejkama millay onqoyta kachaykamusonqa.

Éxodo 7:16

Chantá paywan tinkukuspa, ninki: Israelitakunaj Tata Diosnin kay jinata nisunaypaj kachamuwan: Aylluyta kacharipuy, ch'innejman rispa yupaychanawankupaj, nispa. Qantajrí kunankama mana kasukunkichu.

Éxodo 8:1

1 (7.26) Chantá Tata Dios Moisesta nerqa: Faraonman rispa, nimuy: Tata Dios ajinata nisunki: Aylluyta kachariy, ch'innejman rispa, yupaychamunawankupaj.

Éxodo 8:20

20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Éxodo 8:27

27 (23) Noqaykoqa Diosniyku kamachiwasqaykuman jina kinsa p'unchay puriyta ch'innejman rinayku tiyan, chaypitaj uywata ñak'aspa, Tata Diosniykuman jaywanayku tiyan, nispa.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.