Éxodo 34:7 - DIOSPA QHELQACHISQAN DEUTEROCANONICAL

⁷ Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Qheshwa Biblia DC

⁷ Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

DIOSPA QHELQACHISQ

⁷ Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Éxodo 34:7 Referans Kwoze

Salmos 103:3

Paymin tukuy millay ruwasqayta pampachan, tukuy onqoymantapis thañichiwan.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Jeremías 32:18

Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Job 10:14

Juchallisajchus manachus, chayta qhawashawarqanki, ajinamanta juchallikojtiy, juchachanawaykipaj.

Éxodo 23:7

Ama pitapis llullakuspa tumpankichu. Amallataj mana juchayoj runata wañuchichinkichu, imajtinchus pichus juchayojpa juchanta mana pampachasajchu.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Daniel (hebreo) 9:4

Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Hebreos 12:29

Ajinata ruwana, imaraykuchus Diosninchejqa tukuy imata q'olarparej nina jinamin.

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Nehemías 9:32

Chayrayku, Diosniyku, qanqa jatun Dios kanki, atiyniyojtaj, manchachikuna imataj. Munakuyniykipitaj trato ruwasqaykita mana saqenkichu. Chayrayku ama pisipaj qhawaychu imaynatachus jatun llakeyqa kuraj kamachejniykukunata, kurajniykukunata, sacerdoteykukunata, sut'inchajniykukunata, ñawpa tataykukunata, jinataj tukuy aylluntinta ima qhatirisqanta. Chay llakeyqa Asiriata kuraj kamachejkunaj tiemponmantapacha kunankama qhatirishawaykupuni.

Nehemías 1:5

Nerqanitaj: Tata Dios, janaj pachapi kaj Diosníy, may atiyniyoj Dios kanki, manchachikuna kanki. Qanqa trato ruwasqaykita sumajta junt'anki, jinataj munakusojkunatapis, kamachisqaykita junt'ajkunatapis mana jayk'aj saqerpankichu.

Hechos 13:38

Wawqekuna, kayta yachaychej: Kunan noqayku willashayku Diosqa Jesusnejtamin juchaykichejta pampachananta.

Hechos 5:31

Diostaj atiyninwan Jesusta aswan pataman oqharerqa Tukuyta Kamachej chantá runata Qhespichej kananpaj. Dios munallantaj noqanchej israelitakuna payman kutirikunanchejta, tukuy juchanchej pampachasqa kananpaj.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Éxodo 23:21

Paypa nisqanta uyarispa kasukuy, amataj mana uyarikuyta munajqa kaychu. Payqa noqaj sutiypi ruwanqa, mana uyarikoj kasqaykitataj mana pampachanqachu.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

San Lucas 7:48

Chantá Jesusqa warmita nerqa: Juchaykeqa pampachasqaña, nispa.

San Lucas 7:42

Mana imaynamanta kutichipuyta atejtinku, manojqa iskayninkuta khuyaspa, manaña mañakapusqachu. Kunan niway ari: Chay iskayninkumanta mayqentaj chay khuyaj runata astawan munakonqari? nispa.

San Mateo 12:31

Chayrayku niykichej: Diosqa runakunaj ima juchankutapis, tukuy mana allin rimasqankutapis pampachayta atin. Pitajchus Santo Espíritoj contranta millayta riman chayrí, chay juchanqa mana pampachasqachu kanqa.

Miqueas 6:11

Mana cabal balanzayoj runata qhawakullasajchu? Mana cabal chimpuyojtapis allillan nisajchu?

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Salmos 136:15

Faraonta, soldadonkunata ima Puka Mama Qochaman p'ultiykojman pachis niychej, imaraykuchus munakuynenqa wiñay wiñaypajmin.

Salmos 136:10

Tukuy Egipto llajtayojkunaj kuraj kaj churinkukunata wañuchejta pachis niychej, imaraykuchus munakuynenqa wiñay wiñaypajmin.

San Mateo 6:12

Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

Génesis 19:16

Chaywanpis Lot mana usqhayta puririyta atisqanrayku, angelkuna Lotta, warminta, chantá iskaynin ususinkunatawan ima makinkumanta jap'ispa, llajtamanta jawaman orqhorqanku. Ajinata angelkunaqa paykunata orqhorqanku, Tata Dios paykunamanta khuyakusqanrayku.

Éxodo 33:19

Tata Diostaj kuticherqa: Noqa tukuy k'acha kasqayta ñawpaqeykipi rikuchisqayki, uyarinaykitataj sutiyta oqharisaj. Noqa khuyakusaj pitachus khuyakuyta munasqayta, yanapasajtaj pitachus yanapayta munasqayta.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Deuteronomio 7:9

Chayrayku yachaychej ari, Tata Diosniykichejqa pay k'atalla cheqa kaj Dios kasqanta. Yachallaychejtaj payqa, pikunachus payta munakojkunawan, kamachisqantataj junt'ajkunawan ima, may chhika miraykama trato ruwasqanta junt'aj kasqanta.

Deuteronomio 7:10

Payta chejnikojkunatarí millayta ruwasqankumanta chinkarparichin, usqhayllatataj jasut'in.

1 Reyes 8:30

Kay Templo qhawarisqa, noqa kamachiykej mañakusqayta, Israel aylluykej mañakusqantapis uyariy ari. Janaj pachapi tiyakunki, chaymantapacha uyariwayku, juchaykutataj pampachay.

2 Crónicas 30:9

Sichus qankuna Tata Diosman kutirikunkichej chayqa, aylluykichejkunata, wawaykichejkunata preso apajkunaqa paykunamanta khuyarikuspa, llajtankuman kutimpojta saqenqanku, imaraykuchus Tata Diosninchejqa may munakuyniyojmin, khuyakuyniyojtaj. Manataj qankunata qhesachasonqachejchu sichus qankuna payman kutiripunkichej chayqa, nispa. Ajinata kuraj kamachej Ezequías cartapi israelitakunata nerqa.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

1 Reyes 8:32

qanqa janaj pachamantapacha uyarimuspa, kamachiykipaj justiciata ruwanki. Juchayojtaqa juchanman jina jasut'inki, juchanpis payllamantaj urmanqa. Mana juchayojmantajrí allin ruwasqanman jina qopunki.

Salmos 25:11

Tata Dios, millayta ruwasqayqa may jinamin. Chaywanpis sutiyki jatunchasqa kananrayku juchayta pampachay.

Salmos 99:8

Tata Diosniyku, qan paykunaj mañakusqankuta uyarej kanki, jinataj paykunaj juchankuta pampachaj Diosmin karqanki. Chaywanpis millayta ruwasqankuman jina paykunata jasut'erqanki.

Salmos 109:14

Tata Dios chay runaj tatanpa millay ruwasqanta yuyarikullachunpuni, mamanpa juchantapis amapuni pampachachunchu.

Jeremías 30:11

Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.