Éxodo 34:10 - DIOSPA QHELQACHISQAN DEUTEROCANONICAL

¹⁰ Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

Qheshwa Biblia DC

¹⁰ Señortaj payman nerqa: Kunanqa uyariwaychej kayta: Noqa ruwashani kay tratota tukuy aylluyki israelitaspa ñaupaqempi. Noqa ruwasaj jatuchaj milagrosta; chayqa manaraj maynejpipis ruwakunrajchu. Chaytaqa tukuy israelitas rikonqanku, mayqenkunaj chaupinkupischus qan kashanki chaypi; paykunaj chaupinkupi Señorqa chay milagrosta ruwanqa. Chay ruwasqayqa may t'ukunapaj jina kanqa qankuna ukhupi.

DIOSPA QHELQACHISQ

¹⁰ Chantá Tata Dios kuticherqa: Noqa tukuy israelitakunaj rikunankuta uj tratota qanwan ruwasaj. Rikushajtiykichej, t'ukunata ruwasaj, chay jinaqa kay pachamanta ni uj suyupi, nitaj jayk'ajpis karqachu. Maypichus kashankichej chaypi, tukuy runakuna Tata Diospa ruwasqanta rikonqanku. Qankunawan imatachus ruwasqayqa manchay t'ukuna kanqa.

Éxodo 34:10 Referans Kwoze

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Salmos 77:14

14 (15) Qanmin t'ukunata ruwaj Dios kanki, tukuy runamantaj atiyniykita rejsicherqanki.

Isaías 64:3

Maypachachus qan urayk'amuspa, mana jayk'aj rikusqayku t'ukunata rikuchiwarqayku chaypacha, tukuy orqokuna ñawpaqeykipi manchayta kharkatiterqanku.

Salmos 66:5

Diospa ruwasqanta rikunaykichejpaj jamuychej, runakunapaj chay jina sumaj ruwasqanta.

Jeremías 32:21

Qanqa may jatun atiyniykiwan Israel aylluykita Egiptomanta orqhomorqanki. Runaj mana jayk'aj rikusqan t'ukunata ruwaspataj, tukuy runata mancharicherqanki.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

Salmos 78:12

Diosqa ñawpa tatanchejkunaj rikunanta t'ukunata ruwarqa Egipto suyupi, Soán cheqapi.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Josué 6:20

Chantá sacerdotekunaqa pututunkuta waqacherqanku, soldadokunataj jatunmanta qhaparerqanku. Israelitakunapis pututu waqasqanta uyariytawan, kunkankoj atisqanta qhapariyta qallarerqanku. Chantá ujllata llajtaj perqan loqhekuspa urmaykorqa. Chaymantataj sapa soldado cheqanta llajtaman phinkiykorqapacha, ajinamantataj Jericó llajtata jap'erqanku.

Éxodo 34:27

Chaymanta Tata Diosqa Moisesta nerqa: Kay nisqayta qhelqay, imaraykuchus chayman jina qanwan, jinallataj israelitakunawanpis tratota ruwani, nispa.

Salmos 145:6

Jatun atiyniykiwan t'ukunata ruwasqaykimanta parlanqanku, noqapis jatun kayniykimanta parlallasajtaj.

Salmos 106:22

Diosqa Campa suyunpi t'ukuna imakunatachus ruwasqanmanta qonqaporqanku, jinallataj Puka Mama Qochapi t'ukunata ruwaspa israelitakunata chimpachisqanmanta.

Salmos 76:12

12 (13) imaraykuchus payqa kurajkunata k'umuykuchin, kay pachapi kuraj kamachejkunatataj manchachin.

Salmos 65:5

5 (6) Qhespichiwajniyku Dios, justiciawan t'ukunata ruwaspa, qan kutichiwayku. Kay pachapi tukuy tiyakojkuna qanpi atinikunku, jinallataj aswan karu mama qocha kantupi tiyakojkunapis.

Salmos 147:20

Chaywanpis waj suyukunawan mana ajinatachu ruwarqa. Chay suyukunaqa Diospa kamachisqanta mana jayk'aj yacharqankuchu. Tata Diosqa jatunchasqa kachun.

Deuteronomio 4:13

Chantá Tata Diosqa trato ruwasqanta rejsichisorqachej, kamachisorqachejtaj chayman jina ruwanaykichejta. Chay tratoqa chunka kamachisqakuna karqa, chay kamachisqatataj iskay p'alta rumipi qhelqarqa.

Salmos 68:35

35 (36) Diosqa Templonpi may jina t'ukuna manchachikunamin. Chantá Israelpa Diosnenqa kallpata, atiytawan ayllunman qon. Diosninchej yupaychasqapuni kachun.

Éxodo 34:28

Chantá Moisesqa Tata Dioswan tawa chunka p'unchayta, tawa chunka tutatawan chaypi qhepakorqa, mana imata mikhuspa, nitaj imata ujyaspa. Chaypi Moisesqa tratomanta chunka kamachisqakunata iskay p'alta rumipi qhelqarqa.

Deuteronomio 9:19

Tata Dios contraykichejta phiñakuspa, qankunata ujllapi chinkachiyta munasqanta rikuspa, noqa maytapuni mancharikorqani. Chaywanpis Tata Diosqa uj kutitawan mañakusqayta uyariwarqa.

Salmos 72:18

Tata Diosqa, Israelpa Tukuy Atiyniyoj Diosnin yupaychasqa kachun, imaraykuchus payllamin t'ukuna imakunata ruwan.

Salmos 136:4

Uj k'ata t'ukuna imakunata ruwajman pachis niychej, imaraykuchus munakuynenqa wiñay wiñaypajmin.

Miqueas 7:15

May t'ukuna imakunata paykunaman rikuchiy, imaynatachus Egiptomanta paykunata orqhomushaspa rikucherqanki, ajinata.