Éxodo 32:5 - DIOSPA QHELQACHISQAN DEUTEROCANONICAL

⁵ Chantá Aarón chayta rikuspa, waka uñaj ñawpaqenpi uj altarta ruwarqa. Chaymantataj israelitakunata nerqa: Q'aya Tata Diospa sutinpi uj raymita ruwasunchej, nispa.

Qheshwa Biblia DC

⁵ Chayta rikuspataj Aaronqa uj altarta ruwarqs waka uñaj ñaupaqempi. Chaymantataj nerqa: Q'aya ruwasunchej Señorpaj uj fiestata.

DIOSPA QHELQACHISQ

⁵ Chantá Aarón chayta rikuspa, waka uñaj ñawpaqenpi uj altarta ruwarqa. Chaymantataj israelitakunata nerqa: Q'aya Tata Diospa sutinpi uj raymita ruwasunchej, nispa.

Éxodo 32:5 Referans Kwoze

2 Reyes 10:20

Chantá Jehú nillarqataj: Baalpa sutinpi jatun raymita ruwanapaj uj p'unchayta ajllaychej, nispa. Paykunataj chay p'unchaypaj runakunata wajyacherqanku.

Levítico 23:37

Chaykuna Tata Diospaj t'aqasqa p'unchaykuna kanku. Chay p'unchay qankuna Tata Diosta yupaychanapaj tantakuspa, Tata Diosman jaywankichej ch'aki mikhuy jaywanata q'olachispa, q'olachisqa jaywanata, waj jaywanakunata, chantá vinotawan ima. Chaykunata jaywana mit'a chayamusqanman jina jaywankichej.

Levítico 23:2

Israelitakunata ajinata ninki: Kaykunamin Tata Diospa sutinpi ruwana raymikuna kanku. Chaypacha qankunaqa Tata Diosta yupaychanaykichejpaj tantakunkichej.

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Oseas 8:11

imaraykuchus Efrainqa may chhika altarkunata ruwakorqa, chaykunataj juchallinallanpaj karqa.

2 Crónicas 30:5

Chaytataj tukuy Israel suyuman Bersebamantapacha Dan chaynejkama willarachinankuta nerqanku Jerusalenpi Israelpa Tata Diosninpa Pascua raymita ruwaj jamunankupaj. Unayña Pascua raymita mana kamachisqa kasqanman jinachu ruwasqanku.

2 Reyes 16:11

Sacerdote Uriastaj kuraj kamachej Ajaz dibujasqata apachimusqanman jina, altarta kikisitunta ruwarqa. Kuraj kamachej Damascomanta kutimunanpajtaj altarqa ruwasqaña karqa.

1 Reyes 21:9

Chay cartapi kay jinata nerqa: Ayunanapaj kamachiychej. Chantá Nabotta tukuy runaj ñawpaqenman tiyachiychej.

1 Samuel 14:35

Saultaj Tata Diospaj uj altarta ruwaporqa. Chayqa ñawpaj kaj ruwasqan altar karqa.

Levítico 23:21

Chay kikin p'unchayllataj qankunapis Tata Diosta yupaychanaykichejpaj tantakunkichej, amataj ni ima ruwanata ruwankichejchu. Kay kamachisqaqa tukuy mirayniykichejpaj wiñaypaj kanqa, maypichus tiyakunkichej, chaypi.

Levítico 23:4

Diosta yupaychanapaj sutinpi raymikunata ruwanaykichejpaj maychus kananpi tantakunkichej. Diosmanta yuyarikunapaj, Tata Diospa churasqan raymikuna kaykuna kanku:

Éxodo 32:4

Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 10:9

Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Éxodo 17:15

Chantá Moisés chaypi Tata Diospaj uj altarta ruwarqa, suticharqataj: “Tata Diosmin ñawpajta rej”, nispa.