Éxodo 3:9 - DIOSPA QHELQACHISQAN DEUTEROCANONICAL

⁹ Noqaqa israelitakunaj qhaparikusqankuta uyarini, chantá rikullanitaj Egipto llajtayojkuna paykunata maytapuni ñak'arichisqankuta.

Qheshwa Biblia DC

⁹ Noqa uyarini Israelpa wawasnin maytapuni mañakusqankuta, chantá rikullanitaj egipcios paykunata maytapuni ñak'arichisqankuta.

DIOSPA QHELQACHISQ

⁹ Noqaqa israelitakunaj qhaparikusqankuta uyarini, chantá rikullanitaj Egipto llajtayojkuna paykunata maytapuni ñak'arichisqankuta.

Éxodo 3:9 Referans Kwoze

Éxodo 2:23

Chaymanta aswan qhepanejman Egipto suyuta kuraj kamachej wañuporqa. Israelitakunatajrí, wata runa kasqankumanta waqarikuspa, qhaparikorqanku. Diostaj sinch'i ñak'arispa qhaparikusqankuta uyarerqa.

Éxodo 3:7

Chantá Tata Dios nillarqataj: Noqa Egipto suyupi israelitakuna sonqo nanayta ñak'arishasqankuta rikuni. Jilaqatakuna jasut'ispa, imaynatachus waqachisqankutapis uyarini. Imaynatachus llakikushasqankuta yachallanitaj.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Eclesiastés 4:1

Kay pachapi tukuy imaymana sarunchasqata rikorqani. Jinallataj sarunchasqa kajkunaj waqasqankuta rikorqani, nitaj pipis paykunata sonqochaykurej karqachu. Pikunachus sarunchajkunarí may atiyniyoj karqanku, nitaj pipis paykunaman sayaykoj karqachu.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Génesis 16:11

Qanqa wijsayoj kashanki. Jinataj uj qhari wawata onqokunki, paytataj sutichanki “Ismael” sutiwan, imaraykuchus Tata Dios llakiywan waqasqaykita uyarisunki.

Deuteronomio 26:7

Chaypacha ñawpa tataykoj Tata Diosninmanta yanapanawaykuta mañakorqayku. Paytaj mañakusqaykuta uyariwarqayku. Llakiyniykuta, sinch'i ruwanaman churasqa kasqaykuta, chantá k'umuykachachisqa kasqaykuta ima rikullarqataj.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.

2 Reyes 13:4

Chantá Joacazqa Tata Diosmanta mañakorqa. Diostaj mañakusqanta uyarerqa, imaraykuchus Siria suyuta kuraj kamachej, israelitakunata imaynatachus ñak'arichisqanta rikorqa, chayrayku.

Génesis 31:12

Chantá niwarqa: Allinta qhaway, rikunki chinakunawan tinkoj muchukunaqa alqakuna, sanikuna, ch'ejchikuna kasqankuta, imaraykuchus Labán imatachus ruwasusqanta noqa yachani.

Éxodo 1:8

Israelitakuna Egiptopi unaytaña tiyakushajtinku, Egipto suyupi waj runañataj kuraj kamachej jina yaykorqa. Payqa Joseta mana rejserqachu, manataj yacharqachu José Egipto suyurayku imatachus ruwasqanta. Chayrayku pay runankunata nerqa:

Éxodo 2:25

Chayrayku pay israelitakuna imaynatachus ñak'arishasqankuta rikuspa, paykunamanta khuyakorqa.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

Nehemías 9:9

Qanqa ñawpa tataykukuna imaynatachus Egiptopi ñak'arisqankuta rikorqanki, Puka Mama Qocha kantupipis qhaparikamususqankuta uyarerqanki.

Salmos 9:14

14 (15) Ajinamanta Jerusalén llajtaj punkunpi qan yupaychanapaj jina kasqaykita willasaj, qhespichiwasqaykimantataj kusikusaj.