Éxodo 3:16 - DIOSPA QHELQACHISQAN DEUTEROCANONICAL

¹⁶ Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Qheshwa Biblia DC

¹⁶ Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

DIOSPA QHELQACHISQ

¹⁶ Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Éxodo 3:16 Referans Kwoze

Salmos 8:4

4 (5) Imataj runa kasqa paymanta yuyarikunaykipajri? Imataj runa kasqa payta cuentaman churanaykipajri?

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 4:29

Chaymantataj Moiseswan Aaronwan rispa, Egiptoman kuterqanku, chayaspataj, israelitakunaj tukuynin kurajninkukunata tantacherqanku.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Hechos 15:14

Ñapis Simón Pedro willawanchejña imaynatachus kay ñawpaj kutipi Diosqa mana judío kajkunata watukusqanta, paykuna ukhumantataj wakinkunata ajllakusqanta paypata kanankupaj.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

Hechos 20:17

Miletopi kashaspa, Pabloqa Éfeso iglesiamanta kurajkunata wajyacherqa.

Hechos 11:30

Ajinata ruwaspataj, chay qolqeta apacherqanku Bernabewan, Saulowan ima Jerusalenpi iglesiaj kurajninkunaman.

San Lucas 19:44

Chaymantataj paykuna thuñisonqanku, jinallataj qanpi tiyakojkunatapis wañurachillanqankutaj. Qanpi mana saqenqankuchu rumi patapi rumita, imaraykuchus mana reparakorqankichu Diosniyki qanta qhespichej jamushasojtin, nispa.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

San Mateo 26:3

Chaypachallataj Caifás sutiyoj kuraj kaj sacerdotej pationpi kuraj sacerdotekuna, judiokunaj kurajninkukuna ima tantakorqanku.

Rut 1:6

Moab suyupi tiyakushaspa, Noemí uyarerqa Tata Diosqa ayllunmanta khuyakuspa, chay yarqhay watakunata tukuchisqantaña.

Éxodo 13:19

Chaypacha Moisesqa Joséj tulluntapis apallarqataj, imaraykuchus José kawsashaspallaraj israelitakunata tiluchispa, nisqa: Maypachachus Dios yanapasonqachej chaypacha, kaymanta ripushaspa, tulluyta apankichej, nispa.

Éxodo 4:5

Tata Diostaj nillarqapuni: Chayta rikuspa, paykuna yachanqanku ñawpa tataykichejkunaj Tata Diosnin, Abrahampata, Isaacpata, chantá Jacobpata ima, qanman rikhurisqayta, nispa.

Éxodo 2:25

Chayrayku pay israelitakuna imaynatachus ñak'arishasqankuta rikuspa, paykunamanta khuyakorqa.

Éxodo 24:11

Diosqa israelitakunaj kurajninkunata mana imanarqachu. Paykunaqa Diosta rikorqanku, chantá mikhorqanku, ujyarqankutaj.

Éxodo 18:12

Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 15:14

Suyukunamanta runa imatachus ruwasqaykita yachaspa, kharkatitenqanku. Nanayqa tukuy filisteokunata q'ewiykachachenqa.

Éxodo 3:2

Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Génesis 21:1

Tata Diosqa Saraman imatachus nisqanta junt'arqa.

Génesis 1:7

Chantá Dios yakuta t'aqananpaj ch'usajta ruwarqa. Jinaqa t'aqaj ch'usajqa urapi kaj yakuta t'aqarqa patapi kaj yakumanta.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 48:15

Chantá Jacob ajinata nispa, Joseta samincharqa: Jatun tatay Abrahampata, chantá tatay Isaacpatawan Diosnin, pitachus paykuna yupaycharqanku, chay Dios kasqaymantapacha kunankama uywakuwarqa.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 4:1

Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Éxodo 17:5

Chantá Tata Diosqa Moisesta nerqa: Israelitakunamanta ñawpaykuy, pusaytaj paykunamanta wakin kurajkunata. Nilo mayuta wajtarqanki, chay varaykitapis apallankitaj.

Salmos 33:18

Tata Diosqa payta manchay jatun respetowan qhawajkunata waqaychan, pikunachus mana tukukuyniyoj munakuyninpi atinikojkunata.

Éxodo 1:8

Israelitakuna Egiptopi unaytaña tiyakushajtinku, Egipto suyupi waj runañataj kuraj kamachej jina yaykorqa. Payqa Joseta mana rejserqachu, manataj yacharqachu José Egipto suyurayku imatachus ruwasqanta. Chayrayku pay runankunata nerqa:

Salmos 102:21

21 (22) Chay jinamanta Sionpi Tata Diospa sutin rejsichisqa kanqa, Jerusalén llajtapitaj pay yupaychasqa kanqa.