Éxodo 24:16 - DIOSPA QHELQACHISQAN DEUTEROCANONICAL

¹⁶ Jinapi Tata Diospa jatun kayninpa lliphipiynin Sinaí orqoman urayk'amorqa. Chay phuyoqa orqota sojta p'unchayta p'ampaykorqa, qanchis kaj p'unchaypitaj Tata Dios phuyu ukhumanta Moisesta wajyamorqa.

Qheshwa Biblia DC

¹⁶ Señorpa kusiy k'anchaynintaj chay Sinaí orqoman uraykamorqa. Chay phuyutaj chay orqopi sojta p'unchayta sayarqa. Qanchis kaj p'unchaypitaj Señorqa Moisesta wajyamorqa phuyu ukhumanta.

DIOSPA QHELQACHISQ

¹⁶ Jinapi Tata Diospa jatun kayninpa lliphipiynin Sinaí orqoman urayk'amorqa. Chay phuyoqa orqota sojta p'unchayta p'ampaykorqa, qanchis kaj p'unchaypitaj Tata Dios phuyu ukhumanta Moisesta wajyamorqa.

Éxodo 24:16 Referans Kwoze

Éxodo 16:10

Aarón israelitakunawan parlashajtin, chaypacha tukuyninku ch'innejta qhawarerqanku. Chantá Tata Diospa jatun kayninpa lliphipiynin phuyupi rikhurisqanta rikorqanku.

Números 16:42

42 (17.7) Chantá tukuy israelitakuna Moisespa, chantá Aaronpa contranpi tantaykukuspa, Dioswan Tinkukuna Toldoman rerqanku. Chantá chay ratopacha phuyu Dioswan Tinkukuna Toldota p'ampaykorqa, Tata Diospa jatun kayninpa lliphipiynintaj rikhurerqapacha.

Ezequiel 1:28

Imaynatachus k'uychi phuyu chawpipi p'unchay paramojtin rikhurin, ajina lliphipirishaj muyuyninpi karqa. Tata Diospa jatun kayninpa lliphipiyninta mosqoypi jina rikusqayqa chay jina karqa. Chay jinata rikuspataj, pampakama k'umuykorqani, chaypitaj uj parlamojta uyarerqani.

Salmos 99:7

Tata Diosqa phuyu ukhumanta paykunawan parlarqa, paykunataj nisqanta junt'arqanku, tukuy kamachisqantataj kasorqanku.

Números 14:10

Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

Levítico 9:23

Chantá Moiseswan, Aaronwan ima Dioswan Tinkukuna Toldoman yaykorqanku. Chaymanta llojsimuspataj, israelitakunata ujtawan samincharqanku. Jinallapi Tata Diospa jatun kayninpa lliphipiynin tukuyninkuman rikhurerqa.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Éxodo 24:17

Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

Éxodo 20:10

Qanchis kaj p'unchayrí, samarina p'unchay kanqa, noqapaj t'aqasqa p'unchaymin. Chay p'unchayqa ama ni ima ruwanaykita ruwankichu ni qan, ni churiyki, ni ususiyki, ni qhari kamachiyki, ni warmi kamachiyki, ni uywaykikuna, nitaj qankunawan tiyakoj waj llajtayojpis.

Éxodo 19:11

Minchhapaj wakichisqa kachunku, imaraykuchus minchhata noqaqa tukuy israelitakunaj rikunankuta Sinaí orqoman urayk'amusaj.

Éxodo 19:9

Chantá Tata Dios payta nerqa: Noqa yanayarishaj phuyupi qanwan parlaj jamusaj. Ajinamanta israelitakuna qanwan parlasqayta uyarenqanku, wiñaypaj qanmanta ama iskayrayanankupaj, nispa. Chantá Moisés israelitakuna imatachus nisqankuta uj kutitawan Tata Diosman willallarqataj.

Levítico 9:6

Chantá Moisés nerqa: Tata Dios kayta ruwanaykichejta kamachisunkichej. Sichus kasunkichej chayqa, Tata Dios jatun kayninpa lliphipiyninwan qankunaman rikuchisonqachej, nispa.

Isaías 4:5

Chantá Tata Dios tukuynin Sión orqota, tantasqa runakunatapis p'unchaypi phuyuwan llanthuykonqa, tutantaj q'oshñita, nina lawray k'anchayta ima rikhurichenqa. Patapitaj Tata Diospa jatun kayninpa lliphipiynin qhatana jina paykunapaj kanqa.