Éxodo 24:12 - DIOSPA QHELQACHISQAN DEUTEROCANONICAL

¹² Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

Qheshwa Biblia DC

¹² Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.

DIOSPA QHELQACHISQ

¹² Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

Éxodo 24:12 Referans Kwoze

Deuteronomio 5:22

Orqo k'uchupi tantasqa kashajtiykichej, Tata Diosqa chay kamachisqakunata jatunmanta parlaspa nerqa, orqopi nina chawpimanta, laqha phuyu ukhumantapacha. Chaymantaqa manaña astawan imatapis nerqachu, chay kamachisqakunatataj iskay p'alta rumipi qhelqaspa noqaman jaywawarqa.

Éxodo 31:18

Tata Diosqa Sinaí Orqopi Moiseswan parlayta tukuytawan, kamachisqakunata p'alta rumipi qhelqasqata Moisesman qorqa. Chay kamachisqakunataqa kikin Diospuni makinwan qhelqarqa.

Hebreos 9:4

Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

2 Corintios 3:3

Arí, sut'i kashan, qankuna Cristoj qhelqasqan cartan kasqaykichejta, noqaykutaj chay cartata tukuyman rejsicherqayku. Chay cartaqa mana tintawanchu qhelqasqa, aswanpis kawsaj Diospa Espiritunwan. Manataj rumi tablapichu ch'eqosqa karqa, aswanpis runaj sonqon ukhupi.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

2 Corintios 3:7

Rumipi ch'eqosqa kamachisqaqa runata wañuchisqa kananpaj juchacharqa chaypis, Diospa jatun kayninpa lliphipiyninwan jamorqa. Chayrayku israelitakunapis Moisespa uyanta mana qhawariyta aterqankuchu, uyan anchata lliphipishasqanrayku. Chaywanpis, chay k'anchayqa pisimanta pisi chharpuyasharqa.

Deuteronomio 4:14

Chaypacha Tata Dios chay yachachiykunata, kamachisqakunatawan ima qankunaman yachachinayta kamachiwarqa, qankuna jap'isqaykichej jallp'api tiyakushaspa junt'anaykichejpaj.

Éxodo 24:18

Moisestaj phuyu ukhuman yaykuspa, orqoman wicharerqa. Chaypitaj payqa tawa chunka p'unchayta, tawa chunka tutatawan qhepakorqa.

Éxodo 24:15

Chantá Moisesqa orqo pataman wicharerqa, phuyutaj chay orqota p'ampaykorqa.

Éxodo 24:2

Qanlla noqaman qayllamuwanki. Paykunarí karunejllapi kanqanku, nitaj waj runakuna qanwan jamonqankuchu, nispa.

San Mateo 5:19

Sichus pipis kay kamachisqakunamanta aswan juch'uy kajllatapis p'akinman, jinallataj wajkunamanpis p'akiyta yachachinman chayqa, janaj pachamanta Dios kay pachapi kamachishajtin chay runaqa pisipaj qhawasqa kanqa. Ajinallatataj sichus pipis Diospa kamachisqanta junt'anqa, jinallataj wajkunamanpis junt'ayta yachachenqa chayqa, chaymá sumaj jatunpaj qhawasqa kanqa janaj pachamanta Dios kay pachapi kamachishajtin.

Nehemías 9:13

Chaymanta Sinaí orqoman urayk'amorqanki, paykunamantaj parlamorqanki. Cheqan kamachisqaykita, cheqan sumaj yachachisqaykita ima paykunaman qorqanki.

Esdras 7:10

Tata Diosqa Esdrasta yanaparqa, imaraykuchus Esdrasqa sonqonta churarqa Tata Diospa kamachisqanta sumajta yachaqananpaj, chantá junt'ananpajtaj, jinataj israelitakunaman yachachinanpaj.

Éxodo 34:1

Tata Dios Moisesta nillarqataj: Ñawpajta jina ch'eqospa, iskay p'alta rumita ruwallaytaj. Choqaspa p'akerqanki, chay rumipi imakunachus qhelqasqa karqa, chaykunata ujtawan qhelqallasajtaj.

Deuteronomio 5:31

Qanrí kaypi noqawan qhepakuy. Noqa tukuy kamachisqaykunata, yachachiykunata, yuyaychaykunata ima qanman nisqayki, qantaj paykunaman yachachinki, qosqay jallp'api tiyakushaspa junt'anankupaj, nispa.

1 Reyes 19:11

Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

Éxodo 19:3

Chaymantataj Moisesqa Dioswan parlaj orqoman wicharerqa. Tata Diostaj orqomantapacha payta wajyaspa, nerqa: Jacobpa miraynin israelitakunaman kay jinata willanki:

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Nehemías 9:14

Yachachillarqankitaj samarina p'unchaypi samarinankumanta. Kamachiyki Moisesnejta paykunaman waj kamachisqakunatawan, yachachiykunatawan ima yachacherqanki.

Salmos 19:12

12 (13) Pitaj pantasqanmanta reparakuyta atinmanri? Qhespichiway Tata Dios, mana reparakuspalla juchallisqaymanta.