Éxodo 23:33 - DIOSPA QHELQACHISQAN DEUTEROCANONICAL

³³ Paykunatachus llajtaykipi tiyakojta saqellanki chayqa, noqaj contrayta juchallichisunkiman. Ama llajtaykipi jap'ikuychu, imaraykuchus diosninkuta yupaychanaman qokuwaj, chaytaj llakiynillaykipaj kanman, nispa. Ajinata Tata Dios israelitakunata nerqa.

Qheshwa Biblia DC

³³ Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.

DIOSPA QHELQACHISQ

³³ Paykunatachus llajtaykipi tiyakojta saqellanki chayqa, noqaj contrayta juchallichisunkiman. Ama llajtaykipi jap'ikuychu, imaraykuchus diosninkuta yupaychanaman qokuwaj, chaytaj llakiynillaykipaj kanman, nispa. Ajinata Tata Dios israelitakunata nerqa.

Éxodo 23:33 Referans Kwoze

Salmos 106:36

Chay runakunaj yanqha manakaj lantinkuta yupaycharqanku, chaytaj israelitakunata mana allinman chayacherqa.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Jueces 2:3

Chayrayku kunan niykichej: Chay runakunata ñawpaqeykichejmanta mana wijch'usajchu. Aswanpis paykuna tojlla jina qankunapaj kanqanku, jinallataj diosninkupis misk'anaykichejpaj jina kanqa, nispa.

Josué 23:13

Tata Diosniykichejqa chay llajtayojkunata ñawpaqeykichejmanta mana wijch'onqachu, manachayqa paykuna urmanaykichejpaj tojlla jina kanqanku. Paykuna wasaykichejpaj seq'ona jina kanqanku, jinataj ñawiykichejpi q'opa jina kallanqankutaj, kay chhika sumaj jallp'ata Tata Diosniykichej qosusqaykichejmanta ni uj puchuyoj chinkanaykichejkama.

Éxodo 34:12

Maymanchus yaykunkichej, chaypi tiyakojkunawan amapuni ni ima tratota ruwankichejchu, ama qankunata misk'achisunaykichejpaj.

Deuteronomio 12:30

Jina kajtin, allinta qhawakunkichej amapuni paykuna jina ruwanaykichejmanta. Pajtataj niwajchej: Imaynatachus kay llajtayojkuna diosninkukunata yupaychaj kanku, ajinallatataj noqanchejpis yupaychanachej, nispa.

2 Timoteo 2:26

Ajinamanta yuyayninkuman kutirispa, Kuraj Supaypa tojlla churasqanmanta llusp'inkuman, imajtinchus payqa watasqata jina paykunata jap'ishan, munayninta ruwanankupaj.

2 Crónicas 33:9

Chantá Manasesqa astawan millayta ruwaspa, israelitakunata mana allin ñanman tanqaykorqa. Tata Dios ñawpajta israelitakunaj ñawpaqenkumanta chay cheqakunapi tiyakojkunata wijch'usqa, chaykunamantapis astawan millaytaraj ruwarqanku.

1 Reyes 14:16

Tata Diosqa Jeroboán juchallisqanrayku chantá israelitakunata juchallichisqanrayku ima Israel suyuta ch'eqerachenqa, nispa.

1 Samuel 18:21

Saúl yuyasharqa Davidta ususinwan casarachejtin, Davidqa filisteokunawan maqanakushajtin wañuchisqa kananta. Chayrayku Saulqa ujtawan Davidta nerqa: Kunanqa tolqaypuni kanki, nispa.

Éxodo 10:7

Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Deuteronomio 20:18

Sichus mana paykunata chinkachiwajchejchu chayqa, paykuna millayta ruwaspa, diosninkuta yupaychayta yachaykuchisonqachej. Chayta ruwaspa, qankunaqa Tata Diosniykichejpa contranta juchalliwajchej.

Josué 10:40

Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.

Jueces 2:2

Qankunataj amapuni chay llajtayojkunawan ima tratotapis ruwankichejchu, manachayqa lantinkoj altarninkukunata phirirankichej, nispa. Qankunarí mana kasuwarqankichejchu. Imaraykutaj jinata ruwarqankichejri?