Éxodo 23:12 - DIOSPA QHELQACHISQAN DEUTEROCANONICAL

¹² Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Qheshwa Biblia DC

¹² Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.

DIOSPA QHELQACHISQ

¹² Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Éxodo 23:12 Referans Kwoze

San Lucas 13:14

Chaywanpis tantakuna wasita qhawajqa phiñakorqa, Jesús samarina p'unchaypi chay warmita qhaliyachisqanmanta. Jinataj runakunaman nerqa: Semanapi sojta p'unchay tiyan imallatapis ruwanapaj. Chay p'unchaykunallapi jampichikoj jamuychej, amataj samarina p'unchaypeqa, nispa.

Éxodo 35:3

Samarina p'unchaypeqa wasiykichejpi amapuni ninallatapis jap'ichinkichejchu, nispa.

Isaías 58:3

Chantá ninku: Noqaykoqa ayunayku, qantajrí mana kasuta ruwawaykuchu. Sonqoykuta llamp'uyachiyku, qantajrí mana repararqankichu, nispa. Chaywanpis ayunashaspa, munasqallaykichejta ruwankichej. Chay p'unchaypi peonniykichejtapis astawan ch'irwankichej.

Éxodo 34:21

Sojta p'unchayta llank'ankichej, qanchis kaj p'unchaypitaj samarinkichej. Tarpuypis kachun, chayrí chajra poqoy oqharinapis kachun, samarinkichejpuni.

Marcos 2:27

Jesús nillarqataj: Runaqa mana samarina p'unchayta junt'ananpajchu ruwasqa karqa, manachayqa samarina p'unchay ruwasqa karqa runaj allinninpaj.

Éxodo 16:23

Moisestaj paykunata nerqa: Tata Dios ajinata kamachin: Q'ayaqa samarina p'unchay kashan, chay p'unchaytaj Tata Diospaj t'aqasqa. Chayrayku kunan chayachiychej imatachus chayachinaykichejta, t'impuchiychejtaj imatachus t'impuchinaykichejta. Chantá puchoj mikhunata q'ayapaj waqaychaychej, nispa.

Éxodo 23:11

Qanchis kaj watapitaj jallp'aykita samarichinki, ama tarpunkichu. Sichus payllamanta p'utuspa poqonman chayqa, wajcha runa mikhunanpaj kanqa, puchojtaj uywakuna mikhunankupaj kanqa. Ajinallatataj uva huertaykiwan, olivo sach'aykiwan ima ruwanki.

Éxodo 35:2

Sojta p'unchayta llank'ankichej, qanchis kaj p'unchaypitaj samarinkichej, Tata Diospaj t'aqasqa p'unchay kasqanrayku. Pillapis chay p'unchaypi ruwananta ruwajqa wañuchisqa kanqa.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Nehemías 13:16

Chay jawataj Jerusalenpi tiyakoj Tiro llajtayojkunaqa challwakunata, waj qhatutawan apamoj kanku samarina p'unchaypi Jerusalenpi judiokunaman ranqhanankupaj.