Éxodo 20:4 - DIOSPA QHELQACHISQAN DEUTEROCANONICAL

⁴ Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Qheshwa Biblia DC

⁴ Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

DIOSPA QHELQACHISQ

⁴ Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Éxodo 20:4 Referans Kwoze

Levítico 26:1

Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.

Deuteronomio 5:8

Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Salmos 97:7

Lantikunata yupaychajkuna p'enqaypi rikhurichunku, pikunachus lantinkurayku runaykachanku, chaykuna. Tukuy dioskunapis Tata Diospa ñawpaqenman k'umuykullachunkutaj.

Levítico 19:4

Ama lantikunata yupaychankichejchu, amallataj metalta unuyachispa, dioskunata ruwakunkichejchu. Noqa Tata Diosmin Diosniykichej kani.

Hechos 17:29

Chayrayku Diospa mirayninchus kanchej chayqa, mana yuyasunmanchu Diosqa qorimanta, qolqe metalmanta, chayrí rumimanta ruwasqa lantiman rijch'akusqanta. Chaykunaqa runaj yuyasqanman jinalla ruwasqa kanku.

Deuteronomio 27:15

Maldicisqa kachun pichus k'aspimanta, chayrí metalta unuyachispa lantita ruwajqa, chayrí yachajwan lantita ruwachikuspa pakajqa. Chayqa Tata Diospaj manchay millachikunamin, nispa. Chantá tukuy israelitakuna nenqanku: Ajina kachun, nispa.

Apocalipsis 16:2

Jinataj ñawpaj kaj ángel rispa, vasonmanta kay pachaman jich'aykamorqa. Chantá pikunachus ñawpajta rikhurimoj sierpej marcanwan marcasqa karqanku, lantintapis yupaycharqanku, chaykunapi millayta asnaj lleqhe rikhurerqa.

Romanos 1:23

Jinataj mana jayk'aj wañoj Jatun Kayniyoj Diosta yupaychanankutaqa, wañoj runaman rijch'akoj lantita yupaycharqanku, p'isqokunaman rijch'akojta, tawa chakiyoj uywakunaman rijch'akojta, katarikunaman rijch'akoj lantita ima.

Isaías 45:16

Lantita tukuy ruwajkunaqa k'umuykachachisqa, p'enqachisqataj kanqanku.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Ezequiel 8:10

Chantá noqa chayman yaykuspa, perqaj tukuy muyuyninta katarikunaman rijch'akojta pintasqata rikorqani, ch'ichipaj qhawasqa animalkunatawan. Jinallataj Israel aylloj tukuy lantinkukuna pintasqatapis rikullarqanitaj.

Apocalipsis 9:20

Chaywanpis, pikunachus chay manchay ñak'ariykunawan mana wañorqankuchu, chaykuna millayta ruwasqankumanta Diosman mana kutirikorqankuchu. Manachayqa paykuna supaykunata yupaychallarqankupuni, jinallataj qorimanta, qolqe metalmanta, broncemanta, rumimanta, k'ullumanta ruwasqa lantikunata ima. Chay lantikuna mana qhawayta atinkuchu, nitaj uyariyta, nillataj puriytapis.

Isaías 42:17

Lantikunapi atinikojkunarí, pikunachus metalmanta ruwasqa lantikunata ninku: Diosniyku kankichej, nispa, chaykunaqa p'enqaypi rikhurenqanku.

2 Crónicas 33:7

Jinallataj uj lantita ruwachispa, Tata Diospa Templonman churaykamorqa. Chay Templomanta Tata Diosqa Davidman, chantá churin Salomonman nisqa: Kay Templopi suteyqa wiñaypaj yupaychasqallapuni kanqa, imaraykuchus tukuynin Israel ayllumanta Jerusalenta ajllakuni.

1 Reyes 12:28

Chayrayku yuyaychajninkunawan parlarikuspa, qorimanta iskay waka uña lantikunata ruwacherqa. Chantá israelitakunata nerqa: Ashkha kutitaña qankuna Jerusalenman rinkichej. Kaykunamin Egiptomanta orqhomoj diosniykichejkunaqa, nispa.

Éxodo 34:17

Amapuni qankunaqa metalta unuyachispa, chaymanta dioskunata ruwakunkichejchu.

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Éxodo 32:23

Paykuna niwarqanku: Pusanawaykupaj dioskunata ruwapuwayku, imaraykuchus Egiptomanta orqhomuwarqayku, chay Moisesqa imanakunchus, mana yachaykuchu, nispa.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Jueces 17:3

Chantá Micaía chay 1.100 qolqeta mamanman kutichiporqa, mamantaj nerqa: Noqaqa Tata Diosman kay qolqeta qopusaj amaña maldición chayamusunanpaj. Chay qolqewantaj ruwachisaj k'ullumanta uj lantita, qolqe metalwan lluch'isqata. Qanmantaj qopusqayki, nispa.

2 Reyes 17:12

Chay jawa, lantikunata yupaychanankuta Tata Dios mana munashajtinpis, paykunaqa yupaychallarqankupuni.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

Ezequiel 8:3

Chay runaman rijch'akojtaj makinta aysarimuspa, chujchaymanta jap'iwarqa. Chantá Diospa Espíritun jallp'amanta pataman oqhariwaspa, mosqoypi jina Jerusalenman apawarqa. Chaypitaj Temploj ukhu kaj pationpi wichaynejman qhawaj punkuman churaykuwarqa, maypichus Tata Diosta phiñachej lanti kasharqa, chayman.

Ezequiel 20:7

Chaypachallataj paykunata kamacherqani: Sapa ujniykichej yupaychasqaykichej millay lantiykichejkunata wijch'uychej, amataj Egiptoj lantinkunata yupaychaspa ch'ichichakuychejchu, imaraykuchus noqa Tata Diosniykichej kani, nispa.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 32:4

Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Deuteronomio 16:22

Yupaychanapaj rumitaqa ama oqharinkichejchu, imaraykuchus chaykunata Tata Diosniykichej mana rikuyta atinchu.