Éxodo 20:15 - DIOSPA QHELQACHISQAN DEUTEROCANONICAL

¹⁵ Ama suwankichu.

Qheshwa Biblia DC

¹⁵ Ama suwakunkichu.

DIOSPA QHELQACHISQ

¹⁵ Ama suwankichu.

Éxodo 20:15 Referans Kwoze

Romanos 13:9

Chay kamachisqaqa ajinata nin: Ama khuchichakuspa qhenchachakunkichu. Ama runata wañuchinkichu. Ama suwakunkichu. Amallataj wajpa kapuyninta munapayankichu, nispa. Chaywanpis chay kamachisqakuna jinataj waj kamachisqakunapis, Diospa kay kamachisqanta ruwaspa junt'anchej: Runa masiykita munakunki qan kikiykita jina, nisqa kamachisqata.

Efesios 4:28

Pichus suwakojqa amaña suwachunchu, manachayqa allin kajta ruwaspa, kawsananpaj ganakuchun. Ajinata ruwajtin, qolqeyoj kanqa pisichikojta yanapariyta atinanpaj.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

San Mateo 19:18

Chantá chay runa taporqa: Mayqen kamachisqakunatataj junt'anay tiyanri? nispa. Jesustaj kuticherqa: Ama runata wañuchinkichu, ama khuchichakuspa qhenchachakunkichu, ama suwankichu, ama llulla testigomantapis sayankichu.

1 Corintios 6:10

Jinallataj Diospa kamachiyninman mana yaykonqankuchu suwajkuna, mich'a kajkuna, machajkuna, maldicejkuna, chantá q'otiyajkuna ima.

San Juan 12:6

Judas chayta nisharqa, mana wajchakunata khuyaspachu. Manachayqa pay Jesuspa yachachisqankunaj qolqe wayaqankuta jap'erqa, chayman churasqankutataj suwaj.

Proverbios 11:1

Tata Diosqa suwa pesakunata chejnikun, cabal pesakunamantarí kusikun.

Deuteronomio 24:7

Sichus mayqellanpis llajta masinta suwaspa, wata runa kananpaj, chayrí vendenanpaj apanman, jap'ichikunmantaj chayqa, chay runa suwataqa wañuchinkichej. Ajinata ruwaspa, chay jina millay ruwanata qankuna ukhumanta chinkachinkichej.

1 Tesalonicenses 4:6

Ama pipis kaykunata ruwaspa Diosta qhatikoj masinpa contranta imatapis ruwachunchu, nillataj q'otiyachunchu, imaraykuchus Tukuyta Kamachej Jesusqa chayta ruwajkunata sinch'ita jasut'enqa. Chaymanta qankunata mayta k'amerqaykuña.

San Mateo 21:13

Paytaj nerqa: Diospa Qhelqachisqanpi nin: Waseyqa noqawan parlarikuna wasimin. Chaywanpis qankunaqa suwa thapaman tukuchisqankichej, nispa.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Éxodo 21:16

Sichus pipis runa masinta suwaspa vendenman, chayrí sichus suwasqa runa makillanpiraj kashanman chayqa, chay runa suwa wañuchisqa kanqa.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

Deuteronomio 5:19

Ama suwankichu.