Éxodo 18:1 - DIOSPA QHELQACHISQAN DEUTEROCANONICAL

¹ Madianmanta sacerdote Jetroqa Moisespa suegron karqa, paytaj uyarisqa Dios imatachus Moisesnejta israelitakunapaj ruwasqanta. Chantá uyarillasqataj israelitakunata Tata Dios imaynatachus Egiptomanta orqhomusqanta.

Qheshwa Biblia DC

¹ Jetro, Madianmanta sacerdote, Moisespa warmimpa tatan yacharqa Dios imastachus ruwasqanta Moisesnejta ayllusnin israelitaspaj. Chanta yachallarqataj Señorqa israelitasta Egiptomanta orqhomusqanta.

DIOSPA QHELQACHISQ

¹ Madianmanta sacerdote Jetroqa Moisespa suegron karqa, paytaj uyarisqa Dios imatachus Moisesnejta israelitakunapaj ruwasqanta. Chantá uyarillasqataj israelitakunata Tata Dios imaynatachus Egiptomanta orqhomusqanta.

Éxodo 18:1 Referans Kwoze

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 2:16

Chaypi tiyashajtin, Madianmanta sacerdote Reuelpa qanchis ususinkuna jamorqanku, yakuta bateaman orqhospa, tatankoj ovejankunata ujyachinankupaj.

Hechos 14:27

Chantá Antioquiaman chayaytawan, Pablowan Bernabewan ima iglesiata tantaykuspa, willarqanku imaynatachus Dios tukuy imapi paykunata yanapasqanta. Willallarqankutaj imaynatachus Dios mana judío kajkunapajpis punkuta kicharisqanta, paykunapis Jesuspi atinikunankupaj.

Zacarías 8:23

Chay p'unchaypi waj llajtakunamanta chunka runakuna uj judíoj p'achanmanta jap'iykukuspa, nenqanku: Qankunawan riyta munayku, imaraykuchus uyariyku qankunawan Dios kasqanta, nispa.

Salmos 106:2

Pitaj Tata Diospa tukuy jatuchaj ruwasqanmanta parlayta atinmanri? Pitaj payta jatunchanman, jatunchanapaj kasqanman jinari?

Salmos 105:43

Ajinata Diosqa ajllakusqan ayllunta Egiptomanta orqhorqa, ajllakusqankunataj mayta kusikorqanku.

Salmos 78:4

Chaykunataqa wawanchejkunamanta mana pakasunchu, manachayqa qhepata jamojkunaman Tata Diospa jatun atiyninmanta willasunchej, jatuchaj t'ukuna ruwasqanmantawan.

Salmos 44:1

1 (2) Diosníy, noqayku uyarerqayku, tataykupis willallawarqaykutaj, unay paykuna kawsashajtinku, t'ukunata ruwasqaykimanta.

Salmos 34:2

2 (3) Noqaqa Tata Diosta tukuy kayniywan yupaychasaj. Llamp'u sonqoyoj runakuna, chayta uyarispa, kusikuychej.

Josué 9:9

Paykunataj kuticherqanku: Noqaykoqa manchay karumanta jamuyku, imajtinchus Tata Diosniykichej manchay uyarisqa kasqanta uyariyku, yachaykutaj Egiptopi imatachus ruwasqanta.

Josué 2:10

Noqayku uyariyku, Egiptomanta llojsimushajtiykichej, Puka Mama Qochapi yakuta Tata Dios ch'akichisqanta, chayninta qankuna chimpanaykichejpaj. Yachallaykutaj qankunaqa amorreo runakunaj iskaynin kuraj kamachejninkuta, Sijonta chantá Ogtawan atipaspa chinkarparichisqaykichejta. Paykunaqa Jordán mayu chimpapi karqanku.

Romanos 15:18

Chaywanpis imatachus Cristo noqanejta ruwarqa, chayllamanta parlasaj. Cristoqa paymanta willasqaywan, ruwasqaywantaj mana judío kajkunata Diosman pusarqa payta kasunankupaj.

Hechos 15:12

Chantá Pedroj nisqanta uyariytawan, tukuyninku ch'inyakorqanku, uyarinankupaj Bernabewan Pablowan imatachus willanankuta. Paykunataj willarqanku imaynatachus Dios paykunanejta runaj mana jayk'aj rikusqanta, may t'ukuna imakunata ima ruwasqanta mana judío kajkuna ukhupi.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Salmos 105:5

T'ukuna ruwasqanmanta tukuy yuyarikuychej, tukuy kamachisqanta sut'inchasqanmantapis.

Jueces 4:11

Cedes qayllapi, Sanayin encina sach'a chaynejpi, tiyakusharqa quenita Jeberqa. Quenitakunaqa Moisespa suegron Hobabpa mirayninmanta karqanku. Kay Jeberrí chay waj quenitakunamanta t'aqakuspa, paywan, wasi ayllunwan imalla chaypi tiyakusharqanku.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Éxodo 4:18

Chantá Moisés chaymanta ripuspa, suegron Jetrojpaman kuterqa, nerqataj: Noqaqa Egiptoman wawqeykunata watukoj risaj, kawsakushankurajchus manachus, chayta yachaj, nispa. Jetrotaj nerqa: Jina kajtenqa, rillay ari, allillantaj risuchun, nispa.

Éxodo 2:21

Jinamanta Moisesqa Reuelwan tiyakorqa. Qhepamantaj Reuelqa ususin Seforawan Moisesta casaraykucherqa.

Éxodo 2:18

Chantá sipaskuna wasinkuman chayapojtinku, tatanku Reuel taporqa: Imajtintaj kunan usqhayllata kutimunkichejri? nispa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Jueces 1:16

Quenita nisqa runakunaqa Moisespa suegronpa mirayninmanta kasqanku. Paykunaqa llojserqanku Judá jatun aylluwan khuska Palmeras llajtamanta, rerqankutaj Judáj ch'innejman, Neguevpi Aradmanta aswan uranejman. Chaypitaj amalecitakunawan tiyakaporqanku.