Éxodo 15:11 - DIOSPA QHELQACHISQAN DEUTEROCANONICAL

¹¹ Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Qheshwa Biblia DC

¹¹ Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

DIOSPA QHELQACHISQ

¹¹ Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 15:11 Referans Kwoze

1 Reyes 8:23

Israelpa Tata Diosnin, mana qan jina Diosqa janaj pachapi kanchu, nitaj kay pachapipis. Qanqa tratoykita junt'anki, khuyakuyniykitapis kamachiykunaman rikuchinki, qanta tukuy sonqo kasuspa purejkunaman.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.

2 Samuel 7:22

Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Salmos 86:8

Tukuyta Kamachej Diosníy, qan jina diosqa mana waj kanchu, ruwasqaykita jinaqa mana pipis ruwanmanchu.

Salmos 77:14

14 (15) Qanmin t'ukunata ruwaj Dios kanki, tukuy runamantaj atiyniykita rejsicherqanki.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Isaías 40:25

May Llimphu Kaj Dios tapurin: Piwantaj rijch'anachiwankichejmanri? Pitaj noqa jina kanmanri? nispa.

Deuteronomio 33:26

Jesurunpa Diosnin jinaqa mana pipis kanchu. Payqa Israel ayllunta yanapananpaj janajpi phuyu chawpipi may jina atiyninwan purin.

Salmos 77:19

19 (20) Mama qochapi ñanta kicharerqanki, ashkha yaku chawpitataj ñanta jina pasarqanki, nitaj pipis sarusqaykita rikorqachu.

Isaías 40:18

Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Salmos 35:10

Tukuy sonqo nisaj: Tata Dios, pitaj qan jinari? Qanqa wajchakunata, llakichisqa kajkunata ima paykunamanta aswan atiyniyojkunamanta kacharichinki, nispa.

Éxodo 8:10

10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Salmos 66:5

Diospa ruwasqanta rikunaykichejpaj jamuychej, runakunapaj chay jina sumaj ruwasqanta.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Salmos 145:17

Tata Dios tukuy imata cheqanta ruwan, chay ruwasqantaj k'acha sonqowan ruwasqa.

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

San Lucas 12:5

Noqarí pitachus manchachikunaykichejta nisqaykichej: Pichus runata wañuchiytawankama, atiyniyoj kashan nina lawrayman wijch'unanpaj, paytamin manchachikuychej.

Salmos 90:11

Pitaj k'araj phiñakuyniykita rejsinri? Pitaj yachan phiñakuyniyki may jinachus kasqantari?

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Isaías 30:11

Ñanmanta t'aqakuychej, cheqan chaki ñantataj saqeychej. Israelpa May Llimphu Kaj Diosninwan amaña uyapurachiwaykuchu, nispa ninku paykunaqa.

Salmos 89:18

18 (19) Tata Diosqa jark'akuwajninchej. Israelpa Llimphu Kaj Diosnin, qan kuraj kamachejniyku kanki.

Apocalipsis 13:4

Runakunataj puka sierpeta yupaycharqanku, mayqenchus mama qochamanta llojsimoj chay waj sierpeman atiyta qorqa, chayta. Jinallataj chay waj sierpetapis yupaychaspa, nerqanku: Pitaj kay waj sierpe jina kanmanri? Pitaj paywan maqanakuyta atinmanri? nispa.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 9:14

Manachus kacharinki chayqa, kunan sinch'i ñak'ariyta tukuy Egiptoman kachaykamusaj qanpa contraykita, yanapajniykikunaj, chantá runaykikunaj contrankuta ima. Ajinamanta yachanki tukuy kay pachapi noqa jina mana waj dios kasqanta.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Éxodo 20:3

Noqamanta jawa ama waj dioskuna kapusuchunchu.

2 Crónicas 2:5

5 (4) Templo ruwasqayqa jatunmin kanqa, imaraykuchus Diosniykoqa tukuy dioskunamanta aswan atiyniyojmin.

2 Crónicas 6:14

Israelpa Tata Diosnin, mana qan jina waj Dios kanchu janaj pachapi, nitaj kay pachapipis. Qanqa tratota ruwasqaykita junt'anki, tukuy sonqowan kasusojkunatataj khuyanki.

Salmos 22:23

23 (24) Qankuna, Tata Diosta maypaj qhawajkuna, payta jatunchaychej. Jacobpa mirayninmanta kajkuna, payta yupaychaychej. Israelmanta tukuy mirajkuna, payta yupaychaychej,

Salmos 113:5

Tata Diosninchej jinaqa mana pipis kanchu, pichus janaj pachapi tiyaykuspa kamachishan, chay jina.

Salmos 136:4

Uj k'ata t'ukuna imakunata ruwajman pachis niychej, imaraykuchus munakuynenqa wiñay wiñaypajmin.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Éxodo 8:6

6 (2) Chantá Aaronqa Egiptopi tukuy yakuman varanta oqharerqa. Jinajtinkamataj, k'aylankulakunaqa yakumanta llojsiykamuspa, tukuynin Egipto suyuman junt'aykorqanku.

Deuteronomio 1:30

Tata Diosniykichej ñawpaqeykichejta rishan, paymin qankunarayku maqanakonqa, imaynatachus qankunarayku Egiptopi maqanakorqa, ajinata.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

1 Crónicas 16:25

Tata Diosqa may jatunmin, mayta yupaychanapaj jinapuni. Payqa tukuy dioskunamanta aswan manchachikunapaj jina.

Salmos 60:2

2 (4) Qanqa jallp'ata kharkatichispa lajracherqanki. Kunantajrí chay lajrasqata junt'achiy ari, imaraykuchus salliykukushanña.

Salmos 77:11

11 (12) Aswanpis tukuy sumaj ruwasqanmanta yuyarikusaj. Ñawpa tiempopi Tata Diospa t'ukuna imakunata ruwasqanmanta yuyarikusaj.

Salmos 86:10

Ajinata ruwanqanku, imaraykuchus qanllamin atiyniyoj Dios kanki, manchayta t'ukuna imakunatataj ruwanki.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.