Éxodo 14:8 - DIOSPA QHELQACHISQAN DEUTEROCANONICAL

⁸ Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Qheshwa Biblia DC

⁸ Egipto rey faraompa sonqonta Señorqa rumiyacherqa, israelitasta qhatirinampaj, mana kasuspa israelitasqa chay jina atiywan llojsishajtinku.

DIOSPA QHELQACHISQ

⁸ Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 14:8 Referans Kwoze

Hechos 13:17

Israelitakunaj Diosnenqa ñawpa tatanchejkunata ajllarqa. Chantá Egiptopi waj llajtayoj jina tiyakushajtinku, Dios paykunata ashkhayacherqa. Chaymantataj jatun atiyninwan Egiptomanta paykunata orqhorqa.

Números 33:3

Israelitakunaqa wata qallariy killata, chunka phishqayoj p'unchay kashajtin, Ramesés llajtamanta llojserqanku. Pascua raymita ruwasqankumanta, chay q'ayantin purirerqanku. Chaypacha paykunaqa manchay wapulla, tukuy Egipto llajtayojkunaj rikunankuta llojserqanku.

Deuteronomio 26:8

Ajinata Tata Diosniykoqa jatun atiyninta rikuchispa, Egiptomanta orqhomuwarqayku, runaj mana jayk'aj rikusqan t'ukuna imakunata ruwaspa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 13:16

Chayrayku kay raymi ruwasqanchejqa makinchejpi, frentenchejpi ima k'illpasqa jina señal kanqa. Chay raymi kanqa yuyarikunanchejpaj Tata Dios may jina atiyninwan Egiptomanta orqhomuwasqanchejmanta, nispa. Ajinata Moisés Pascua raymimanta israelitakunaman yachacherqa.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Salmos 86:13

imaraykuchus munakuyniykeqa noqapaj may jina. Qanqa jallp'aj sonqonman urmanaymanta kacharichiwarqanki.

Deuteronomio 32:27

Noqarí awqankukuna asikuspa kanankuta mana munarqanichu, nillataj wapuykachaspa ninankuta: Mana Tata Dioschu chayta ruwarqa, noqanchejmin atiyninchejwan ruwarqanchej, nispa.

Éxodo 13:18

Chayrayku Diosqa israelitakunata ch'innejta muyurichimorqa, Puka Mama Qochaman rej ñannejta. Israelitakunataj Egiptomanta sumaj wakichisqa llojserqanku.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Éxodo 10:27

Tata Diosrí ujtawan faraonpa sonqonta rumiyachillarqataj, israelitakunata ama kacharipuyta munananpaj.

Éxodo 14:7

Jinallataj sojta pachaj ajllasqa carretakunatapis apallarqataj, Egiptomanta tukuy waj carretakunatawan ima, sapa carretataj capitanniyoj karqa.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.

Éxodo 15:9

Awqaykoqa nerqa: Jap'inaykama israelitakunata qhatiykusaj. Sajsakunaykama qhechusqayta rak'irasaj. Espadayta sik'ikuspa, paykunata tukuchisaj, nispa.

Lamentaciones 3:65

Sonqonkuta astawan rumiyachiy, maldicisqaykipis paykunaman chayachun.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Jueces 4:7

Noqa kachamusaj Jabinpa soldadonkunata kamachej Sisarata, soldadonkunatawan, carretakunatawan ima Cisón wayq'okama qankunawan maqanakunankupaj. Noqataj yanapasqaykichej chaypi paykunata atipanaykichejpaj. Ajinata Tata Diosqa Deboranejta Baracta kamacherqa.

Salmos 105:43

Ajinata Diosqa ajllakusqan ayllunta Egiptomanta orqhorqa, ajllakusqankunataj mayta kusikorqanku.