Éxodo 13:9 - DIOSPA QHELQACHISQAN DEUTEROCANONICAL

⁹ Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Qheshwa Biblia DC

⁹ Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

DIOSPA QHELQACHISQ

⁹ Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 13:9 Referans Kwoze

Deuteronomio 6:8

Kay kamachisqaykunataqa makiykipi chantá frenteykipi ima wataykukuspa, señalta jina apaykachanki.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Éxodo 13:16

Chayrayku kay raymi ruwasqanchejqa makinchejpi, frentenchejpi ima k'illpasqa jina señal kanqa. Chay raymi kanqa yuyarikunanchejpaj Tata Dios may jina atiyninwan Egiptomanta orqhomuwasqanchejmanta, nispa. Ajinata Moisés Pascua raymimanta israelitakunaman yachacherqa.

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Romanos 10:8

Aswanpis Moisés nin: Diospa willayninmanta yachankiña. Chaymanta parlanki, sonqoykipitaj jap'ikunki, nispa. Noqaykutaj chay willaytamin qankunaman rejsichiyku: Jesucristopi atinikuna tiyan, nispa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

Deuteronomio 30:14

Mana jinata ninaykichejpaj kanchu, imajtinchus kamachisqakunaqa qankunawan kashan, simiykichejpi, sonqoykichejpi ima junt'ayta atinaykipaj jina.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Jeremías 22:24

Joacinpa churin Judata kuraj kamachej Coniasman Tata Dios nin: Sutiyrayku tiluni: Paña makiypi uj sellana anillo jina kashajtiykipis, noqaqa chaymantapis orqhospa, wijch'uykiman.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Isaías 49:16

Noqaqa sutiykita makiyman qhelqani ama qonqasunaypaj. Muyuyniykipi kaj perqaykitapis qhawashanipuni.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Proverbios 3:21

Wawáy, yachayniyoj kaymanta, allinta yuyaychakuspa ruwanamanta ima ama qonqapuychu.

Proverbios 1:9

Chay yachayqa umaykipi t'ikamanta pillu jina kanqa, kunkaykipitaj k'achitu walqa jina.

Salmos 89:13

13 (14) Makiykeqa sinch'i atiyniyojmin, paña makiykitaj atipananpaj kallpayojmin.

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Deuteronomio 6:6

Kunan kay tukuy kamachisqayta sumajta sonqoykipi jap'iy.

TAKIYKUNA 8:6

Sonqoykipi sellowan jina churaykuway, makiykipi anillota jina. Munakoyqa wañuy jina atiyniyojmin, wañuy jina mana kutimuyniyoj. Munakoyqa nina jina k'ajarin, sinch'i nina lawray jina.

Proverbios 7:23

Chaymantaqa uj flecha sonqonta t'ojsirparin, imaynatachus p'isqo sipitawan jap'ichikoj usqhayta rin, mana yachaspa chaypi wañunan kasqanta, ajinata.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 7:4

Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Éxodo 13:14

Qhepanejman sichus wawaykichej tapusunkichej: Imaraykutaj kayta ruwashanchejri? nispa chayqa, ninkichej: Tata Diosmin Egiptopi wata runa kashajtiyku, may jina atiyniywan orqhomuwarqayku.

Salmos 136:12

Payqa Egiptopi atiyniyoj kasqanta rikucherqa, imaraykuchus munakuynenqa wiñay wiñaypajmin.

Isaías 44:5

Chaypachataj nenqanku: Noqaqa Tata Diospata kani, nispa. Ujtaj nenqa: Noqaqa Jacobpa mirayninmanta kani, nispa. Ujkunataj makinkupi qhelqakonqanku: Noqaqa Tata Diospata kani, nispa. Israel sutiwantaj sutichakonqanku, nispa.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Deuteronomio 5:15

Qanqa Egiptopi wata runa kasqaykita yuyarikuy. Tata Diosniyki may jatun atiyninwan chaymanta orqhomusorqa. Chayrayku Tata Diosniyki kamachisunki, samarina p'unchaypi samarinaykita.

Deuteronomio 6:21

Chaypacha qankuna ninkichej: Noqaykoqa Egiptopi faraonpata wata runan karqayku, chaymanta Tata Diosqa jatun atiyninwan orqhomuwarqayku.

Jueces 2:12

Paykunaqa karunchakorqanku ñawpa tatankoj yupaychasqanku Tata Diosmanta, pichus Egiptomanta paykunata orqhomusqa, chaymanta. Israelitakunaqa Canaán jallp'api tiyakojkunaj diosninkuta yupaychayta qallarerqanku, Tata Diosta sinch'ita phiñachispa.

Salmos 136:11

Jinallataj Egiptomanta israelitakunata orqhojman pachis niychej, imaraykuchus munakuynenqa wiñay wiñaypajmin.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.