Éxodo 12:21 - DIOSPA QHELQACHISQAN DEUTEROCANONICAL

²¹ Chantá Moisesqa israelitakunamanta tukuy kurajkunata tantachispa, nerqa: Rispa, sapa wasi ayllupaj uj watayoj corderota, chayrí watayoj chivituta jap'ispa, Pascua raymita ruwanaykichejpaj ñak'ankichej.

Qheshwa Biblia DC

²¹ Chaymantaqa Moisés tantacherqa tukuy kurajkuna israelitasta, nerqataj: Rispa ajllamuychej watayoj corderota chayri watayoj cabritota sapa uj familiasniykichejpaj, chaytataj ñak'ankichej Pascuata ruwaspa mikhunaykichejpaj.

DIOSPA QHELQACHISQ

²¹ Chantá Moisesqa israelitakunamanta tukuy kurajkunata tantachispa, nerqa: Rispa, sapa wasi ayllupaj uj watayoj corderota, chayrí watayoj chivituta jap'ispa, Pascua raymita ruwanaykichejpaj ñak'ankichej.

Éxodo 12:21 Referans Kwoze

Éxodo 12:3

Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

Esdras 6:20

Sacerdotekuna, chantá, levitakuna imaqa mayllakusqankurayku tukuyninku Diospa ñawpaqenpi llimphupaj qhawasqaña karqanku. Chaymanta Pascua raymipi jaywana kajta jaywarqanku, waj suyuman apasqa kasqankumanta kutimpusqanku, chay tukuyninkurayku, sacerdotekunarayku, jinallataj paykuna kikinkuraykupis.

2 Reyes 23:21

Chantá kuraj kamachej Josías tukuy israelitakunata kamacherqa: Tata Diosniykichejpa sutinpi Pascua raymita ruwaychej, kay trato ruwasqa qhelqapi nisqanman jina, nispa.

Josué 5:10

Israelitakunaqa Gilgalpi jarakorqanku, chantá chay killapi chunka tawayoj p'unchay ch'isiyaytataj, Jericó pampapi Pascua raymita ruwarqanku.

Números 11:16

Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta.

Éxodo 19:7

Chaymanta urayk'uspa, Moisés tukuy kurajkunata tantachispa, paykunaman Tata Dios imatachus nisqanta willarqa.

Éxodo 17:5

Chantá Tata Diosqa Moisesta nerqa: Israelitakunamanta ñawpaykuy, pusaytaj paykunamanta wakin kurajkunata. Nilo mayuta wajtarqanki, chay varaykitapis apallankitaj.

Éxodo 12:11

Qankuna corderota kay jinata mikhunkichej: Puririnaykichejpaj p'achallisqa, juk'uta churaykusqa, tojnuykichej jap'irisqa mikhunkichej. Chantapis usqhayllata mikhunkichej, imaraykuchus kayqa Tata Diospa Pascuanmin.

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

1 Corintios 10:4

Jinallataj tukuyninku Diospa qosqan yakuta ujyarqanku. Chaytaj paykunawan khuska purej chhankamanta phullchimusqa, chay chhankataj Cristo karqa.

Hebreos 11:28

Chaymanta qhepaman Moisesqa Diospi atinikusqanrayku Pascua raymita ruwarqa, kamacherqataj israelitakuna wasinkoj punkunkuta yawarwan ch'ajchunankuta, wañuchej ángel kuraj kaj churinkuta ama wañurachinanpaj.

Éxodo 12:20

Chayrayku levadurayojta amapuni imatapis mikhunkichejchu. Maypi tiyakushaspapis, mana levadurayoj t'antata mikhunkichej, nispa. Ajinata Tata Dios Moisesta nerqa.