Éxodo 11:4 - DIOSPA QHELQACHISQAN DEUTEROCANONICAL

⁴ Chantá Moisés faraonta nerqa: Tata Dios ajinatamin nin: Chawpi tutata jamuspa, tukuynin Egipto suyuta pasasaj.

Qheshwa Biblia DC

⁴ Moisesqa nerqa: Ajinatamin nin Señorqa: Chaupi tutata jamusaj tukuynin Egiptonta pasaj.

DIOSPA QHELQACHISQ

⁴ Chantá Moisés faraonta nerqa: Tata Dios ajinatamin nin: Chawpi tutata jamuspa, tukuynin Egipto suyuta pasasaj.

Éxodo 11:4 Referans Kwoze

Éxodo 12:29

Jinapi chawpi tutata Tata Diosqa Egipto llajtayojkunaj tukuy kuraj kaj churinkunata wañuracherqa. Wañucherqa faraonpa kuraj kaj churin, pichus kamachinan tiyanapi tiyaykunan karqa, chaymanta, carcelpi wisq'asqa kasharqa, chaypa kuraj kaj churinkama. Jinallataj tukuy uywakunaj phiwi uñantapis wañuchillarqataj.

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Salmos 60:10

10 (12) Qan, Diosniyku, noqaykumanta karunchakunki, manañataj soldadoykunaj ñawpaqenta maqanakoj llojsinkichu.

Job 34:20

Runakunaqa uj ñawi ch'irmiyllapi wañunku. Chawpi tuta kashajtin, paykuna mayta ch'ajwanku, chantá chinkapunku. Atiyniyoj runapis ni pej imanasqallan chinkachisqa rikhurin.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

San Mateo 25:6

Chawpi tutata jina uj qhapariy uyarikusqa: Casarakoj chayamushanña, taripamuychej ari, nispa.

Miqueas 2:13

Kamachejninku ñanta kichaspa, ñawpaqenkuta renqa, paykunataj payta qhatispa, llajta punkunta llojsenqanku. Noqa Tata Diosmin kuraj kamachejninku kaspa, ñawpaqenkuta risaj, nispa.

Amós 5:17

Tukuy uva huertakunapipis waqanqanku, maypachachus noqa jasut'ej jamusaj, chaypacha. Noqa Tata Diosmin ajinata nini.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

2 Samuel 5:24

Maypachachus uyarinki sach'akuna patapi runapis purishanman jina, chaypacha maqanakoj yaykunki, imaraykuchus chay niyta munan noqa Tata Dios ñawpaqeykita rishasqayta filisteokunaj soldadonkunata wañurachispa, nispa.

Éxodo 12:23

imaraykuchus Tata Diosqa Egipto llajtayojkunaj kuraj kaj churinkunata wañuchispa pasanqa. May punkutachari yawarwan jawisqata rikonqa, chaytaqa pasallanqa. Ajinata Tata Diosqa wañuchej angelta wasiykichejman yaykojta mana saqenqachu chaypi pitapis wañuchinanpaj.

Salmos 81:5

5 (6) Diosqa Joseman chay kamachisqata qorqa, maypachachus pay Egiptoj contranta llojserqa, chaypacha.