Éxodo 11:3 - DIOSPA QHELQACHISQAN DEUTEROCANONICAL

³ Tata Dios ruwarqa Egipto llajtayojkuna israelitakunapaj manchay k'acha kanankuta. Chantapis faraonta yanapajkuna Moisesta manchay respetowan qhawarqanku, jinallataj tukuy Egiptopi runakunapis.

Qheshwa Biblia DC

³ Señorqa may k'achasman tukucherqa egipciosta israelitaspa ñaupaqempi. Chantapis faraompa kamachisnin Moisesta qhawarqanku may yachayniyoj runapaj, jinallatataj tukuynin Egiptopi kaj runaspis yuyarqanku.

DIOSPA QHELQACHISQ

³ Tata Dios ruwarqa Egipto llajtayojkuna israelitakunapaj manchay k'acha kanankuta. Chantapis faraonta yanapajkuna Moisesta manchay respetowan qhawarqanku, jinallataj tukuy Egiptopi runakunapis.

Éxodo 11:3 Referans Kwoze

Éxodo 12:36

Tata Diostaj ruwarqa Egipto llajtayojkuna israelitakunapaj manchay k'acha kanankuta. Chayrayku israelitakuna imatachá mañakusqankuta egipciokuna qorqanku. Ajinata israelitakunaqa Egipto llajtayojkunata mana imayojta saqerparerqanku.

Éxodo 3:21

Noqataj Egipto llajtayojkunaj sonqonkuta llamp'uyachisaj, israelitakunawan k'acha kanankupaj. Ajinata Egiptomanta llojsishaspa, tukuy imayoj ripunkichej.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.

Isaías 60:14

Chaypachallataj ñak'arichisojkunaj wawankoqa ñawpaqeykipi k'umuykonqanku, pisipaj qhawasojkunapis chakiykiman k'umuykamullanqankutaj. Paykuna sutichasonqanku “Tata Diospa Llajtan”, “Israelpa May Llimphu Kaj Diosninpa Sión Llajtan”, nispa.

Salmos 106:46

Pikunachus paykunata presochajkunatapis Tata Dios paykunamanta khuyapayacherqa.

Génesis 39:21

José carcelpi kashajtinpis, Tata Dios paywanpuni karqa, khuyakuspataj, tukuy imapi payta yanaparqa. Chayrayku Joseqa carcelta qhawaj kamachejwanñataj munachikorqa.

Hechos 7:22

Ajinamanta Moisesqa Egipto llajtayojkunaj yachasqankupi yachachisqa karqa. Chayraykutaj Moisesqa may yachaywan parlasqanpi, ruwasqanpi ima respetasqa karqa.

Ester (hebreo) 9:4

Mardoqueoqa kuraj kamachejpa kamachinan wasipi manchay uyarisqa runa karqa. Chay uyarisqa kasqanqa tukuy llajtaman chayarqa, sapa p'unchaytaj Mardoqueo aswan atiyniyojman tukusharqa.

2 Samuel 7:9

Tukuy puriyniykipi qanllawanpuni karqani, awqaykikunata tukuchispa. Sumaj uyarisqa runaman tukuchiyki kay pachapi may uyarisqa runakunata jina.

Deuteronomio 34:11

Nillataj Moisés jina, runaj mana jayk'aj rikusqan t'ukuna imakunata ruwaj karqachu. Tata Diosqa Moisesta Egipto suyuta kamachej faraonpa contranta, yanapajninkunaj contranta, chantá tukuy Egipto suyoj contranta ima t'ukuna imakunata ruwananpaj kamachisqa.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Éxodo 12:35

Chantapis Moisespa nisqanman jina, israelitakuna Egipto llajtayojkunamanta mañakorqanku qolqe metalmanta ruwasqa, chantá qorimanta ruwasqa imakunata ima, jinataj p'achatawan.

Deuteronomio 34:10

Chaymantaqa manaña jayk'ajpis Israelpi, Moisés jina ujwan Diosmanta sut'inchaj karqachu. Nillataj pay jina Tata Dioswan uyapura parlajqa karqañachu.

Josué 4:14

Chay p'unchay Tata Dios Josueta israelitakunaj rikunankuta jatun respetowan qhawanaman tukucherqa. Israelitakunataj Josueta wañupunankama manchay respetowan qhawarqanku, imaynatachus Moisesta jatunpaj qhawarqanku, ajinata.