Efesios 6:6 - DIOSPA QHELQACHISQAN DEUTEROCANONICAL

⁶ Ama paykuna qhawashajtillankuchu ruwaj ruwaj tukuychej, imaynatachus wakin ruwanku, ajinataqa. Manachayqa Cristoj wata runan jina, Diospa munasqanta tukuy sonqo ruwaychej.

Qheshwa Biblia DC

⁶ Ama paykunaj qhawaynillankupeqa sirviychejchu, imaynatachus wakenqa runaj rikunallanta ruwanku allin qhawasqa kayta munaspa ajinaqa. Manachayqa Cristoj kamachisnin jina, tukuy sonqowan Diospa munayninta ruwaychej.

DIOSPA QHELQACHISQ

⁶ Ama paykuna qhawashajtillankuchu ruwaj ruwaj tukuychej, imaynatachus wakin ruwanku, ajinataqa. Manachayqa Cristoj wata runan jina, Diospa munasqanta tukuy sonqo ruwaychej.

Quechua South Bolivia: Dios Parlapawanchej

⁶ Amataj runa ricunanpajjinallaka ruwaychejchu. Manachayrí Cristoj camachisninjina Diospa munayninta c'acha yuyaywan ruwaychej.

Efesios 6:6 Referans Kwoze

1 Tesalonicenses 2:4

Aswanpis Diosqa noqaykuta allinpaj qhawaspa Jesusmanta sumaj willayta willanaykuta kamachiwarqayku, chayraykutaj chayta ruwayku. Mana runamanchu allin rijch'ayta munayku, manachayqa Diosman, pichus sonqoykuta rejsin, chayman.

Gálatas 1:10

Noqaqa mana runaman allin rijch'aytachu mask'ashani, manachayqa Diosman allin rijch'ayta. Sichus noqa runaman allin rijch'ayta munayman chayqa, mana Cristoj kamachinchu kayman.

Efesios 5:17

Chayrayku ama mana yuyayniyojkuna jina ruwaychejchu, manachayqa Tukuyta Kamachej Jesuspa munasqan imachus kasqanta yachanaykichejpaj atisqaykichejta ruwaychej.

1 Pedro 4:2

Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

San Mateo 7:21

Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

1 Juan 2:17

Kay pachapi mana allin kajqa tukukapushan, jinallataj mana allinta kajta munanapis. Diospa munayninta ruwajrí, wiñaypaj kawsanqa.

Romanos 6:17

Ñawpajta juchaj wata runan karqankichej. Kunantajrí, Diosta pachis ninachej, imaraykuchus tukuy sonqowan imatachus yachachisqaykuta kasukushankichej.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

1 Pedro 2:15

Diosqa qankuna allin kajta ruwanaykichejta munan, ajinamanta mana yuyayniyoj nitaj mana imata yachaj runakunaj thawtisqankuta ch'inyachinaykichejpaj.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

1 Tesalonicenses 4:3

Dios munan, qankuna juchamanta t'aqasqa kajkuna jina allinta purinaykichejta. Munallantaj khuchichakuspa purinamanta karunchakunaykichejta.

Marcos 3:35

Pichus Diospa munayninta ruwan, chaymá wawqeyqa, panaypis, mamaypis, nispa.

1 Corintios 7:22

Sichus pipis wata runa kashaspa Tukuyta Kamachej Cristota qhatinanpaj wajyasqa karqa chayqa, kunanqa Tukuyta Kamachej Cristota kasunanpaj kacharichisqaña. Jinallataj sichus pipis kacharisqa kashaspa wajyasqa karqa chayqa, kunanqa Cristoj wata runanña.