Efesios 6:12 - DIOSPA QHELQACHISQAN DEUTEROCANONICAL

¹² Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Qheshwa Biblia DC

¹² Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

DIOSPA QHELQACHISQ

¹² Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Quechua South Bolivia: Dios Parlapawanchej

¹² Nokanchejka mana runaswanchu makanacunchej, manachayrí mana ricunaswan: Camachejcunawan, atiyniyojcunawan, cay lakha pacha sajra atiyniyojcunawan. Mana ricuna wayrapi atiyniyoj sajracunawan makanacunchej.

Efesios 6:12 Referans Kwoze

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Colosenses 2:15

Ajinata ruwaspa, supaykunaj kamachiyninkuta, atiyninkuta ima qhechorqa. Ajinamantataj paykunata Cristonejta cruzpi atipaspa, tukuypa rikunanta p'enqaypi rikhuricherqa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Efesios 1:21

Tata Diosqa Cristota churarqa tukuy kurajkunaj, atiyniyojkunaj, kallpayojkunaj, chantá kamachejkunaj patankuman ima. Jinallataj Cristoj sutin tukuy rejsisqa sutimantapis aswan jatunchasqa kananpaj churallarqataj mana kunallanchu, manachayqa jamoj p'unchaykunapipis.

Romanos 8:38

Noqa sut'ita yachani mana imapis Dios munakuwasqanchejmanta t'aqanawanchejta: Ni wañuy, ni kawsaypis, ni angelkuna, ni kurajkuna, nitaj atiyniyojkunapis, ni kaypi kaj, ni jamoj kajpis.

Efesios 3:10

Ajinamanta kunanqa janaj pachapi tukuy atiyniyojkuna, jinataj kamachejkuna ima iglesianejta Diospa imaymana yachayninta rejsenqanku.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

1 Corintios 15:50

Wawqe panakuna, kayta niykichej: Kay ukhunchejqa Diospa kamachiyninman mana yaykonqachu, imaraykuchus wañoj ukhunchejqa imachus wiñaypaj kajta mana chayaqeta jina jap'iyta atinchu.

1 Pedro 3:22

Jesucristoqa janaj pachaman ripunña, chaypitaj Diospa pañanpi tiyasqa kashan. Paytaj tukuy angelkunata, kamachejkunata, chantá atiyniyojkunata ima kamachishan.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 16:11

Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

Job 2:2

Chantá Tata Dios payta taporqa: Maymantataj jamushankiri? nispa. Ch'ataykoj angeltaj kuticherqa: Kay pachata muyumusqaymanta jamushani, nispa.

San Lucas 22:53

Sapa p'unchay qankunawan Templopi kashajteyqa, mana jap'iwarqankichejchu. Chaywanpis kunanqa ruwanaykichej phani chayamun, jinallataj laqhayaypa atiynin kallpawan oqharikun, nispa.

San Lucas 13:24

Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

2 Timoteo 2:5

Manallataj pujllaypi tinkojpis pilluta t'inkata jina jap'enqachu, manachus kamachisqaman jina pujllanqa chayqa.

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

Hebreos 12:4

Qankuna juchaj contranta maqanakuspa, manaraj wañunaykichejkamachu sayaykorqankichej.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Marcos 4:19

Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

2 Corintios 11:14

Chaywanpis chaymanta mana t'ukusunmanchu, imaraykuchus Supay Satanaspis k'ancharishaj ángel rijch'akojman tukuriyta yachan.