Efesios 4:16 - DIOSPA QHELQACHISQAN DEUTEROCANONICAL

¹⁶ Cristomin Iglesiamanta tukuy kajkunata sumajta ujchaykun, sapa uj imachus ruwanankuta ruwajtinku. Ajinamanta sapa uj imachus ruwananta junt'ajtin, wajkuna wiñanankupaj yanapan. Jina kajtintaj, tukuy ukhu qhalilla wiñan, munakuywantaj junt'asqa kashan.

Qheshwa Biblia DC

¹⁶ Paynejta tukuy cuerpoqa allin wakichisqa kashan. Pay kikimpi tukuy iman sumaj t'inkisqa ankuswan ujllaman tukunku, yanapanakuspa maychus sapa uj ruwasqanman jina; sayankutaj munakuypi sayachinakuspa.

DIOSPA QHELQACHISQ

¹⁶ Cristomin Iglesiamanta tukuy kajkunata sumajta ujchaykun, sapa uj imachus ruwanankuta ruwajtinku. Ajinamanta sapa uj imachus ruwananta junt'ajtin, wajkuna wiñanankupaj yanapan. Jina kajtintaj, tukuy ukhu qhalilla wiñan, munakuywantaj junt'asqa kashan.

Quechua South Bolivia: Dios Parlapawanchej

¹⁶ Umanchej Cristoman allin c'ascaskataj sumaj casachiskataj cuerponka wiñan ujcuna ujcunanejta. Umaj callpachaskanmanjina waquichiska sapa uj ruwan maychus ruwananta tucuy cuerpon munacuypi wiñacunanpaj.

Efesios 4:16 Referans Kwoze

Colosenses 2:19

Chay runakunaqa Iglesiaj uman Cristoman mana ujchasqachu kanku. Cristoqa tukuy ukhun wiñananpaj imatachus necesitasqanta qon, Diospa wakichisqanman jinataj ukhunmanta kajkunata ankuwan jina t'inkispa ujchan.

San Juan 15:5

Noqa uva sach'a jina kani, qankunataj chay uva sach'aj yuran jina kankichej. Pillapis noqaman ujchasqallapuni kaj, noqataj payman, chaymá ashkhata poqonqa. Chaywanpis sichus qankunamanta pillapis noqamanta t'aqakun chayqa, mana imatapis ruwayta atenqachu.

Colosenses 2:2

Munallanitaj sonqonku kawsarichisqa kananta, munakuypi sumaj ujchasqa kanankupaj. Ajinamanta yachanqanku Diospa pakasqa wakichisqan imachus kasqanta sumajta rejsisqankuta: Chayqa Cristomin.

Efesios 4:12

Paykunaqa Diospaj t'aqasqa kajkunata yachachispa wakichinanku tiyan, Diospa ruwananta ruwayta atinankupaj, ajinamanta Cristoj Iglesian wiñachisqa kananpaj. Iglesiaqa Cristoj ukhunmin.

1 Corintios 13:13

Kunanqa kay kinsa imakunata ruwana tiyan: Diospi atinikuna, Dios nisqanta junt'anantapuni suyana, chantá wajkunata munakuna ima. Chay kinsamanta astawan kurajqa munakuymin.

Efesios 4:15

Manachayqa cheqa kajmanta munakuywan parlasunchej, ajinamanta tukuy imapi Cristoman rijch'akunanchejkama wiñananchejpaj. Cristoqa Iglesia nisqa ukhunpa umanmin.

1 Timoteo 1:5

Kayta kamachiyki munaspa Diosta tukuy qhatikojkunapura tukuy sonqowan munakunaykichejpaj, llimphu sonqowan, chantá Diospi tukuy sonqo atinikuspa ima.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

Filipenses 1:9

Chayrayku Diosmanta mañakuni, munakuyniykichej astawan astawan kananta, jinallataj yachaypi, tukuy imata reparanapi ima wiñanaykichejta.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

1 Pedro 1:22

Kunantaj qankuna cheqa kajta kasusqaykichejrayku llimphuchasqaña kankichej, wawqe panaykichejta tukuy sonqowan munakunaykichejpaj. Chayrayku tukuy sonqo astawan astawan munakuychej.

Efesios 3:7

Chay sumaj willayta willanaypaj noqa churasqa kani, Dios noqawan k'acha kasqanrayku, chantá khuyarikuwasqanrayku. Ajinata ruwaspataj, Dios may jina atiyniyoj kasqanta rejsicherqa.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Gálatas 5:22

Cristota qhatej runapi Santo Espíritoj ruwasqanrí kaykuna kanku: Munakuyniyoj kay, kusikuyniyoj kay, sonqo tiyaykusqa kay, pacienciayoj kay, khuyakuyniyoj kay, k'acha kay, nisqanta junt'aj kay,

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.

2 Tesalonicenses 1:3

Munasqa wawqe panakuna, qankunamanta Diosta pachis ninayku tiyan. Ajina kanan kashan, imaraykuchus Diospi astawan astawan atinikushankichej, jinallataj qankunapura astawan astawan munakushankichej.

1 Tesalonicenses 3:12

Noqayku mañarikullaykutaj Tukuyta Kamachej Jesús yanapasunaykichejta qankunapura astawan astawan munakunaykichejpaj, jinataj tukuy runatapis. Noqaykupis ajinatamin qankunata munakullaykutaj.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

1 Corintios 8:1

Kunanqa lantikunaman jaywasqa mikhunamanta tapuwasqaykichejman kutichiyta munani. Tukuyninchej kaymanta yachanchejña. Chaywanpis yachayniyoj kanaqa may kasqanchejta yuyachiwanchej. Munakuyniyoj kanarí iglesiata kallpachan.

Romanos 12:4

Nisunman: Ukhunchejpeqa ashkha imanchej tiyan, sapa imajtataj imachus ruwananqa sumaj sut'inchasqa.

1 Corintios 10:17

Noqanchej ashkha kaspapis, uj t'antallamanta mikhunchej. Ajinata ruwaspataj, uj ukhullamanta kasqanchejta yachayta qoshanchej.