Efesios 2:10 - DIOSPA QHELQACHISQAN DEUTEROCANONICAL

¹⁰ Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Qheshwa Biblia DC

¹⁰ Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

DIOSPA QHELQACHISQ

¹⁰ Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Quechua South Bolivia: Dios Parlapawanchej

¹⁰ Paypa ruwaskanmin canchej. Cristo Jesusnejta ruwawarkanchej sumaj cajta ruwaspa causacunanchejpaj. Dioska unayña yuyarka ajinata causacunanchejpaj.

Efesios 2:10 Referans Kwoze

Filipenses 2:13

Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

2 Corintios 5:17

Cristoman ujchasqa kajqa mosoj runaman tukuchisqañamin. Ñawpa kawsaynin tukukapun, mosoj kawsaytaj qallarin.

2 Corintios 9:8

Diostaj atiyniyojmin, qhasilla k'acha yanapayninnejta qankunaman ashkhamanta qosunaykichejpaj. Ajinamanta mana jayk'ajpis ni imamanta pisichikunkichejchu. Aswanpis tiyapuyniykichej kallanqapuni wajkunata yanapayta atinaykichejpaj.

Efesios 4:24

Jinataj Diosman rijch'akoj ruwasqa, chay mosoj runa kaywan p'achawan jina p'achallikuychej. Chay mosoj runaqa cheqanta ruwaspa purinapi, chantá cheqa kajman jina llimphu kawsanapi rikuchikun.

Filipenses 1:6

Jinataj kayta allinta yachani: Diosqa qankunapi ima allin ruwaytachus qallarerqa, chayta sumaj tukusqa kanankama junt'anqa, Jesucristo kutimunan p'unchaykama.

2 Timoteo 3:17

Ajinamanta Diospa kamachenqa ruwanapaj sumaj yachachisqa kanqa, jinallataj tukuy ima allin kajta ruwananpaj sumaj wakichisqa.

Efesios 4:1

Tukuyta Kamachej Jesuspa munasqanta ruwasqayrayku carcelpi wisq'asqa kaspa, noqa tukuy sonqo mañakuykichej, Diospa wajyasqan kajkuna imaynatachus purinanku kashan, ajinata qankunapis purinaykichejta.

2 Timoteo 2:21

Ajinallataj pichus mana allin kajta ruwanamanta t'aqakojqa jatun p'unchayllapi oqharinapaj jina kanqa. Payqa Tukuyta Kamachej Diospaj t'aqasqa kaspa, wakichisqa kanqa, Dios paynejta tukuy allin kajta ruwananpaj.

Salmos 100:3

Tata Diosqa Diospuni kasqanta rejsikapuychej. Pay ruwawasqanchejrayku, paypata kanchej. Paypa ayllun kanchej, michinan ovejankunataj.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Isaías 43:21

Israel aylluytaqa noqata yupaychanawanpaj ruwarqani. Aswan qhepamantaj paykuna tukuynejpi sutiyta jatunchanqankupuni.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

1 Timoteo 6:18

Chantá paykunata kamachillaytaj allin kajta ruwanankuta, allin kajta ruwanapitaj qhapaj kanankuta. Jinallataj jatun sonqoyoj kachunku, tiyapuyninkumanta mana mich'akuspa wajkunata yanaparinankupaj.

Tito 3:14

Diosta qhatej masinchejkuna allin kajta ruwayta yachachunku, imamantapis pisichikojkunata yanapaspa. Ajinata ruwaspa, mana jinalla kakojkunachu kanqanku.

Hebreos 10:24

Jinallataj ujkuna ujkuna imaynatachus yanaparinakunapaj yuyaycharikuna, puraj munakunanchejpaj, chantá allin kajta ruwananchejpaj ima.

Tito 3:8

Kay nisqayqa cheqapuni, munanitaj mana sayk'uspa chaymanta parlanaykita. Noqanchej Diosta qhatikojkuna imachus allin kajta ruwanapi yuyaspa kananchej tiyan. Chaykunata ruwanaqa may sumajmin, allintaj runapaj.

Colosenses 3:10

Jinaspataj, mosoj runa jina kanata p'achata jina churakunkichej. Chay mosoj runaqa Ruwajninpa rijch'ayninman jina astawan astawan mosojyachisqapuni kashan, ajinamanta Diosta astawan rejsinaykichejpaj.

Tito 2:7

Qanrí tukuy imata allinta ruwaspa purisqaykita paykunaman rikuchiy, qan jina puriyta yachanankupaj. Tukuy imatachus ruwasqaykeqa yachayta qochun, yachachisqayki cheqan sonqowan, chantá mana pujllakuspa jinallachu kasqanta.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

Tito 3:1

Wawqe panakunata yuyarichiy kamachejkunawan, kamachejta yanapajkunatawan ima kasuy sonqo kanankuta. Paykunata kasuchunku, chantá tukuy imachus allinta kajtataj usqhayllata ruwayta munachunku.

1 Juan 2:6

Pichus Dioswan uj sonqolla kasqanta nejqa kawsanan tiyan, imaynatachus Jesús kay pachapi kawsarqa, ajinata.

Salmos 138:8

Tata Dios, qan imatachus noqarayku ruwayta munasqaykita junt'anki. Tata Dios, khuyakuyniykeqa wiñaypajmin. Noqaqa qanpa ruwasqayki kani, ama saqerpariwaychu.

Isaías 29:23

Chantá chay chhika wawankukunapaj imatachus ruwasqayta rikuspa, paykuna noqata May Llimphu Kaj Diospaj rejsikapuwanqanku. Noqata may jatunpaj qhawawanqanku. Jinallataj may jatun respetowan qhawawanqanku, Jacobpa May Llimphu Kaj Diosnin kasqayrayku.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Juan 3:21

Cheqan kajta ruwaspa purejkunarí k'anchayman qayllamunku, ruwasqanku Diospa munasqanman jina kasqanta wajkuna yachanankupaj, nispa.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

2 Tesalonicenses 2:17

Paykunamin sonqoykichejta oqharichunku, kallpachachunkutaj allin kajllatapuni ruwanaykichejpaj, chantá parlanaykichejpaj ima.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

2 Corintios 5:5

Chay jina kananchejpaj Diosmin wakichiwarqanchej, nisqanta junt'ananpajtaj Santo Espiritutapis señata jina qowarqanchej.

Isaías 44:21

Jacobpa ayllun Israel, qan kamachiy kasqaykita yuyarikuy. Noqamanta ama qonqaychu, imaraykuchus noqa ruwarqayki, qantaj kamachiy kanki.

1 Timoteo 5:25

Ajinallatataj wakinkunajta allin ruwasqankupis sut'i yachakun. Allin ruwasqanku pakasqa jinalla kanman chaypis, mana wiñaypaj pakasqallapuni kayta atinchu.

1 Timoteo 2:10

Manachayqa, Diosta jatunchayta munajkuna jina warmikunaqa allin kajta ruwasqankuwan k'achanchakuchunku.

Deuteronomio 5:33

Qankunaqa Tata Diosniykichejpa kamachisusqanta kasuspa, allinta puriychej, Tata Dios qosonqachej chay jallp'api unayta kawsakunaykichejpaj, chantá allin rinasuykichejpaj.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Hechos 9:36

Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 19:25

Chaypacha Tukuy Atiyniyoj Tata Dios paykunata nenqa: Noqaj aylluy Egiptota, ruwasqay asiriokunata, chayaqey Israelta ima saminchasaj, nispa.

Salmos 119:3

Diosta kasojkunaqa millay kajta mana ruwankuchu, manachayqa Tata Diospa yachachisqanta kasuspa purinku.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Gálatas 6:15

Chayrayku circuncidasqa kana, chayrí mana circuncidasqa kana yanqhalla. Manachayqa mosoj runaman tukuchisqa kaymin aswanqa.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Isaías 43:7

Pikunachus sutiyta oqharejkunata, jinallataj pikunatachus noqata jatunchanawankupaj ruwarqani, chaykunata apampuway, nispa.

Efesios 1:1

Noqa Pabloqa Diospa munayninrayku Jesucristoj kuraj kachan kani. Kay cartata Éfeso llajtapi Diospaj t'aqasqa kajkunaman apachimuni, pikunachus mana sayk'uspa Cristo Jesusta qhatinku, chaykunaman.

Efesios 2:6

Diosqa Cristo Jesuswan khuskata kawsarichiwarqanchej, chantá janaj pachapi paywan khuskata tiyaykuchiwarqanchej, imajtinchus Cristo Jesusman ujchasqa kanchej.

Efesios 2:13

Kunanrí Cristoman ujchasqa kaspa, pikunachus ñawpajta karupi karqankichej, chaykuna qayllachisqaña kankichej, pay cruzpi wañusqanrayku.

Efesios 2:15

Cristo wañusqanwan Moisespa kamachisqankunata tukuychayninman churarqa. Jinataj paymin judiokunata, mana judiokunata ima allin kawsayman churarqa, iskayninkumanta uj mosoj aylluta ruwaspa.