Efesios 1:13 - DIOSPA QHELQACHISQAN DEUTEROCANONICAL

¹³ Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Qheshwa Biblia DC

¹³ Qankunapis paynejta cheqa kaj palabrata, salvaj evangeliota ima uyarerqankichej. Paypi creespataj, Diospa qosqayki nisqan chay santo Espirituwan sellasqas karqankichej.

DIOSPA QHELQACHISQ

¹³ Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Quechua South Bolivia: Dios Parlapawanchej

¹³ Kancunapis uyarerkanquichej cheka niskanta imaynachus juchamanta cachariskas canayquichejta. Chay sumaj willanasta uyarispataj Cristopi jap'icorkanquichej. Ajinata jap'icojtiyquichejtaj Diospa sumaj niskanmanjina Santo Espíritu sonkoyquichejta sellarka. Chayka Diospa runasnin caskayquichejta ricuchinanpajmin.

Efesios 1:13 Referans Kwoze

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

1 Tesalonicenses 2:13

Chayrayku noqaykupis mana sayk'uspa Diosta pachis nillaykupuni, imaraykuchus Diospa willayninta qankunaman willajtiyku, tukuy sonqo jap'ikorqankichej, mana runaj parlasqanta jinachu, manachayqa Diospa nisqanta jina. Chayqa Diospa nisqanpuni, kunantaj qankuna Jesuspi atinikojkunapi imachus ruwananta ruwashan.

Romanos 4:11

Abrahampa circuncidasqa kasqan señal karqa Diospi atinikusqanrayku cheqan runapajña qhawasqa kasqanmanta. Jinataj manaraj circuncidasqa kashajtin, Diosqa cheqan runa kasqanta nerqa. Chayrayku Abrahamqa Diospi tukuy atinikojkunaj tatanku, mana circuncidasqa kashajtinkupis. Diostaj paykunatapis cheqan runapaj qhawan paypi atinikusqankurayku.

Tito 2:11

Diosqa qhasilla k'acha yanapayninta rikucherqa, chayta mana jap'ikunanchejpaj jina kashajtinchejpis, tukuy qhespichisqa kananchejpaj.

Gálatas 3:14

Dios imaynatachus Abrahamta saminchananta nerqa, ajinallatataj Cristo Jesusnejta mana judío kajkunatapis saminchallantaj. Ajinaqa Cristopi atinikusqanchejrayku Diosqa Santo Espirituta qowanchej, qonawanchejta nisqanman jina.

Joel 2:28

28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

Hechos 2:33

Chaymantataj Diosqa Jesusta pañanman tiyaykucherqa. Payllataj Santo Espirituta Jesusman qorqa. Kunantaj Jesús Santo Espirituta kachamun, imaynatachus kunan rikushankichej, uyarishankichej, ajinata.

San Juan 14:26

Chaywanpis sonqochaj Santo Espíritu, pitachus sutiypi Tata Dios kachamonqa, chaymin tukuy imata yachachisonqachej, yuyarichisonqachejtaj tukuy imatachus qankunaman nisqayta.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Lucas 24:49

Noqataj, Tata Diosniy pitachus kachamusunaykichejta nerqa, chayta kachamusqaykichej. Chaykamarí, Jerusalén llajtapi qhepakuychej, janaj pachamanta atiywan kallpachasqa kanaykichejkama, nispa.

Salmos 119:43

Cheqan kajtapuni parlanaypaj yanapaway, imaraykuchus kamachisqallaykipi suyakuni.

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.

Romanos 6:17

Ñawpajta juchaj wata runan karqankichej. Kunantajrí, Diosta pachis ninachej, imaraykuchus tukuy sonqowan imatachus yachachisqaykuta kasukushankichej.

Hechos 1:4

Ajina kuraj kachankunawan tantasqa kashaspa, Jesús paykunata kamacherqa: Jerusalén llajtamanta amaraj ripuychejchu, manachayqa suyaychej Tata Diospa nisqan junt'akunanta, mayqenmantachus noqa willarqaykichej, chayta.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

Hechos 13:26

Abrahampa ayllunmanta kaj wawqekuna, Diosta yupaychaj mana judiokuna ima, uyariwaychej: Diospa kachamusqan Qhespichej jamunanmanta chay willayqa noqanchejpaj karqa.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Lucas 11:13

Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

Apocalipsis 7:2

Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

2 Timoteo 3:15

Qan wawamantapacha imatachus Diospa Qhelqachisqanmanta yachaqakusqaykita yuyarikuy, imaraykuchus yachayniyoj kayta yachachisunkiman. Jinallataj Cristo Jesuspi atinikuynejta qhespichisqa kanaman apasuyta atin.

2 Timoteo 2:15

Qanrí atisqaykita ruway Diospa ñawpaqenpi allinpaj qhawasqa kanaykipaj. Imachus ruwanaykita sumajta ruway, ama imamanta p'enqakunaykipaj jina, cheqa kaj willayta maychus kajta yachachispa.

Efesios 4:21

Manachayqa paymanta willajta uyarerqankichej, munasqanman jinataj kawsayta yacharqankichej cheqa kajta yachachisqanman jina.

2 Corintios 6:7

Jinallataj Diospa simi nisqanta mana q'ewispa willayku, Diospa jatun atiynintaj noqaykupi llank'an. Cheqan kajtataj armata jina jap'iyku imapis kajtin kutichikunaykupaj, jinallataj atipanaykupaj.

San Juan 3:33

Tukuy pichus sut'inchasqanta jap'ikojqa sut'ita nin Dios cheqatapuni parlasqanta.

Santiago 1:21

Chayrayku sonqoykichejmanta tukuy millay kajta, tukuy ch'ichi kajtapis t'iraspa wijch'uychej. Chantá Diospa nisqan sonqoykichejpi tarpusqaña kajta llamp'u sonqowan jap'ikuychej, mayqenchus qankunata qhespichiyta atin, chayta.