Apocalipsis 4:10 - DIOSPA QHELQACHISQAN DEUTEROCANONICAL

¹⁰ Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Qheshwa Biblia DC

¹⁰ Chay iskay chunka tawayoj kuraj runas, tronopi tiyasqa kajpa ñaupaqempi qonqoriykukuspa, yupaychasharqanku wiñay wiñaypaj. Pillusninkutataj tronoj ñaupaqenman churaspa, nisharqanku:

DIOSPA QHELQACHISQ

¹⁰ Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Quechua South Bolivia: Dios Parlapawanchej

¹⁰ Sapa cuti ajinata yupaychajtincutaj chay iscay chunca tawayoj curajcunaka tiyaska Diospa ñaupakenman konkoricuncu. Payka wiñaypa wiñayninpaj causayniyoj. Chay curajcunataj kori pillusnincuta tiyanaj ñaupakenman churaspa yupaychancu:

Apocalipsis 4:10 Referans Kwoze

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.

Apocalipsis 11:16

Chantá chay iskay chunka tawayoj kuraj runakuna pampakama k'umuykuspa, Diosta yupaycharqanku. Paykuna Diospa ñawpaqenpi kamachinanku tiyanapi tiyasqa kasharqanku.

Salmos 95:6

Jamuychej, qonqorikuspa yupaychanachej. Tata Diospa ñawpaqenpi qonqorikunachej, imaraykuchus paymin ruwawarqanchej.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 7:11

Chantá tukuy angelkuna kamachina tiyanaj muyuyninpi sayasharqanku, kurajkunaj, chantá tawa kawsajkunaj muyuyninpi ima. Jinallataj kamachina tiyanaj ñawpaqenpi pampakama k'umuykuspa, Diosta yupaycharqanku.

Apocalipsis 5:14

Tawantin kawsajkunataj kuticherqanku: Ajina kachun, nispa. Chay iskay chunka tawayoj kurajkunataj pampakama k'umuykuspa, Corderota yupaycharqanku.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Salmos 72:11

Tukuy kuraj kamachejkuna paypa ñawpaqenpi qonqorikuchunku, tukuy suyutaj paypa kamachiyninpi kachunku.

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.

1 Crónicas 29:20

Chantá Davidqa tukuy israelitakunata nerqa: Kunanqa qankunañataj Tata Diosta yupaychaychej, nispa. Chantá tantasqa israelitakunaqa ñawpa tatankoj Tata Diosninkuta yupaycharqanku, chantá Tata Diospa ñawpaqenpi, jinataj kuraj kamachejpa ñawpaqenpiwan qonqoriykukuspa, pampakama k'umuykorqanku.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

2 Crónicas 7:3

Tata Diospa jatun kayninpa lliphipiyninta Templo pataman urayk'amojta, chantá nina urmamojta rikuspa, tukuy israelitakuna pampakama k'umuykorqanku. Jinaspataj, Tata Diosta yupaycharqanku: Tata Diosqa may k'achamin, khuyakuynintaj wiñaypajmin, nispa.

San Lucas 24:52

Paykunataj Jesusta yupaychaspa, may kusisqa Jerusalenman kutiporqanku.

Salmos 115:1

Tata Diosniyku, qanlla jatunchasqa kanapaj jina kanki, mana noqaykuchu. Khuyakuyniykirayku, nisqaykita junt'aj kasqaykiraykutaj qanmin jatunchasqa kay.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

Deuteronomio 32:40

Noqaqa makiyta janaj pachaman oqharispa, wiñaypaj kawsaj Dios kasqayrayku tiluni.

Salmos 47:8

8 (9) Diosqa tukuy suyuta kamachin. Diosqa may llimphu kamachinan tiyanapi tiyasqa kashan.

Isaías 6:1

Kuraj kamachej Uziaspa wañupusqan watapi, noqaqa Tukuyta Kamachej Diosta chhika patapi sumaj kamachinan tiyanapi tiyashajta rikorqani, may jatunchasqata. P'achanpa kantuntaj Templonman junt'aykorqa.

Daniel (hebreo) 4:34

34 (31) Qanchis wata junt'akojtin, noqa Nabucodonosor janaj pachata qhawarerqani, loco kayniymantataj yuyayniyman kutiripusqayta reparakorqani. Chaypacha janaj pachapi kaj Diosta yupaycharqani, kay jinatataj Wiñaypaj Kawsajta jatuncharqani: Paypa atiynenqa wiñaypaj, suyukunata kamachiyninpis tukuy mit'apaj.

Daniel (hebreo) 12:7

Jinapi linomanta p'achayoj runa iskaynin makinta janajman oqharerqa, wiñaypaj kawsaj Diospa sutinpi tiluspataj, nerqa: Kinsa wata khuskanniyojkama, maypachachus Diospa ayllun phirisqa kanan tukukonqa chaypacha, kay tukuynin imakunapis tukukullanqataj, nispa.

Apocalipsis 4:2

Chantá chay kikinpacha Santo Espíritoj kamachiyninpi kaspa, noqa janaj pachapi kamachina tiyana churasqata rikorqani. Chay kamachina tiyanapitaj uj runa tiyasqa kasharqa.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Apocalipsis 15:7

Chantá chay tawa kawsajkunamanta ujnin kaj chay qanchis angelkunaman qorimanta ruwasqa qanchis vasota jaywarqa. Chay vasokunaqa Diospa phiñakuyninwan junt'asqa karqanku, pichus wiñay wiñaypaj kawsan, chaypata.