Apocalipsis 3:5 - DIOSPA QHELQACHISQAN DEUTEROCANONICAL

⁵ Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.

Qheshwa Biblia DC

⁵ Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

DIOSPA QHELQACHISQ

⁵ Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.

Quechua South Bolivia: Dios Parlapawanchej

⁵ Juchata atipajka llimphu causaywan p'achalliconka p'achawanjina. Wiñay causayniyojcunaj sutisnincu kelkana libromantapis paypa sutintaka ni jayc'aj pichasajchu. Astawanpis Tatay Diospa ñaupakenpi angelesninpa ñaupakencupipis cheka runaypaj paytaka rejsicusaj.

Apocalipsis 3:5 Referans Kwoze

San Mateo 10:32

Sichus pipis runakunaj ñawpaqenpi yachachisqay kasqanta rimarenqa chayqa, noqapis janaj pachapi kashaj Tataypa ñawpaqenpi nisaj: Payqa noqajtamin, nispa.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

San Lucas 12:8

Jesús nillarqataj: Noqaqa niykichej: Sichus pipis runaj ñawpaqenpi yachachisqay kasqanta rimarenqa chayqa, noqa Runaj Churinpis Diospa angelninkunaj ñawpaqenpi nillasajtaj: Payqa noqajtamin, nispa.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Salmos 69:28

28 (29) Kawsay p'anqaykimanta sutinkuta orqhopuy, cheqan runakunaj sutinkutawan khuskata ama sutinkuta qhelqaykuychu.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

Apocalipsis 19:8

Chay sipasman Dios atiyta qorqa yuraj lliphipej sumaj awasqa linomanta p'achawan p'achallikunanpaj. Linomanta sumaj awasqa telaqa ninakun Diospa ajllakusqankunaj cheqan ruwasqankuwan, nispa.

Malaquías 3:17

Tukuy Atiyniyoj Tata Dios nin: Noqaj wakichisqay p'unchaypi paykunaqa watej aylluy kanqanku. Imaynatachus uj tata nisqanta kasukoj wawanta khuyan, ajinallatataj noqapis paykunamanta khuyakusaj.

Apocalipsis 22:19

Sitajchus pillapis kay p'anqapi imachus qhelqasqamanta imallatapis qhechunman chayqa, Diosqa kawsay sach'amanta mana mikhojta saqenqachu, nitaj ajllakusqan llajtaman yaykuchenqachu, mayqenmantachus kay p'anqapi willan, chayman.

Apocalipsis 3:4

Chaywanpis Sardis iglesiapi pisilla juchallispa mana ch'ichichakojkuna kanku. Paykuna yuraj p'achawan p'achallisqa noqawan purenqanku, chaypaj jina kasqankurayku.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

Salmos 109:13

Mirayninpis tukukapuchun, sutintaj wiñaypaj chinkachisqa kachun.

1 Samuel 17:25

Chantá israelitakuna nerqanku: Rikunkichejchu chay llojsimoj runata? Payqa wapulla sayaspa, israelitakunaj contranpi sayaykun. Kuraj kamachejninchejrí, pichus jaqay runata atipajman ashkha qolqeta qonqa, ususintawan casarachenqa. Chantá tukuy ayllunpis impuestota mana paganqankuchu, nispa.

Deuteronomio 9:14

Kunanqa ama jark'akuwaychu kay runakunata wañuchispa, sutinkuta kay pachamanta chinkachinayta. Qanpa mirayniykimantarí ashkha runayoj jatun suyuta ruwasaj, israelitakunamanta aswan ashkhata, aswan kallpayojtataj, nispa.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Apocalipsis 6:11

Chantá yuraj p'achata sapa ujninkuman qorqanku. Paykunatataj nerqanku: Pisi tiempotawan suyariychej, imajtinchus Jesusta qhatej masiykichejkunamanta pikunachus wañunanku kashan, chaykuna manaraj qankuna jina wañuchisqachu kanku, nispa.