Apocalipsis 2:3 - DIOSPA QHELQACHISQAN DEUTEROCANONICAL

³ Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

Qheshwa Biblia DC

³ Pacienciawan ñak'arerqanki sutiyrayku mana sayk'uspa.

DIOSPA QHELQACHISQ

³ Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

Quechua South Bolivia: Dios Parlapawanchej

³ Llaquichiska caspa Diospipuni confiacunqui. Nokajta caskayquiraycu muchorkanqui manataj sayc'ucorkanquichu. Chay tucuyta kanmanta yachani.

Apocalipsis 2:3 Referans Kwoze

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.

Gálatas 6:9

Chayrayku allin kajta ruwaspa, ama sayk'unachu, imaraykuchus mana sayk'uspa ruwallasunchejpuni chayqa, maychus tiemponpi Dios t'inkata qowasunchej.

Colosenses 1:11

Mañapullaykutaj Diosqa may jina jatun atiyninwan qankunata kallpachananta, tukuy mana allin kajkuna qhatirejtin pacienciakunaykichejpaj.

San Juan 15:21

Paykuna chay tukuyta ruwasonqachej yachachisqay kasqaykichejrayku, imajtinchus Diosman mana kutirikojkunaqa pichus Kachamuwajta mana rejsinkuchu.

1 Corintios 13:7

Pichus munakuyniyojpataqa tukuy imata awantananpaj kallpan tiyan. Jinataj Diospi atinikuynin, suyakuyniyoj kasqanpis mana tukunkuchu. Chantá imapis kajtin, sinch'ita sayallanpuni.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Hebreos 6:15

Jinataj Abraham may jina unayta pacienciawan suyakuspa, imatachus Dios nerqa, chayta jap'erqa.

Hebreos 6:12

Qhella kanaykichejtapis manallataj munaykuchu. Manachayqa munayku, pikunachus Diospi tukuy sonqo atinikuspa, chantá pacienciawan Diospa nisqanman jina chayaqeta jap'iyta suyanku, ajinallatataj qankunapis ruwanaykichejta.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

1 Timoteo 4:10

Chayrayku tukuy sonqo sinch'ita llank'anchej, jinataj mayta kallpakushallanchejpuni, imaraykuchus kawsaj Diospi atinikuspa yanapanawanchejta suyakushanchej. Diosqa tukuy runata qhespichiyta munan, astawanqa pikunachus paypi atinikunku, chaykunata.

2 Tesalonicenses 3:13

Qankunatajrí wawqe panakuna, allin kajta ruwaspa ama sayk'uychejchu.

2 Corintios 4:16

Chayrayku noqayku mana llawch'iyaykuchu. Ukhuykoqa astawan machuyapushan chaypis, sonqoykoqa sapa p'unchay astawan kallpachakun.

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

Romanos 12:12

Jinallataj Tukuyta Kamachej Jesús kutimunanta suyashaspa, kusikuychej. Diosta kasusqaykichejrayku ñak'arispaqa, pacienciakuychej, mana sayk'uspataj, Dioswan parlarikuychejpuni.

Romanos 8:25

Chaywanpis imatachus suyashanchej, sichus chayta mana rikunchejrajchu chayqa, pacienciawan suyananchej tiyan.

San Lucas 14:27

Jinallataj manachus cruzninta oqharispa qhepayta jamun chayqa, mana yachachisqay kayta atinchu, nispa.

Salmos 37:7

Tata Diospa ñawpaqenpi ch'inlla kakuy, pay yanapanasunta pacienciawan suyay. Pitapis allin risqanrayku ama phiñakuychu, pichus millayta ruwanapaj wakichikojmanta.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

2 Pedro 1:6

Chay yachaymantaj yapaychej sonqoykichejpa munasqanwan mana atipachikuyta, chaymantaj yapaychej ñak'ariypi pacienciakuyta. Chaymantaj yapaychej Diosman k'askasqa kawsakuyta.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

2 Corintios 11:23

Cristoj wata runanchu kanku? Noqaqa aswanraj. Ajinata nispaqa, manapis yuyayniypichu kashayman jina parlashani. Chaywanpis paykunaj ruwasqankumanta nisqaqa ruwasqayqa aswan ashkha. Noqaqa aswan ashkha kutita carcelpi wisq'asqa karqani, jinallataj mana yupay atina seq'osqa. Chantapis, aswan ashkha kutita wañuy patapi rikhurerqani.

2 Corintios 5:9

Chayrayku kay pachapi kawsashaspapis, chayrí manaña kaypi kashaspapis, Jesucristota kusichiyta munanchej.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

San Lucas 18:1

Uj kuti Jesusqa uj rijch'anachinata willaspa, yachacherqa mana sayk'uspa Dioswan parlarikunapuni kasqanta.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Hebreos 13:13

Chayrayku noqanchejpis Jesuswan khuskallataj jaramanta jawaman llojsinachej, pay jina p'enqayta k'umuykachachisqa kanata ñak'arinanchejpaj.

1 Timoteo 5:17

Iglesiata pusarejkuna imachus ruwanankuta sumajta ruwajtinku, paykuna kawsanankupaj iglesia uj jinatawan qonanku tiyan, astawanqa pikunachus Diospa simi nisqanta willanku, yachachinkutaj, chaykunaman.

2 Tesalonicenses 3:8

Noqayku mana jayk'ajpis pejpa mikhunanta qhasilla mikhorqaykuchu. Aswanpis jump'i suruyta tuta p'unchay llank'arqayku, ama ni mayqenniykichejpaj llasa q'epi jina kanaykupaj.

2 Tesalonicenses 3:5

Chantá Tukuyta Kamachej Jesús qankunata yanapachun imaynatachus Dios munakun, ajinallatataj qankunapis wajkunata munakunaykichejpaj, chantapis ñak'ariykunapi Cristo jina pacienciakunaykichejpaj ima.

1 Tesalonicenses 2:9

Wawqe panakuna, qankuna yuyarikushankichejpuni kawsanaykupaj sayk'uy sayk'uyta imatachus ruwasqaykuta. Diospa sumaj willayninta qankunaman willashaspa, mikhunaykupaj tuta p'unchay llank'aspa karqayku, ama pipis mikhuchinawaykumanta phutikushanaykichejpaj.

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

Filipenses 2:16

Jinallataj kawsayta qoj willaymanta jap'ikuspallapuni kaychej. Ajinamanta Cristoj kutimunan p'unchaypi noqa sonqo junt'asqa kasaj, imaraykuchus yachasaj kallpakusqay, ruwasqaytaj mana qhasichu kasqanta.

Gálatas 6:2

Ima mana allin rikhurejtinpis, purajmanta yanapanakuychej, imaraykuchus ajinata ruwaspa, Cristoj kamachisqanta junt'ashankichej.

2 Corintios 10:15

Noqayku manallataj jatunchakuykuchu wajkunaj ruwasqankumanta noqaykojtapis kanman jina. Aswanpis mayta munashayku qankuna ukhupi astawan llank'ayta, Diospi atinikusqaykichejpi wiñasqaykichejman jina.

2 Corintios 6:5

Noqayku jasut'isqa karqayku, carcelmantaj churasqa. Jinallataj runa ch'ajwata jatarichispa, wañuchiyta munawarqayku. Jinataj sinch'ita llank'arqayku wakin kuti mana puñusqa, nitaj mikhusqa.

Romanos 16:12

Chaymanta pananchejkuna Trifenata, Trifosatawan ima napaykapullawaychejtaj, pikunachus Tukuyta Kamachej Jesuspaj sinch'ita llank'anku, chaykunata. Chantá munasqa panay Persidatapis napaykuripullawaychejtaj. Paypis may jinata Tukuyta Kamachej Jesuspaj llank'allarqataj.

San Lucas 21:19

Sinch'ita sayaychej, ajinamantataj wiñay kawsayta tarinkichej.

Marcos 15:21

Chaypacha, Cirenemanta Simón sutiyoj runa, pichus Alejandroj, Rufojtawan tatan kaj, campomanta jampusharqa. Chayllapi romano soldadokunaqa paywan mana munashajta Jesuspa cruzninta apacherqanku.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Salmos 69:7

7 (8) Qanrayku imaymanata nichikuspa, ch'inllamanta kakuni. P'enqaywan uyayta maymanchus churanayta mana yachanichu.

1 Tesalonicenses 5:12

Wawqe panakuna, mañarikuyku iglesiata pusarejkunata tukuy respetowan qhawanaykichejta, imajtinchus paykunaqa atisqankuta ruwaspa yachachisunkichej Diosta qhatikojkuna jina kawsanaykichejpaj.

1 Corintios 16:16

Noqa tukuy sonqo mañarikuykichej Estefanasta kasunaykichejta, jinallataj pay jina yanapakojkunata, chantá Diospa ruwananta tukuy sonqo ruwajkunata ima.

San Lucas 5:5

Simontajrí kuticherqa: Yachachej, tukuy tutantin ni uj challwallatapis jap'iykuchu. Chaywanpis, nisqaykiman jina ch'ipata ujtawan wijch'uykusaj, nispa.