1 Juan 4:12 - DIOSPA QHELQACHISQAN DEUTEROCANONICAL

¹² Mana pipis jayk'aj Diosta rikorqachu. Noqanchej purajmanta munakunchej chayrí, Dios noqanchejpi tiyakun, munakuynintaj noqanchejpi imachus ruwananta ruwaspa, imatachus tariyta munasqanta junt'an.

Qheshwa Biblia DC

¹² Mana ni jayk'aj pipis Diosta rikorqachu. Purajmanta munanakojtinchejqa, Dios noqanchejpi kashan, munakuynintaj noqanchejpi junt'akun.

DIOSPA QHELQACHISQ

¹² Mana pipis jayk'aj Diosta rikorqachu. Noqanchej purajmanta munakunchej chayrí, Dios noqanchejpi tiyakun, munakuynintaj noqanchejpi imachus ruwananta ruwaspa, imatachus tariyta munasqanta junt'an.

Quechua South Bolivia: Dios Parlapawanchej

¹² Ni pipis ni jayc'aj Diosta ricorkachu. Purajmanta munanacojtinchejrí quiquin Dios sonkosninchejpi tiyacun. Pay yanapawanchej astawan astawanraj munanacunanchejta cheka munacuyninwan junt'askas cananchejcama.

1 Juan 4:12 Referans Kwoze

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

1 Juan 2:5

Sichus pipis Diospa nisqanta kasun chayqa, cheqatapuni Diosta munakusqanta rejsichishan. Kay jinamanta Dioswan uj sonqolla kasqanchejta yachanchej:

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

1 Juan 4:20

Sichus pipis ninman: Noqaqa Diosta munakuni, nispa, Jesucristota qhatej masintataj chejnikunman chayqa, payqa llullamin. Sichus pipis rikushasqan runa masinta mana munakunchu chayqa, mana rikusqan Diostapis manallataj munakunchu.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

Éxodo 33:20

Uyaytarí manapuni rikuwankichu, imaraykuchus pipis rikuwajqa manapuni kawsanqachu, nispa.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Hebreos 11:27

Jinallataj Moisesqa Diospi atinikusqanrayku Egiptomanta riporqa, kuraj kamachejpa phiñakuyninta mana manchachikuspa. Payqa mana rikukoj Diosta rikushanmanpis jina, mana sayk'uspa, sinch'ita sayarqa.

1 Corintios 13:13

Kunanqa kay kinsa imakunata ruwana tiyan: Diospi atinikuna, Dios nisqanta junt'anantapuni suyana, chantá wajkunata munakuna ima. Chay kinsamanta astawan kurajqa munakuymin.

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.