तितस 3:14 - डोटेलि

¹⁴ हामरा मान्‍स निका काम अद्‍दामि आफना समय बिताउन्‌, ताकि जरुणि रे खाँचो पणिआया खन्‍डमि तिनुले साहेता दिन सकुन्‌, रे तिनु तत्‍तिकइमि जिबन जनबिताउँन्‌।

डोटेली नयाँ करार

¹⁴ इति मान्तर होइन, तुइले बिश्वासिनलाइ सिकाइ राख्दु पणन्छ रे निको काम अददाइ लगातार मिहिनत अददु पणन्छ ताकि तिन मान्सनको खाचो पुरा अद्द सकुन जो अभावमि छन। तसो अर्या हुनाले तिननले अर्थपूर्ण जीवन बिताउन सक्द्या हुन।

तितस 3:14 Referans Kwoze

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।

२ थेसलोनिकि 3:8

हामुले कसइको रोटो सित्‍तिमि खाएइन्‌। तर तमु कसइलाइ लइ भार जनहउ भनिबर हामुले रातदिन मिहिनत अरिबर काम अर्‍यउँ।

प्रेरित 20:35

इसेरि ‘लिन्‍या भन्‍ना दिन्‍या धन्‍य हुन्‌’ भनिबर प्रभु इसु आफुइले भुण्‍या कुरालाइ सम्जिबर कमजोरि मान्‍सनको हेरचाह अद्‍द सक्‍यासम्‍म परिस्रमसित काम अद्‍दुपणन्‍छ भनि मुइले सप्‍पइ कुरडिमि धेकाया छु।”

प्रेरित 18:3

तिनुनले पाल बनाउन्‍या काम अरिबर गुजारा चलाउथ्‍या, रे एकइ जसो काम भया हुनाले पावल लइ तिनुनसित बस्‍या, क्‍यालाइकि तिनुनले लइ पाल बनाउन्‍या काम अरिबर गुजारा चलाउथ्‍या।

१ थेसलोनिकि 2:9

मेरा प्‍यारा भाइबिना हो, तमुलाइ यादइ छ, कि परमेस्‍वरको असल रइबार सुनाउन्‍याबेला लइ हामुले कसइलाइ भार नपणउ भनिबर आफनि निउति दिनरात मरिमेटि काम अर्‍याउँ।

तितस 2:8

रे कसइले खिसि अद्‍द नपाउन्‍या ठिक बोलि हउ, ताकि हामरा बिरुद्‍मि खराबि कुरा केइ लइ नपाइबर हामरा बिरोधि सर्ममि पडुन्‌।