तितस 1:5 - डोटेलि

⁵ ताँ बाकि रया काम पुरा अद्‍दाइलाइ मुइले तुलाइ क्रेटमि छाड्‍या हुँ। तबइलाइ मुइले भुन्‍या जसेरि तुइले सप्‍पइ सहरमि एल्‍डर निउक्‍ति अद्‍दु।

डोटेली नयाँ करार

⁵ तबइकिलाइ मइले तुलाइ क्रेट टापुमि छाडिबर आया, ताकि तुइले ताँ हामरो काम पुरा अद्द सक रे मइले आदेस दिया जसेरि तुइले क्रेट टापुका हरेक सहरमि मण्डलिका अगुवान नियुक्त अर।

तितस 1:5 Referans Kwoze

प्रेरित 14:23

तइपाछा पावल रे बारनाबासले हरेक मण्‍डलिमि अगुवान निउक्‍ति अर्‍यो, प्रार्थना रे उबाससहित आफुले बिस्‍वास अर्‍या प्रभुका जिम्‍मामि तन अगुवानलाइ सउपिदियो।

१ तिमोथी 1:3

मु माकेडोनिया जान्‍याबेला तुलाइ भुन्‍या जसेरि तु एफिससइमि बस्‌, रे झुटा सिछ्‍या सिकाउन्‍या मान्‍सलाइ तसो झुटा सिछ्‍या जनसिका भनिबर कडा आग्‍या दे।

२ तिमोथी 2:2

मुइले भउतइ मान्‍सका अगाडि तुलाइ जो सिछ्‍या दिया कुरा छन्, तिनु कुरा सिकाउन सक्‍द्‍दया बिस्‍वासयोग्‍य मान्‍सलाइ सउपिदे।

प्रेरित 27:21

भउत दिनसम्‍म तिनुन नखाइ बस्‍या थ्‍या। तबइ पावलले तिनरा वाँ जाइबर भुन्‍यो, “दाइभाइन हो, तमुले मेरो सर-सल्‍लाहा मानिबर क्रेटबटहइ जहाज नचलाउनु पड्‍डयाथ्‍यो। तइबेला मुइले भुण्‍या कुरा माण्‍या भयाले नत यसो दुःख पाइनेइथ्‍यो नत मालसामानको नास हुनेइथ्‍यो।

प्रेरित 27:12

यो पानि जहाज रोक्‍द्‍या ठउँरमि हिउन काट्‍टाइलाइ सुबिधा नभयाहुनाले जसेरि लइ फोनिक्‍सइमि पुगिबर जाणि काट्‍ट पणन्‍छ भनिबर भउतले ताँबटहइ जहाज चलाइहाल्‍या सर-सल्‍लाहा दियो। फोनिक्‍स क्रेटको एक पानि जहाज रोक्‍द्‍या ठउँर हो, यो दछिण-पस्‍सिम रे उत्‍तर-पस्‍सिमतिर फर्किया छ।

प्रेरित 27:7

भउत दिनसम्‍म सद्‍दिले गइबर जस्‍यातस्‍या क्‍निडस सहरका नजिकइ आया रे बतासले अज आगाडि जान नदियाहुनाले क्रेट टापुका किनार-किनाइ होइबर हाम सालमोने भन्‍न्‍या ठउँरबटहइ गया।

प्रेरित 11:30

इसेरि तिनुनले उठाया पइसा बारनाबास रे साउलका हातबटहइ यरुसलेम मण्‍डलिका अगुवानका वा पठाइदियो।

प्रेरित 2:11

रोम सहरबटहइ आया यहुदिन रे यहुदि धर्म मान्‍यान दुएइ छउँ, क्रेट टापु रे अरब देसबटहइ आया मान्‍सन छउँ, रे हाम आफना आफना भासामि परमेस्‍वरका माहान कामको चर्चा तिनुनले अद्‍दारया सुन्‍ना छु!”

प्रेरित 27:13

दछिणबटहइ सद्‍दिले बतास चल्‍न लाग्‍यो, सप्‍पइ मान्‍सले आब हाम जान सक्‍दाउ। तबइलाइ तिनुनले अड्‍काइबर राख्‍या पानि जहाजको लङगर निकाल्‍यो रे जहाजलाइ क्रेट टापुका किनारइ किनारतिरबटहइ लइया।

तितस 1:12

क्रेटका एक जना अगमबक्‍ताले यसेरि भुन्‍या छन्, “क्रेटका मान्‍स सप्‍पइ झुटि बोल्‍या, दुस्‍ट पसु रे अल्‍छि रे काँहार छन्।”