मर्कुस 4:41 - डोटेलि

⁴¹ तिनु भउतइ डराया रे आपसमि भुन्‍न लाग्‍या, “इन को हुन्? बतास रे समुन्‍दरले लइ यिनरो हुकुम मान्‍या रइछन्।”

डोटेली नयाँ करार

⁴¹ तिन बड्ताइ डराया रे आपसमी भण्न पस्या, “यिन को हुन? बतास रे समुद्रको लहरले लगइ यिनरो आज्ञा माण्न्या रइछन!”

मर्कुस 4:41 Referans Kwoze

लूका 8:25

इसुले सिस्‍यानलाइ भुन्‍यो, “तमरो बिस्‍वास काँ छ?” तिनुन अचम्‍ममि पड्‌या, उनरो यसो सक्‍ति धेक्‍याहुनाले तिनुन एक अर्खामि कुरडि अद्लाग्‍या, “इन को हुन? इनले हकार्‍यापाछा त हुरिबतास रे छाल लइ तनरो भन्‍या मान्‍या रइछन्।”

मर्कुस 5:33

तबइ आफुलाइ ज्‍या भयाथ्‍यो त्‍यो थाँ पाइबर त्‍यो स्‍वाइनि डरले काम्‍दि आइबर इसुका अगाडि घोप्‍टि पणिबर उनुलाइ सप्‍पइ कुरा बताइदियो।

लूका 4:36

जम्‍माइ मान्‍स अचम्‍ममि पड्‌या रे एक अर्कामि यसो भुन्‍न लाग्‍या, “इन मान्‍सको बोलिमि कसो अधिकार रे सक्‍ति रइछ? इनले हकारनज्‍याइ भुत निकल्‍या रइछ।”

मर्कुस 7:37

यो कुरा सुन्‍न्‍या जति सप्‍पइ मान्‍स अचम्‍म मानिबर भुन्‍न लाग्‍या, “उनुले कति निका काम अर्‍या छन्। उनुले कान नसुन्‍यालाइ सुन्‍या रे बोल्‍ल नसक्‍द्‌यालाइ बोल्‍ल सक्‍द्‌दया लइ बनाया छन्‌।”

मर्कुस 4:40

इसुले तिनुलाइ भुन्‍यो, “तमु क्‍यालाइ डराउन्‍छउ? तमरो बिस्‍वास काँ छ?”

मर्कुस 5:1

इसु रे उनरा सिस्‍या गालिल समुन्‍दरका पारिहइ गेरासेनस मुलुकतिर आया।