मर्कुस 2:2 - डोटेलि

² ताँ भउतइ मान्‍स इसुका वाँ आया रे मान्‍सका भिडले अद्‍दा देलि बाइर लइ बस्‍या ठउँर भएइन, रे तइबेला उनुले तिनुलाइ परमेस्‍वरको बचन प्रचार अद्‌दाथ्‍या।

डोटेली नयाँ करार

² तइ पछा भौत मान्सन ताँ आया ठुलो भिड लागी रे घर जम्माइ मान्सले भरियो याँ सम्मकि घरका देली रे बाइर सब मान्सले भरिरइथ्यो रे येशूले उननलाइ परमेश्वरको बचन सुणाउनाथ्या।

मर्कुस 2:2 Referans Kwoze

मर्कुस 2:13

इसु अज गालिल समुन्‍दरका किनारमि गया। मान्‍सको ठुलो भिड उनरा वा आयो, रे उनुले तिनुलाइ सिछ्‍या दिन लाग्‍या।

मर्कुस 1:45

त्‍यो मान्‍स निकलबर गयो, यइ बिसयमि खुल्‍लम खुल्‍ला प्रचार अद्‌लाग्‍यो, तबइलाइ इसुले अज सहरमि खुल्‍ला रुपले प्रवेस अद्‌द सकेइन्‌, रे एकान्‍त ठउँरतिर बस्‍स लाग्‍या तर चारइतिरबटहइ मान्‍स इसुका वा आया।

२ तिमोथी 4:2

परमेस्‍वरको बचन सुनाउनाइ रे प्रचार अद्‍दाइलाइ जइबेला लइ तयार भइबर बस्‌। पुरा सहनसिलतामि मान्‍सलाइ सिछ्‍या सिकाइबर अर्ति दे, हप्‍का रे उस्‍साह दे।

प्रेरित 16:6

तइपाछा पबित्‍तर आत्‍माबटहइ तिनुनलाइ एसियामि बचन प्रचार अद्‍द जान रोक्‍या हुनाले तिनुन फ्रिगिया रे गलातियाका इलाकान भइबर गया।

प्रेरित 14:25

पर्गा छेत्‍रमि लइ तिनुनले प्रभु इसु ख्रिस्‍टको प्रचार अर्‍यो, तइपाछा तिनुन अटालिया सहरतिर झण्‍या।

प्रेरित 11:19

आब स्‍तिफनसलाइ मार्‍यापाछा यरुसलेममि सतावट भयाहुनाले बिस्‍वासिन चारइतिर छरबट्‍ट भया। कोइ कोइ फोनिके, साइप्रस रे एन्‍टिओखियाका इलाकासम्‍म गया रे यहुदिनलाइ मात्‍तरइ असल रइबार प्रचार अर्‍यो।

प्रेरित 8:25

तइपाछा पत्‍रुस रे युहन्‍नाले प्रभुका बिसयमि प्रचार अरिसक्‍यापाछा यरुसलेम फर्‌किबर आउनज्‍या तिनुनले सामरियाका भउत गाउँ गाउँमि जाइबर असल रइबार सुणायो।

लूका 12:1

तइ समयमि हजारउ मान्‍सको भिड जम्‍मा भयो, याँ सम्‍मकि एकले अर्खालाइ कुचल्‍ल लाग्‍या, उनुले पइलि आफना सिस्‍यानलाइ भुन्‍यो, “तमु फरिसिका खमिरबटहइ बच। क्‍यालाइकि त्‍यो खमिर भुन्‍या तिनुनको कपटले भरिया ह्रिदय हो।

लूका 8:11

“यइ उखानको अर्थ हो, बि भन्‍या परमेस्‍वरको बचन हो।

लूका 8:1

तइपाछा इसु परमेस्‍वरका राज्‍यका बारेमि असल रइबार प्रचार अद्‍दाइ रे सहर सहर रे गाउँ गाउँ गया। बार जना सिस्‍यालइ उनसित थ्‍या।

मर्कुस 1:37

इसुलाइ भेट्‍या पाछा तिनुले भुन्‍यो, “सप्‍पइले तमलाइ खोज्‍जा छन्।”

मर्कुस 1:33

पइ सहरभरिका मान्‍स घरका खलामि जम्‍मा भया।

मर्कुस 1:14

युहन्‍ना पक्राउमि पण्‍यापाछा परमेस्‍वरको असल रइबार प्रचार अद्‍दइ इसु गालिलमि आया।

लूका 5:17

एक दिन इसु मान्‍सनलाइ सिछ्‍या दिन्‍नाथ्‍या कोइ कोइ फरिसि रे धर्म-गुरु उनरा नजिक बसिरइथ्‍था। तिनुन गालिल रे यहुदिया छेत्‍रका सप्‍पइ गाउँ बटहइ यरुसलेम सहर बटहइलइ आइरइथ्‍या। इसुसङ बिमारिनलाइ निको पाड्‌या परमप्रभुको सक्‍ति थ्‍यो।

मर्कुस 6:34

जबइ इसु किनारमि ओल्‍या तबइ उनुले एक ठुलो भिड धेक्‍यो, तिनुलाइ धेकिबर उनरो ह्रिदय दयाले भरियो। क्‍यालाइकि तिनु गोठाला नभया भेडा जसा थ्‍या। रे उनुले तिनुलाइ भउतइ कुरा सिकाउन लाग्‍या।

मर्कुस 2:1

केइ दिनपाछा इसु कफर्नहुम सहरमि फर्किया, रे मान्‍सले उन घरइ छन् भन्‍न्‍या सुन्‍यो।